Fréttir og greinar

27. apríl 2020

1. maí - með breyttu sniði

Baráttudagur launafólks um allan heim verður svo sannarlega með öðru sniði í ár en við eigum að venjast. Engar fjölmennar baráttugöngur um bæi og borgir vegna samkomubanns en slíkt hefur ekki gerst síðan fyrsta baráttugangan var farin hér á landi árið 1923.

27. apríl 2020

Vinakot - kjarasamningur samþykktur

Kjarasamningur Sameykis og Vinakots var samþykktur í atkvæðagreiðslu nú um hádegið. Alls tóku 28.12% þátt í atkvæðagreiðslunni og samþykktu allir samninginn - 100%.

27. apríl 2020

Stofnun ársins - frestað

Nú er söfnun gagna fyrir könnunina um Stofnun ársins lokið og í vanalegu árferði hefðum við birt niðurstöðurnar og veitt viðurkenningarnar um miðjan mai. En í ljósi þeirrar stöðu sem nú er uppi í samfélaginu vegna Covid-19 faraldursins hefur stjórn Sameykis ákveðið að fresta birtingu niðurstaðnanna og verðlaunaafhendingunni fram í miðjan október.

23. apríl 2020

Gleðilegt sumar

Kæra félagsfólk, við óskum ykkur gleðilegs sumars og vonum svo sannarlega að bráðum komi betri tíð með blóm í haga fyrir okkur öll.

22. apríl 2020

Samningar við þrjá viðsemjendur undirritaðir í dag

Í dag voru undirritaðir samningar við þrjá viðsemjendur, þ.e. Rarik, Ás styrktarfélag og Vinakot. Samningarnir verða kynntir á fjarfundum á næstkomandi föstudag og atkvæðagreiðsla um þá hefst á sama tíma.

22. apríl 2020

Kjarasamningur við Orkuveituna samþykktur

Atkvæðagreiðslu um kjarasamning Sameykis og Orkuveitu Reykjavíkur lauk í dag og var hann samþykktur með miklum meirihluta. Já sögðu 91,55%. Nei sögðu 5,63%. Samningurinn sem undirritaður var 8. apríl 2020 er með gildistíma frá 1. apríl 2019 til 1. nóvember 2023.

22. apríl 2020

Trúnaðarmannaráðsfundur í fjarfundi

Það var heldur óvanalegur fundur hjá trúnaðarmönnum í gær, en fundurinn var haldinn með hjálp fjarfundabúnaðar. Því miður komu upp tæknileg vandamál þar sem ekki komumst nema 100 manns á fundinn. Umfjöllunarefni fundarins var meðal annars ástandið á tímum COVID-19. Árni Stefán formaður fjallaði um félagsmálin á þessum nýju og breyttu tímum, en þar kom meðal annars fram að ákveðið hefur verið að fresta Stofnun ársins fram á haust o.fl. Þá flutti Haukur Ingi Jónasson lektor og sálgreinir, erindi um þá hlið ​ á Covid sem snýr að hinu andlegu. Sigríður Ingibjörg Ingadóttir hagfræðingur BSRB fjallaði hins vegar um hlið efnahagsmálanna og sérstaklega þær efnahagsaðgerðir sem grípið hefur verið til vegna Covid-19 gagnvart launafólki og áherslur BSRB í tengslum við það.

21. apríl 2020

Betri vinnutími

Kjara- og mannauðssýsla ríkisins hefur gefið út kynningarsíðu um styttingu vinnutímans. Síðan heitir betrivinnutími.is og þar er farið yfir mögulegar útfærslur á styttingu vinnutíma dagvinnumanna sem verða útfærðar á hverri stofnun fyrir sig og þær breytingar sem verða á vinnufyrirkomulagi vaktavinnumanna. Útfærslan á styttingu vinnutíma verður með ólíkum hætti eftir því hvort fólk vinnur í hefðbundinni dagvinnu eða vaktavinnu og því hvetjum við félagsfólk okkar til að kynna sér málið, en þar er reynt að svara helstu spurningum og veita leiðbeiningar um framkvæmd breytinganna sem eiga að leiða til betri vinnutíma.

15. apríl 2020

Kjarasamningur við Isavia samþykktur

Kjarasamningur Sameykis og Isavia hefur verið samþykktur. Alls tóku rum 57% þátt í atkvæðagreiðslunni. Já sögðu 80.30%, nei sögðu 19.70%.

14. apríl 2020

Kjarasamningar meginþema vikunnar

Við vonum að félagsmenn hafi átt ánægjulega og rólega páska. Vikan okkar hjá Sameyki mun einkennast af samningafundum með nokkrum viðsemjendum s.s. Rarik, Skálatúni, Vinakoti, Ás og fleirum. Nú stendur einnig yfir atkvæðagreiðsla um kjarasamning Sameykis við Isavia en henni lýkur á hádegi á morgun. Þá var skrifað undir samning við Orkuveituna fyrir páska og verður kynningarfundur fyrir starfsfólk Orkuveitunnar haldinn á fimmtudaginn næstkomandi kl. 16:00 og atkvæðagreiðslan hefst strax í kjölfar fundarins.