Sameyki Logo
Heim
01. apríl 2020
Opinberum starfsmönnum fækkað hlutfallslega
Í ljósi umræðunnar um fjölgun starfsfólks í opinbera geiranum birti BSRB nýverið úttekt á því hver staðan er í raun og sann. Á vefsíðu BSRB kemur fram að opinberum starfsmönnum sem sinna meðal annars mikilvægri almannaþjónustu hefur fækkað hlutfallslega miðað við mannfjölda á undanförnum árum þrátt fyrir aukningu verkefna og breytta aldurssamsetningu þjóðarinnar. Þetta sýnir úttekt BSRB á stöðugildum hjá ríki og sveitarfélögum.
31. mars 2020
Stjórn Sameykis mótmælir uppsögnum Isavia
Sameyki stéttarfélag í almannaþjónustu harmar það að Isavia skuli nú grípi til þess ráðs að segja upp fjölda starfsmanna í stað þess að nýta þau úrræði sem ríkisstjórnin hefur boðið fyrirtækjum upp á vegna þeirrar stöðu sem nú er uppi í samfélaginu.
30. mars 2020
Kjarasamningur við ríkið samþykktur
Kjarasamningur Sameykis við ríkið var samþykktur í atkvæðagreiðslu sem lauk nú um hádegið. Já sögðu rúm 78% en nei rétt rúm 18%. Rúm þrjú prósent tóku ekki afstöðu. Þátttaka í atkvæðagreiðslunni var tæplega 44%.
Fyrirlestrar og fræðsla á vefnum
Sameyki í samstarfi við Framvegis miðstöð um símenntun býður félagsmönnum upp á fræðslufyrirlestra í beinni útsendingu.
Afgreiðsla verkfallsbóta
Einhverjir félagsmenn áttu að vera á nætuvakt 9. mars þegar vekfalli var aflýst og gætu því átt rétt á verkfallsbótum ef dregið verður af launum þeirra vegna verkfalls.
27. mars 2020
Fræðsla í vefheimum – laust á spænskunámskeið
Í samstarfi við fræðslumiðstöðvar víða um land erum við að vinna að því að bjóða upp á fyrirlestra og námskeið á vefnum.
Kæri félagi
Ég vil fyrir hönd okkar allra þakka félagsfólki í Sameyki sem stendur vaktina nú á þessum erfiðu tímum. Starfsfólk sem sinnir umönnun veikra, aldraðra og fatlaðra, fólkið okkar sem starfar í skólum og leikskólum og allir hinir sem sinna almannaþjónustu um land allt. Þið eruð fólkið sem allir landsmenn reiða sig á núna og ég veit að þið munið standa undir þeirri ábyrgð með prýði. Við erum sannarlega stolt af ykkur.
24. mars 2020
Kjarasamningur við Reykjavíkurborg samþykktur
Kjarasamingur Sameykis við Reykjavíkurborg var samþykktur með 80,5% greiddra atkvæða. Kosningaþátttaka var rétt tæplega 35% og já sögðu 80,5%, nei sögðu 15,45% og 4,45% tóku ekki afstöðu.
Tilboð óskast í sumarhús til brottflutnings - Akrakot
Til sölu er orlofshús til brottflutnings. Húsið er Í Reykjaskógi í Biskupstungum og er svokallað A-hús með lágum veggjum á langhlið og bröttu þaki. Húsið stendur á steyptum súlum og er byggt árið 1982. Það er er 58 fm að gólffleti, við það á palli stendur skýli sem er 8,5 fm. Húsið skiptist í stofu, borðstofu og eldhús í sama rými. Þá eru tvö svefnherbergi í húsinu ásamt svefnlofti yfir herbergjum. Hluti af húsi er viðbygging en í henni er bað og forstofa. Húsið skal fjarlægt í síðasta lagi 30. apríl næstkomandi og skal kaupandi gera það á sinn kostnað.
23. mars 2020
Orlofshús ekki leigð út fyrir sóttkví
Í ljósi aðstæðna vegna COVID-19 sýkingar þá skal tekið fram að orlofshús og íbúðir félagsins eru ekki til leigu fyrir sóttkví.