Heim

Fréttir og greinar

Fréttir og greinar

06. október 2015

Árangurslaus samningafundur við samninganefnd ríkisins

20151006_kjarasamningsviðræður

Samningafundi SFR, SLFÍ og LL við samninganefnd ríkisins lauk fyrir stundu. Ljóst er að fjármálaráðherra hefur sent samninganefnd sína án samningsumboðs á fundinn. Hann var því árangurslaus og ekki var boðað til nýs fundar. Staðan í samningaviðræðum félaganna við ríkið er grafalvarleg enda skellur á allsherjarverkfall hjá félagsmönnum SFR og SLFÍ sem starfa hjá ríkinu þann 15. október ef samningar nást ekki fyrir þann tíma.

02. október 2015

Baráttukveðjur að vestan

Félagsfundur Lögreglufélags Vestfjarða, sem haldinn var í gær fimmtudaginn, sendi frá sér ályktun þar sem SFR og SLFÍ eru m.a. sendar baráttukveðjur í fyrirhuguðum verkföllum. Samstaðan er sannarlega mikils virði.

30. september 2015

Trúnaðarmannaráðsfundi frestað

Ákveðið hefur verið að fresta ráðgerðum trúnaðarmannafundi sem átti að vera þann 6. október vegna stöðunnar í kjaramálunum. Boðið verður til fundar strax og tilefni gefur. Fræðslumorgunn þann 6. október fellur einnig niður.

29. september 2015

Verkfallsboðun samþykkt

20150929_140038Verkfallsboðun starfsmanna ríkisins hjá SFR stéttarfélag í almannaþjónustu og Sjúkraliðafélagi Íslands hafa verið samþykkt. Niðurstöður úr atkvæðagreiðslu liggja nú fyrir og voru aðgerðirnar samþykktar með 85,15% atkvæðum hjá SFR félögum og 90,9% hjá sjúkraliðum. Alls tóku 63,81% félagsmanna SFR þátt í atkvæðagreiðslunni og 69,8% hjá Sjúkraliðafélaginu.

29. september 2015

Atkvæðagreiðsla um verkfall

Atkvæðagreiðslu um verkfallsaðgerðir SFR félaga sem starfa hjá ríkinu lýkur nú kl. 12:00 í dag. Niðurstöður verða birtar eftir kl. 14:00.

29. september 2015

Félög opinberra starfsmanna á norðurlöndunum mótmæla atlögu finnskra stjórnvalda að réttindum starfsmanna

Stjórnvöld í Finnlandi hafa eins og fram hefur komið í fréttum hafnað þríhliða samningum sem einkennt hafa norrænan vinnumarkað til langs tíma, þ.e. með aðkomu verkalýðshreyfingarinnar, atvinnurekanda og stjórnvalda. Fjölmörg norræn og alþjóðleg verkalýðsfélög að SFR meðtöldu hafa mómælt áformum ríkisstjórn Finnlands um að veikja stöðu launafólks í landinu með grófu inngripi í þegar gerða kjarasamninga á vinnumarkaði. Ef áform finnskra stjórvalda ná fram að ganga munu þau rýra mjög réttindi og vinnuaðstæður á finnskum vinnumarkaði og hafa alvarleg áhrif á bæði finnskan og norrænan vinnumarkað allan.

25. september 2015

Atkvæðagreiðsan komin á gott skrið - ertu búin/n að kjósa?

Nú er atkvæðagreiðsla um verkfallsaðgerðir komin á gott skrið og fjölmargir búnir að kjósa. Ekki þó allir og því hvetjum við þá sem vinna hjá ríkinu en hafa EKKI fengið kjörlykil í tölvupósti eða pósti á lögheimili sitt að hafa samband við skrifstofuna, sími 525 8340 eða sfr@sfr.is.

24. september 2015

Grafalvarleg staða

20150924_140311Nú stendur yfir fundur Félagsráðs SFR. Stóra málið á dagskrá fundarins er sú grafalvarlega staða sem nú er uppi í kjarasamningsviðræðunum. Síðasti fundur samninganefnda SFR, SLFÍ og LL með sáttasemjara var um miðja viku en skilaði litlu. Ekki hefur verið boðaður annar fundur.

24. september 2015

Hefurðu kíkt til berja?

bolungavik-hofninOrlofshús SFR að Hólasetri á Biskupstungum og Eiðum eru laus um helgina, það sama á við húsið sem SFR hefur til afnota í Bolungavík. Bókanir og nánari upplýsingar á orlofsvefnum.

22. september 2015

Blað stéttarfélaganna - launakönnun og Gott að vita

forsida-Sept-2015-netið--1Blað stéttarfélaganna mun berast félagsmönnum nú næstu daga en í blaðinu er m.a. að finna niðurstöður launakönnunar SFR og St.Rv., umfjöllun um kjaramál og dagskrá Gott að vita námskeiðanna en opnað verður fyrir skráningu námskeiðanna 25. september kl. 9:00. Niðurstöður launakönnunar má einnig sjá hér.