Heim

Fréttir og greinar

Fréttir og greinar

01. febrúar 2016

Blað stéttarfélaganna á leiðinni

SFR-jan-2016-proof-1.jpg-forsida-vefBlað stéttarfélaganna er að koma úr prentun og verður dreift til félagsmanna næstu daga. Í blaðinu má meðal annars finna alla dagskrá Gott að vita námskeiðanna á vorönn, upplýsingar um páskaúthlutun orlofshúsa, umfjöllun um SALEK samkomulagið og jöfnun lífeyrissjóðsréttinda.

25. janúar 2016

SFR auglýsir eftir orlofshúsum

SFR leitast stöðugt við að auka framboð á orlofshúsum fyrir félagsmenn sína og nú leitum við að orlofshúsum eða íbúðum til leigu sumarið 2016.
Við leitum að húsum á vesturlandi, t.d í Stykkishólmi og einnig á suðausturlandi allt frá Kirkjubæjarklaustri að Djúpavogi. Eignin þarf að vera í mjög góðu standi fullbúin húsgögnum og öðrum búnaði til heimilishalds, heitum potti og góðri útiaðstöðu og gistimöguleikum fyrir a.m.k. 6-8 manns.
Vinsamlega sendið ítarlegar upplýsingar um eignina ásamt myndum úti og inni. Öllum tilboðum verður svarað og óskast send á netfangið dora@sfr.is

 
 

image for {title}

21. janúar 2016

Félagsráð SFR vinnur að stefnumótun

21. janúar 2016

Félagsráð SFR vinnur að stefnumótun

IMG_0689 (Copy)Félagsráð SFR sem alla jafna fundar tvisvar á ári situr nú á fundi og vinnur m.a. að stefnumótun og skoðar innra starf félagsins. Málefni aðalfundar eru einnig á verksviði Félagsráðs en aðalfundur félagsins verður haldinn 30. mars næstkomandi. Undirbúningur hans er því einnig til umræðu á fundinum í dag.

14. janúar 2016

Lífeyrissjóðsmál í brennidepli

trunofundur1Fyrsti fundur trúnaðarmannaráðs SFR var haldinn í gær. Á fundinum kynnti Jóhanna Þórdórsdóttir fræðslustjóri SFR fjölmarga fræðslumöguleika fyrir trúnaðarmenn og hvatti þá til þess að nýta sér þá. Þá fjölluðu þau Árni Stefán Jónsson formaður SFR og Elín Björg Jónsdóttir formaður BSRB um stöðuna í lífeyrismálum. Eins og kunnugt er þá hafa staðið yfir viðræður á milli aðila vinnumarkaðar og stjórnvalda um jöfnun lífeyrisréttinda um nokkurt skeið. Sú vinna er nú í fullum gangi og kynntu þau Árni og Elín þær hugmyndir sem nú eru til umræðu.

05. janúar 2016

Nám um Vaktavinnu og lýðheilsu

Fræðslusetrið Starfsmennt auglýsir námsleiðina Vaktavinna og lýðheilsa. Námið er ætlað stjórnendum sem skipuleggja vaktir og starfsfólki sem gengur vaktir. Þar sem álitamálin eru mörg er gert ráð fyrir að starfsmenn og stjórnendur sitji sömu námskeið, til að kynnast ólíkum sjónarmiðum og auka gagnkvæman skilning.

Aðilar á vinnumarkaði vilja með þessu námi tryggja að þeir stjórnendur sem skipuleggja vinnu á vöktum og starfsmenn sem ganga vaktir eigi þess kost að sækja námskeið í gerð vaktskráa sem taka mið af líkamsklukku og heilsuvernd.

 

05. janúar 2016

Auðvelt að tengjast í orlofshúsum SFR

029SFR hefur í samstarfi við Vodafone netvætt bæði íbúðir félagsins á Akureyri og í Reykjavík og einnig orlofshúsin í Munaðarnesi, Húsafelli, Skorradal, Kjarnabyggð og Hólasetri. Bráðlega verður einnig hægt að tengjast á Arnarstapa og Vaðnesi í vor, þegar framkvæmdum þar lýkur.

31. desember 2015

Breytingar á úthlutunarreglum Styrktar- og sjúkrasjóðs SFR

Nú um áramótin verða nokkrar breytingar á úthlutunarreglum Styrktar- og sjúkrasjóðs SFR. Meginbreytingarnar eru að tannlæknastyrkur hækkar í 100.000 kr. úr 80.000 kr., líkamsræktarstyrkur hækkar í 23.000 kr. úr 20.000 kr., þá verður greitt 2.500 fyrir hverja heimsókn til sjúkraþjálfara í stað 2.000 kr. áður. Einnig hækkar styrkur vegna áhættumatsskoðunar hjá Hjartavernd í 20.000 kr. úr 17.000 kr. ...

31. desember 2015

Opnunartími skrifstofu yfir hátíðirnar

Skrifstofa SFR er lokuð á gamlársdag og á nýársdag. Opnunartími verður með venjubundnum hætti frá og með mánudeginum 4. janúar.

Félagið óskar félagsmönnum og landsmönnum öllum árs og friðar á nýju ári.

28. desember 2015

Breytingar á úthlutunarreglum Starfsmenntunarsjóðs SFR

Stjórn Starfsmenntunarsjóðs SFR hefur gert breytingar á úthlutunarreglum sjóðsins og taka þær gildi 1. janúar 2016. Meginbreytingarnar eru að nú eiga félagsmenn rétt á að sækja um styrk þegar þeir hafa verið samfellt í 6 mánuði í félaginu, áður þurfti að hafa 12 mánuði samtals á bak við sig. Einnig er styrkur vegna fræðslu og kynnisferða erlendis hækkaður í 100.000 kr. úr 80.000 kr. ...