Fréttir og greinar

21. desember 2018

Gleðilega hátíð

Starfsfólk og stjórn SFR óskar félagsmönnum og fjölskyldum þeirra gleðilegra jólahátíðar og þakkar afar gott samstarf á árinu sem er að líða. Vinsamlegast athugið að skrifstofa félagsins verður lokuð á aðfangadag og gamlársdag, en opin virku dagana milli jóla og nýárs eins og vanalega (frá kl. 9:00-16:00).

21. desember 2018

Aukning í greiðslu sjúkradagpeninga

Styrktar- og sjúkrasjóður SFR stéttarfélags tók nýlega saman greiðslur fyrstu 10 mánuði ársins. Mikil aukning hefur verið í umsóknum í sjóðinn og hafa heildargreiðslur hans aukist um 32% á tímabilinu. Mest er þó hækkunin í greiðslu á sjúkradagpeningum eða 61% á milli ára, eða 36,2% fleiri umsóknir. Sjúkradagpeningar eru fjárhagsstuðningur til félagsmanna í veikindum og slysatilvikum og hægt er að sækja um þegar veikindarétti hjá atvinnurekanda lýkur. Þetta þýðir því í reynd að það er gífurleg aukning á þeim sem glíma við lengri veikindi.

20. desember 2018

Félagsmanni SFR dæmdar bætur

Íslenska ríkið hefur verið dæmt til að greiða fyrrverandi starfsmanni Kvennaskólans í Reykjavík rúmar tíu milljónir kr. vegna uppsagnar árið 2016. Starfsmaðurinn hafði í tólf ár starfað sem umsjónarmaður húsakynna skólans. Starfsmaðurinn var félagsmaður SFR og leitaði til félagsins vegna málsins strax þegar það kom upp. Eftir ítrekaðar en árangurslausar tilraunir til þess að fá þessari ólögmætu uppsögn hnekkt og fá kröfur vegna uppsagnar greiddar stefndi SFR ríkinu fyrir hönd starfsmannsins. Dómkrafan var tvíþætt, annars vegar var krafa um vangoldin veikindalaun samkvæmt kjarasamningi SFR og stefnda. Hins vegar er svo krafa um skaða- og miskabætur vegna ólögmætrar uppsagnar úr starfi.

19. desember 2018

Aðalfundur SFR 26. janúar

Aðalfundur SFR stéttarfélags í almannþjónustu verður haldinn 26. janúar 2019 kl. 11.30 að hótel Hilton Reykjavík Nordica.

18. desember 2018

Genfarskólinn

Virkir félagsmenn í aðildarfélögum BSRB sem hafa áhuga á að læra meira um alþjóðamál verkalýðshreyfingarinnar geta sótt um að komast í nám í Norræna lýðháskólanum í Genf, Genfarskólanum, en hægt er að sækja um til loka janúar 2019.

14. desember 2018

Lumar þú á kvittun?

Síðasti dagur til að sækja í Styrktar - og sjúkrasjóð fyrir árið 2018 er 20. desember. Ekki er hægt að ábyrgjast að umsóknir og kvittanir sem berast eftir þann dag verði greiddar á árinu.

14. desember 2018

Jólafundur trúnaðarmanna

Afar fjölmennur og skemmtilegur jólafundur trúnaðarmanna og fulltrúa SFR og St.Rv var haldinn í dag á Grand hótel. Þar var meðal annars greint frá stöðu mála í vinnunni við sameiningu félaganna. Þann 27. janúar verða haldnir aðalfundir þar sem ný lög verða lögð fyrir en trúnaðarmenn taka meðal annarra þátt í þeirri vinnu.

13. desember 2018

Vantar þig dagbók?

Dagbækurnar okkar vinsælu eru að koma úr prentun næstu daga, en félögin gefa nú út sameiginlega dagbók. Hana er hægt að fá á skrifstofum félaganna en fá hana senda.

12. desember 2018

Spánn - páskaúthlutun

SFR á nú tvær eignir á Spáni. Önnur þeirra 4ra herbergja raðhús í Quesada sem hefur verið í útleigu síðan í sumar og hin er Penthouse íbúð við Los Arenales ströndina sem kemur í útleigu fljótlega.

11. desember 2018

Samkeppni um nafn - verðlaun

Það er mikilvægt að félagsmenn taki þátt í sem flestu um nýja félagið. Þess vegna var ákveðið að blása til samkeppni meðal allra félagsmanna St.Rv. og SFR um nafn félagsins. Skilafrestur vegna hugmynda að nýju nafni er 14. janúar 2019.