Fréttir og greinar

23. desember 2015

Opnunartími skrifstofu yfir hátíðirnar

Opnunartími skrifstofu SFR yfir hátíðirnar verður sem hér segir:

Skrifstofan verður lokuð á Aðfangadag og Jóladag.

Opið verður á venjulegum skrifstofutíma 28., 29. og 30. desember.

Skrifstofan verður lokuð á Gamlársdag og Nýársdag.

Félagið óskar öllum gleðilegra jóla og farsældar á nýju ári.

18. desember 2015

Kjarasamingur SFR og SFV samþykktur

Kjarasamningur SFR og Samtaka fyrirtækja í velferðarþjónustu (SFV) var samþykktur í atkvæðagreiðslu sem lauk nú um hádegið. Kosningaþátttaka var tæplega 53% og sögðu 95,7% þeirra já við nýjum samningi.

16. desember 2015

Skrifstofan lokar kl. 15 í dag

Skrifstofa SFR lokar klukkan þrjú í dag.

15. desember 2015

NSO fundur haldinn í Færeyjum

Formaður og framkvæmdastjóri SFR taka nú þátt í fundi NSO (Nordiska statstjänstemannaorganisationen) sem haldinn er í Færeyjum. Á fundinum er farið yfir þau mál sem helst brenna á systurfélögum SFR á Norðurlöndunum. Fjallað er um efnahagsástand, kjarasamninga, aðgerðir stjórnvalda og þær stóru áskorandir sem eru að mæta stéttarfélögunum í náinni framtíð.

15. desember 2015

Kjarasamningur SFR og SFV

Atkvæðagreiðsla um kjarasamning SFR og Samtök fyrirtækja í velferðarþjónustu stendur nú yfir og lýkur 18. des. kl. 12:00. Hér má sjá glærukynningu um samninginn. Hann má einnig finna í heild sinni hér.

14. desember 2015

Jólaball 2015

Það var að venju mikið fjör á jólaballi SFR og St.Rv. sem haldið var í Gullhömrum síðastliðinn laugardag. Rúmlega 300 manns dönsuðu þar í kringum jólatré og skemmtu sér hið besta með jólasveinunum eins og myndirnar sýna.

11. desember 2015

Kjarasamningur SFR og Sambands íslenskra sveitarfélaga samþykktur

Kjarasamningur SFR og Sambands íslenskra sveitarfélaga hefur verið samþykktur með rúmlega 83% atkvæða. Samningurinn gildir frá 1. maí 2015 til 31. mars 2019. Samninginn má skoða hér.

11. desember 2015

Breyttar starfsreglur Styrktar- og sjúkrasjóðs SFR

Vakin er athygli á því að nú mega kvittanir eða aðgerðadagsetningar ekki vera eldri en eins árs gamlar, undantekning er þó tannlæknakvittanir, sjá úthlutunarreglur hér.

Frestur til að sækja um og skila inn gögnum fyrir árið 2015: Til þess að geta fengið styrk vegna ársins 2015 er nú nauðsynlegt að sækja um og skila inn gögnum í síðasta lagi mánudaginn 21. desember. Allar umsóknir og gögn sem berast eftir þennan tíma munu undantekningalaust falla á rétt ársins 2016.

10. desember 2015

Jólafundur trúnaðarmannaráðs

Jólafundur trúnaðarmannaráðs SFR var haldinn í gær. Árni Stefán Jónsson formaður fór yfir stöðuna í kjaramálum, en félagið hefur nú lokið við samninga við flesta viðsemjendur. Samningar SFR og Sambandsins eru í atkvæðagreiðslu og í dag hefst kynning á samningi SFR og SFV. Enn er þó ósamið við Fríhöfnina og Matís. Fundurinn í gær var á jólalegum nótum, rithöfundarnir Einar Már Guðmundsson og Auður Jónsdóttir lásu upp úr nýútgefnum bókum sínum og Ingrid Kuhlman fjallaði um núvitund sem undirstöðu lífshamingjunnar. Hún lauk sínu erindi með slökunaræfingu sem féll í afar góðan jarðveg hjá fundargestum sem hafa átt annríkt í kjaraviðræðunum að undanförnu.

08. desember 2015

Jólaball - miðar seldir á skrifstofu SFR

Átt þú eftir að tryggja þér miða á jólaball SFR og St.Rv. í Gullhömrum næstkomandi laugardag? Miðarnir eru til sölu á skrifstofum félaganna Grettisgötu 89, 4. hæð, opið frá kl. 9-16 alla virka daga. Miðinn kostar 700 kr, bæði fyrir fullorðna og börn.