Fréttir og greinar

03. nóvember 2020

Þú hefur áhrif á styttingu vinnuvikunnar á þínum vinnustað

Í síðustu kjarasamningum náðum við hjá Sameyki stéttarfélag og önnur aðildarfélög BSRB þeim langþráða áfanga að stytta vinnuvikuna niður í 36 klst. í dagvinnu og allt að 32 stundum í vaktavinnu hjá þeim sem vinna erfiðustu vaktirnar. Þessum áfanga ber sannarlega að fagna og það höfum við gert síðan með því að upplýsa félagsfólk um hvernig megi útfæra þessa kjarabót sem best.

24. október 2020

Konur lifa ekki á þakklætinu einu saman!

24. október 1975 lögðu konur niður launuð sem ólaunuð störf til að sýna fram á mikilvægi vinnuframlags kvenna. Í dag, 45 árum síðar, er framlag kvenna til samfélagsins ekki enn að fullu metið að verðleikum. Konur eru enn með 25% lægri atvinnutekjur að meðaltali en karlar. Þar með hafa konur unnið fyrir launum sínum eftir sex klukkustundir og eina mínútu miðað við fullan vinnudag frá kl. 9–17. Daglegum vinnuskyldum kvenna er því lokið kl. 15:01.

23. október 2020

Framtíðin er núna

Í tengslum við Stofnun ársins stóð Sameyki fyrir málþingi um framtíðarvinnumarkaðinn. Málþingið var að sjálfsögðu einungis rafrænt vegna þeirra aðstæðna sem við búum við núna en opið okkur sem vildu fylgjast með í streymi. Á málþinginu var fjallað um þær áskoranir sem starfsfólk og stjórnendur standa frammi fyrir vegna tækniþróunar og lýðfræðilegra breytinga. Erindi fyrirlesara áttu það öll sameiginlegt að fjalla um framtíðarvinnumarkaðinn og það hvernig við starfsfólk og stjórnendur gætum tekist á við hann sem best. Hægt er að hlusta á alla fyrirlestrana á vefsíðu Sameykis.

21. október 2020

Nýsköpunarmiðstöð Íslands – framúrskarandi stofnun sem á að leggja niður

Í grein sem birtist á Kjarnanum í gær fjallar Þórarinn Eyfjörð, framkvæmdastjóri kjaramála og reksturs hjá Sameyki, um þá ákvörðun atvinnuvega- og nýsköpunarráðherra að leggja niður Nýskjöpunarmiðstöð Íslands.

19. október 2020

Sælir sigurvegarar Stofnunar ársins

Það var líf og fjör hjá okkur á fimmtudag og föstudag í siðustu viku þegar við ókum af stað til að afhenda viðurkenningarnar til Stofnana ársins og hástökkvara 2020. Vegna Covid faraldursins var tilkynnt um Stofnanir ársins í gegnum streymi og því brugðum við á það ráð að færa þeim vinningana heim. Þær stofnanir sem ekki eru á höfuðborgarsvæðinu eiga hins vegar von á sendingu í póstinum.

15. október 2020

Stofnun ársins - myndir

Við erum ansi stolt eftir vel heppnað málþing og af því að hafa getað kynnt nýjar Stofnanir ársins í gær. Í þeirra hópi voru nokkrir gamlir kunningjar en einnig sumir nýir. Allt fór þetta fram í streymi og tókst alveg ljómandi vel. Þetta var nýjung fyrir okkur og til komið vegna Covid auðvitað, en hafði þó nokkrar jákvæðar hliðar. Málþingið og augnablikin þar sem tilkynnt var um Stofnanir ársins voru til dæmis aðgengilegar öllum í fyrsta sinn og ekki er ólíklegt að við höldum því áfram þannig.

14. október 2020

Stofnanir ársins eru ...

Valið á Stofnun ársins 2020 var tilkynnt í gegnum streymi fyrr í dag en titlana Stofnun ársins og Fyrirmyndarstofnun hljóta þær stofnanir sem þykja skara fram úr að mati starfsmanna í könnun Sameykis stéttarfélags í almannaþjónustu. Stofnanir ársins 2020 eru Norðlingaskóli, Aðalskrifstofa Akraneskaupstaðar, Nýsköpunarmiðstöð Íslands, Framhaldsskólinn í Vestmannaeyjum og Jafnréttisstofa. Hástökkvarar ársins eru Umhverfis-og skipulagssvið og Sjálfsbjargarheimilið.

13. október 2020

Kjarasamningur HNLFÍ samþykktur

Félagsmenn HNLFÍ Sameykis hafa samþykkt nýjan kjarasamning. Samningurinn var samþykktur með rúmum 90% atkvæða.

09. október 2020

Orlofssjóður Sameykis kemur til móts við félagsmenn í COVID

Í ljósi yfirstandandi bylgju vill Orlofssjóður Sameykis koma á móts við félagsmenn og gefur félagsmönnum kost á að afpanta orlofshús fram á síðasta dag og fá fulla endurgreiðslu.