Fréttir og greinar

Nú er farinn af stað leikur á fésbók síðu SFR þar sem félagsmönnum og öðrum áhugasömum gefst kostur á að líka við og deila síðunni. Markmiðið er auðvitað fyrst og fremst að auka umferð um síðuna og bæta þannig upplýsingamiðlun okkar enn frekar.

Nýr kynningarfundur um samninginn verður haldinn í Lyngási mánudaginn 8. september kl. 15:15. Við hvetjum ykkur til að koma á fundinn og til að að nýta ykkur atkvæðisréttnn en mjög mikilvægt er að ná góðri kosningu svo hún verði örugglega gild. Atkvæðagreiðslan er rafræn og því er smellt hér og sett inn lykilorð sem félagsmenn fengu sent í bréfapósti.

Í nýju veffréttabréfi Fræðslusetursins Starfsmenntar er námskeiðsflóra haustsins kynnt en hún er að venju fjölbreytt og flestir ættu að finna þar eitthvað fróðlegt sem nýtist í starfi. Boðið er upp á löng og stutt námskeið um allt land og búnir til heilu stofnanaskólarnir í samstarfi við stjórnendur og starfsfólk. Þjónustan miðar að því að gera vinnustaðinn betri með markvissri starfstengdri símenntun og ráðgjöf um eflingu mannauðs. Hér má sjá nýjustu auglýsingu Starfsmenntar um hvaða starfshæfni er lögð áhersla á, með hvaða starfsgreinum er unnið og hvernig stofnanaskólar eru hannaðir.

BSRB heldur fræðslufund vegna starfsloka 23. sep. 2014 kl. 13:30-16:30 í húsnæði BSRB Grettisgötu 89, 1. hæð. Á fundinn mæta m.a. fulltrúar frá Lífeyrissjóði starfsmanna ríkisins og Lífeyrissjóði starfsmanna sveitarfélaga auk fulltrúa frá Tryggingastofnun en nánari dagskrá verður auglýst síðar. Skráning á netfangið: johanna@bsrb.is og í síma 525 8306, en fundurinn er opinn öllum félagsmönnum aðildarfélaga innan BSRB sem eru að nálgast starfslok eða eru nýlega hættir störfum.

Búið er að framlengja frest til kl. 11 fim. 4. sept. til að greiða atkvæði um kjarasamning SFR og Áss. Við hvetjum félagsmenn SFR hjá Ás til að kynna sér efni kjarasamningsins hér og greiða atkvæði sem fyrst. Atkvæðagreiðslan er rafræn og því er smellt hér og sett inn lykilorð sem félagsmenn fengu sent í bréfapósti.

Nú í ágúst eru nokkrir dagar lausir í orlofshúsum félagsins, m.a. er laus vika í Bolungarvík, nokkrir dagar í Hrísey, Vaðnesi og Eiðum. Félagsmenn í fríi eru hvattir til að kíkja inn á orlofsvefinn okkar.

Nú er berjatíminn runninn upp og því kjörið að kanna hvað er laust á orlofsvef SFR. Núna eru nokkrir dagar lausir í orlofshúsum SFR í Bolungarvík, á Eiðum, í Munaðarnesi og í Hrísey. Fyrstur kemur fyrstur fær. Upplýsingar um verð má finna hér.