Fréttir og greinar

16. janúar 2014

Nýr bæklingur Starfsmenntar kominn út

Setja inn/breyta myndÚt er kominn vorbæklingur Fræðslusetursins Starfsmenntar þar sem nám og þjónusta við stofnanir er kynnt. Starfsmennt býður opinberum starfsmönnum upp á starfstengda símenntun og veitir stofnunum heildstæða þjónustu á sviði starfsþróunar.

Í þessum kynningarbæklingi er að finna allar helstu upplýsingar um þjónustu Fræðslusetursins Starfsmenntar vorið 2014, sjá nánar hér.

13. janúar 2014

Starfslokanámskeið BSRB

BSRB heldur fræðslufund í tengslum við starfslok mánudaginn 3. febrúar 2014 ksem hefst kl.15:15 í húsnæði BSRB Grettisgötu 89, 1. hæð. Fundurinn er opinn öllum félagsmönnum aðildarfélaga innan BSRB sem eru að nálgast starfslok eða eru nýlega hættir störfum. Skráning hefst 15. janúar 2014 á netfangið johanna@bsrb.is eða í síma 525 8306 og við skráningu þarf að gefa upp kennitölu og nafn aðildarfélags.

09. janúar 2014

Vetrarríki í orlofshúsum

Er ekki kominn tími til að njóta vetrarins í orlofshúsi? Nú um helgina er laust í nokkur hús félagsins, m.a. í Munaðarnesi, Vaðnesi, Öndverðarnesi, Eiðum, Arnarstapa, Vestmannaeyjum og á Akureyri. Upplýsingar og bókanir eru á orlofsvef félagsins.

09. janúar 2014

Heppnir þátttakendur í viðhorfskönnun

- Flutningur málefna fatlaðra frá ríki til sveitarfélaga

Í lok nóvember fór í loftið viðhorfskönnun varðandi hvernig tekist hefur til með flutning málefna fatlaðra frá ríki til sveitarfélaga. Dregnir voru út sex heppnir þátttakendur þegar könnuninni var lokið og fengu tveir helgardvöl í orloshúsi SFR að eigin vali og 4 veiðikort fyrir árið 2014. Svarhlutfallið var 37,25% en unnið verður með niðurstöðurnar núna á vorönn þar sem ráðgert er að heild-arendurskoðun og mat fari fram á flutningi málaflokksins um mitt þetta ár.

08. janúar 2014

Fjölbreytt úrval námskeiða hjá Starfsmennt

Starfsmennt_hringir_haust_2013stakir_b_100_pix Nýtt ár, nýtt upphaf. Nú þegar daginn fer aftur að lengja er tilvalið að horfa fram á við, setja sér ný markmið og finna ný viðfangsefni. Á vef Starfsmenntar hefur verið opnað fyrir öll námskeið vorannar og er úrvalið fjölbreytt að vanda. Þverfagleg námskeið, starfstengt nám, farandfyrirlestrar og tölvunámskeið eru meðal þess sem boðið er uppá. Að venju er allt nám félagsmönnum SFR að kostnaðarlausu. Kynntu þér málið.

07. janúar 2014

Trúnaðarmannafræðsla á vorönn 2014

Trmnam-des2013 Trúnaðarmenn geta sótt sér fjölbreytt nám til að styrkja sig í að sinna verkefnum sem falla undir hlutverk trúnaðarmanna. Fyrst ber að nefna grunnnám trúnaðarmanna sem SFR og St.Rv. halda sameiginlega, en það er 21 klukkustundar námskeið. Næst ber að nefna trúnaðarmannanám BSRB og Félagsmálaskóla alþýðu (FA). Námið er byggt á tveimur námsskrám (81 klst. og 61 klst.) sem viðurkenndar hafa verið af mennta – og menningarmálaráðuneytinu sem skipt er í 7 þrep. Síðan eru það styttri námskeið og fræðslumorgnar á undan fundum trúnaðarmanna. Þau námskeið sem er búið að festa niður á vorönn eru...

06. janúar 2014

Námskeið í stjórnsýslurétti

Forsætisráðuneytið og Reykjavíkurborg í samstarfi við Stofnun stjórnsýslufræða og stjórnmála við Háskóla Íslands og Félag forstöðumanna ríkisstofnana býður upp á sex vikna námskeið í stjórnsýslurétti fyrir starfsmenn ráðuneyta, ríkisstofnana og sveitarfélaga 27. janúar til 5. mars 2014 (einnig í boði í fjarnámi). Meginmarkmið námskeiðsins er að nemendur öðlist skilning og nái tökum á helstu réttarreglum um meðferð stjórnsýslumála þar sem taka á stjórnvaldsákvarðanir.

30. desember 2013

Breytingar á tekjuskatti frá og með 1. janúar

Um áramót taka gildi breytingar á lögum um tekjuskatt. Í þeim felst m.a. hækkun persónuafsláttar og breytingar á tekjuviðmiði. Persónuafsláttur hækkar um áramót og verður kr. 50.498 á mánuði frá og með 1. janúar. Persónuafsláttur einstaklinga hækkar því um liðlega 2 þúsund kr. á mánuði og nemur hækkunin 4,2%. Örlítið lækkun og vart merkjanleg verður einnig á lægsta skattþrepinu (0,02%) og hækkun um sömu prósentu í því hæsta, en skattprósentan í miðþrepinu lækkar um 0,5%.

23. desember 2013

Ekki fyrirmynd að samningum opinberra starfsmanna

ASÍ og SA hafa nú undirritað kjarasamning sín á milli að loknum talsvert átakasömum viðræður. Um er að ræða svokallaðan aðfarasamning sem mun fela í sér 2,8% launahækkun. Launataxtar undir 230.000 munu hækka um 1.750 kr. á mánuði og skulu lágmarkstekjur vera 214.000 frá 1. jan. 2014. Aðfararsamningurinn er til 12 mánaða og á því tímabili munu aðilar undirbúa gerð langtímasamnings sem tryggja á meiri stöðugleika. Ekki eru öll félög ASÍ þó sátt við samninginn og hafa fjögur þeirra neitað að skrifa undir. Árni Stefán Jónsson, formaður SFR segir ljóst að samingur ASÍ og SA verði ekki fyrirmynd að samningum opinberra starfsmanna, í honum væri m.a. of lítil áhersla lögð á jöfnuð.

20. desember 2013

Jólaball SFR og St.Rv.

Hátt í fjögur hundruð manns skemmtu sér konunglega á jólaballi SFR og St.Rv. í vikunni. Þangað komu jólasveinarnir Askasleikir og Bjúgnakrækir og skemmtu jafn ungum sem öldnum. Ballið tókst afar vel eins og undanfarin ár og gleðin skein úr hverju andliti.