Fréttir og greinar

06. febrúar 2014

Laus orlofshús í Vaðnesi og Munaðarnesi um helgina

Munaðarnes 2013 164 SFR á og leigir fjölda orlofshúsa sem standa félagsmönnum boða allt árið um kring. Það getur verið notalegt að fara í bústað þó engin sé sólin. Að kúra inni í húsi með góða bók eða fá sér göngu úti í náttúrunni og skella sér svo í pottinn á eftir góðri máltíð. Það hlýtur að teljast til lífsgæða. Um helgina eru enn nokkur hús laus í Vaðnesi og Munaðarnesi. Bókanir fara fram á orlofsvefnum.

03. febrúar 2014

TÖKUM ÞÁTT - STOFNUN ÁRSINS 2014

Í febrúar verður send út okkar árlega könnun Stofnun ársins til félagsmanna SFR. Í könnuninni verður spurt um starfsánægju, starfsanda, líðan fólks á vinnustað og launakjör. Félagsmenn allir eru hvattir til að svara könnuninni, enda er það staðreynd að því fleiri sem svara því betri og áreiðanlegri verða upplýsingarnar. Niðurstöður könnunarinnar veita okkur hagnýtar upplýsingar sem nýtast starfsmönnum til að meta eigin vinnustað í samanburði við aðrar stofnanir og fyrirtæki.

03. febrúar 2014

Gott að vita - bilun í námskeiðsskráningarkerfi

Bilun er í sjálfvirkum svarpóstum í námskeiðsskráningarkerfinu. Þegar þátttakendur skrá sig inn þá fara ekki staðfestingapóstur út til viðkomandi, en fólk skráist samt sem áður á námskeiðið. Unnið er að viðgerð.

29. janúar 2014

Gott að vita námskeið og fyrirlestrar

Reykjavík - Akranes - Stykkishólmur - Akureyri - Reykjanes

Skráning á Gott að vita námskeiðin hefst föstudaginn 31. janúar kl. 10. Efnistökin eru fjölbreytt að vanda og má þar m. a. nefna spænsku, ávaxtatré, gítargrip, snjallsíma, fluguhnýtingar, meniga, skriðsund, jóga, rússneskt hekl, tæknihugtök, GPS, prjónanámskeið, framsögn og tjáningu og fleira.

29. janúar 2014

Blaðið í pósti!

Blað stéttarfélaganna er um þessar mundir að berast félagsmönnum SFR og St.Rv. í pósti. Í blaðinu eru m.a. upplýsingar um páskaúthlutun orlofshúsa, dagskrá hinna sívinsælu Gott að vita námskeiða, en nánari upplýsingar um þau má einnig finna hér á vefnum.

Þá er í blaðinu einnig fjallað ítarlega um símenntunarmál, m.a. viðtöl við nemendur og forsvarsfólk símenntunarmiðstöðva. Auk þess sem þar má lesa um stöðuna í kjarasamningsviðræðum félaganna og áherslur þeirra.

28. janúar 2014

Félagsráð fundar

Nú stendur yfir fundur Félagsráð en það er skipað stjórn SFR, formönnum fagfélaga og 15 trúnaðarmönnum. Á fundinum er m.a. fjallað um stöðuna í kjarasamningsviðræðum SFR við ríkið og áherslurnar framundan. Þá fjallaði Kristinn Bjarnason hagfræðingur BSRB um lífeyrissjóðsmál opinberra starfsmanna og eftir hádegið verður unnið að stefnumótun og undirbúningi fyrir aðalfund.

27. janúar 2014

Það dettur engum heilvita manni í hug ...

Í kjölfar niðurstaðna atkvæðagreiðslu þar sem helmingur félagsmanna felldi saminga ASÍ og SA hafa augun beinst í ríkari mæli að áformum ríkisins í yfirstandandi kjarasamningsviðræðum. Samninganefnd ríkisins hafði þegar lagt fram tilboð sem fól í svipaðar hækkanir og samningur ASÍ og SA, en SFR hafnaði því eins og kunnugt er.

24. janúar 2014

Staðan í efnahagsmálum og kjaramál á fundi trúnaðarmanna

Á fundi trúnaðarmanna nú í janúar var m.a. fjallað um efnahagsstöðuna í þjóðfélaginu, kjaramál og nýfallna dóma um vinnuréttarmál. Fundurinn var fjölmennur að venju og sköpuðust miklar og góðar umræður um málefni fundarins.

23. janúar 2014

Trúnaðarmannanámskeiði að ljúka

Síðustu daga hefur staðið yfir trúnaðarmannanámskeið SFR og St.Rv. á Grettisgötunni og verða þeir 27 þátttakendur sem þar sitja útskrifaðir í dag. Um er að ræða grunnnám trúnaðarmanna sem SFR og St.Rv. halda sameiginlega.