Fréttir og greinar

04. ágúst 2013

Afsláttarsíðan í klukkustundarpásu í dag

Í dag milli kl 16:00-17:00 mun afsláttarsíða SFR liggja niðri vegna stækkunar í vélbúnaði hjá fyrirtækinu sem sér um síðuna. Biðjum því fólk að sýna biðlund á meðan.

23. júlí 2013

Laust sumarhús í Aðaldal - fyrstur kemur fyrstur fær

Nú fyrir stundu var að losna sumarhús í Aðaldal á norðurlandi frá 26. júlí - 2. ágúst. Húsið er í dagleigu og því þarf ekki að bóka alla vikuna heldur einstaka daga, ef vill. Kíkið á orlofsvefinn - fyrstur kemur fyrstur fær.

15. júlí 2013

Framkvæmdir í Munaðarnesi á lokaspretti

Undanfarna mánuði hafa staðið yfir gagngerar endurbætur á húsum þrjú og fimm í Bjarkarási. Þar hafa húsin og pallarnir umhverfis þau verið stækkað þó nokkuð. Endurbyggingin er með svipuðum hætti og gert var í húsum félagsins í Vörðuási og Bjarkarási nr. 10 í fyrra, enda hafa þær breytingar komið afar vel út og húsin vinsæl í kjölfarið.

15. júlí 2013

Vinnur þú fjölbreytt skrifstofustörf? Þá gæti einingabært fjarnám á skrifstofubraut verið eitthvað fyrir þig.

Fræðslusetrið Starfsmennt hefur samið við Menntaskólinn í Kópavogi um að bjóða upp á einingabært fjarnám á skrifstofubraut I. Með þessu er setrið að koma til móts við þarfir starfsfólks sem vinnur fjölbreytt störf á skrifstofu s.s. í skólum eða framlínu stofnana. Námið veitir 33 einingar og er dreift yfir 3 annir þar sem teknar eru um 11 einingar á önn.

11. júlí 2013

Ertu leið/ur á rigningunni? Laus í búð í Kaupmannahöfn

Köben-ved-volden-útsýni Dagana 16.-22. júlí er íbúðin okkar í Kaupmannahöfn laus. Það er víst afar gott veður í Danmörku um þessar mundir og því eflaust margir sem geta hugsað sér að skreppa. Íbúðin rúmar 6-8 manns og er staðsett afar miðsvæðið í borginni. Kíkið inn á orlofsvefinn - fyrstur kemur fyrstur fær.

10. júlí 2013

Munaðarnes - andlitslyfting

Undanfarna mánuði hafa staðað yfir gagngerar endurbætur á húsum SFR í Bjarkarási númer þrjú og fimm í svipuðum anda og gert var við hús félagsins í Vörðuási og Bjarkarási nr. 10 í fyrra. Húsin eru þó í við stærri og verða eftir breytingar um 87 fm og pallurinn 83 fm. Um gagngera endurbyggingu er að ræða og skipt hefur verið um innréttingar, glugga, hurðir, klæðningar o.fl. Búast má við að húsin verði tilbúin til útleigu í byrjun ágúst, en það verður auglýst nánar hér á vefnum þegar að því kemur.

09. júlí 2013

Viðurkenndur bókari, er það nám fyrir þig?

Starfar þú á bókhalds- eða fjármálasviði á þínum vinnustað en hefur ekki lokið formlegu framhaldsnámi á því sviði? Starfsmennt greiðir undirbúningsnámið, fyrir félagsmenn SFR (ath. ekki er greitt fyrir próftökugjaldið), sem farið er í áður en tekið er próf til viðurkenningar bókara á vegum Atvinnuvega- og nýsköpunarráðuneytisins. Námið er boðið í samstarfi við MK og EHÍ. Umsóknarfrestur er til 6. ágúst í MK og í EHÍ.

08. júlí 2013

Fyrstur kemur fyrstur fær - laust í Munaðarnesi

Nú fyrir stundu var að losna eitt hús í Munaðarnesi (Vörðuás) frá 12.-19. júlí. Húsið er í dagleigu og því þarf ekki að bóka alla vikuna heldur bara einstaka daga, ef vill. Kíkið inn á orlofsvefinn - fyrstur kemur fyrstur fær.

04. júlí 2013

Nýr vefur BSRB

BSRBmerkigott BSRB hefur tekið nýjan vef í notkun. Mest af því efni sem var á gamla vefnum er aðgengilegt á þeim nýja en á næstu vikum mun meira af efni verða sett inn á vefinn og frekari endurbætur gerðar á honum. Ef notendum reynist erfitt að nálgast einhverjar ákveðnar upplýsingar er hægt að hafa samband við skrifstofu BSRB í síma 525 8300 eða á netfangið bsrb@bsrb.is.

01. júlí 2013

Blað stéttarfélaganna í prentun

Blað stéttarfélaganna mun berast félagsmönnum síðar í vikunni en það er nú í prentun. Blaðið er fjölbreytt að venju. Þar má m.a. finna ítarlega umfjöllun um niðurstöður könnunarinnar um Stofnun ársins. Þá er farið í heimsókn á nokkra vinnustaði sem stóðu sig vel í könnuninni og reynt að grennslast fyrir um leyndarmálið á bak við árangurinn. Þá ritar Ásgeir Jónsson grein um efnahagshorfurnar og lesendur fá uppskrift af hamborgara úr íslensku hamborgarabókinni svo sitthvað sé nefnt.