Fréttir og greinar

28. janúar 2014

Félagsráð fundar

Nú stendur yfir fundur Félagsráð en það er skipað stjórn SFR, formönnum fagfélaga og 15 trúnaðarmönnum. Á fundinum er m.a. fjallað um stöðuna í kjarasamningsviðræðum SFR við ríkið og áherslurnar framundan. Þá fjallaði Kristinn Bjarnason hagfræðingur BSRB um lífeyrissjóðsmál opinberra starfsmanna og eftir hádegið verður unnið að stefnumótun og undirbúningi fyrir aðalfund.

27. janúar 2014

Það dettur engum heilvita manni í hug ...

Í kjölfar niðurstaðna atkvæðagreiðslu þar sem helmingur félagsmanna felldi saminga ASÍ og SA hafa augun beinst í ríkari mæli að áformum ríkisins í yfirstandandi kjarasamningsviðræðum. Samninganefnd ríkisins hafði þegar lagt fram tilboð sem fól í svipaðar hækkanir og samningur ASÍ og SA, en SFR hafnaði því eins og kunnugt er.

24. janúar 2014

Staðan í efnahagsmálum og kjaramál á fundi trúnaðarmanna

Á fundi trúnaðarmanna nú í janúar var m.a. fjallað um efnahagsstöðuna í þjóðfélaginu, kjaramál og nýfallna dóma um vinnuréttarmál. Fundurinn var fjölmennur að venju og sköpuðust miklar og góðar umræður um málefni fundarins.

23. janúar 2014

Trúnaðarmannanámskeiði að ljúka

Síðustu daga hefur staðið yfir trúnaðarmannanámskeið SFR og St.Rv. á Grettisgötunni og verða þeir 27 þátttakendur sem þar sitja útskrifaðir í dag. Um er að ræða grunnnám trúnaðarmanna sem SFR og St.Rv. halda sameiginlega.

17. janúar 2014

Uppstillinganefnd auglýsir eftir framboðum í stjórnir SFR

Uppstillinganefnd vegna stjórnarkosninga á aðalfundi 2014 auglýsir eftir framboðum og / eða tillögum um félagsmenn í stjórnir. Ljóst er að 3 víkja úr stjórn SFR að þessu sinni vegna útskiptareglu. Sambærileg útskiptaregla var tekin upp fyrir stjórnir sjóða með lagabreytingu á aðalfundi árið 2011. Hægt er að skila inn tillögum á netfangið alma@sfr.is eða til nefndarmanna ...

16. janúar 2014

Nýr bæklingur Starfsmenntar kominn út

Setja inn/breyta myndÚt er kominn vorbæklingur Fræðslusetursins Starfsmenntar þar sem nám og þjónusta við stofnanir er kynnt. Starfsmennt býður opinberum starfsmönnum upp á starfstengda símenntun og veitir stofnunum heildstæða þjónustu á sviði starfsþróunar.

Í þessum kynningarbæklingi er að finna allar helstu upplýsingar um þjónustu Fræðslusetursins Starfsmenntar vorið 2014, sjá nánar hér.

13. janúar 2014

Starfslokanámskeið BSRB

BSRB heldur fræðslufund í tengslum við starfslok mánudaginn 3. febrúar 2014 ksem hefst kl.15:15 í húsnæði BSRB Grettisgötu 89, 1. hæð. Fundurinn er opinn öllum félagsmönnum aðildarfélaga innan BSRB sem eru að nálgast starfslok eða eru nýlega hættir störfum. Skráning hefst 15. janúar 2014 á netfangið johanna@bsrb.is eða í síma 525 8306 og við skráningu þarf að gefa upp kennitölu og nafn aðildarfélags.

09. janúar 2014

Vetrarríki í orlofshúsum

Er ekki kominn tími til að njóta vetrarins í orlofshúsi? Nú um helgina er laust í nokkur hús félagsins, m.a. í Munaðarnesi, Vaðnesi, Öndverðarnesi, Eiðum, Arnarstapa, Vestmannaeyjum og á Akureyri. Upplýsingar og bókanir eru á orlofsvef félagsins.

09. janúar 2014

Heppnir þátttakendur í viðhorfskönnun

- Flutningur málefna fatlaðra frá ríki til sveitarfélaga

Í lok nóvember fór í loftið viðhorfskönnun varðandi hvernig tekist hefur til með flutning málefna fatlaðra frá ríki til sveitarfélaga. Dregnir voru út sex heppnir þátttakendur þegar könnuninni var lokið og fengu tveir helgardvöl í orloshúsi SFR að eigin vali og 4 veiðikort fyrir árið 2014. Svarhlutfallið var 37,25% en unnið verður með niðurstöðurnar núna á vorönn þar sem ráðgert er að heild-arendurskoðun og mat fari fram á flutningi málaflokksins um mitt þetta ár.

08. janúar 2014

Fjölbreytt úrval námskeiða hjá Starfsmennt

Starfsmennt_hringir_haust_2013stakir_b_100_pix Nýtt ár, nýtt upphaf. Nú þegar daginn fer aftur að lengja er tilvalið að horfa fram á við, setja sér ný markmið og finna ný viðfangsefni. Á vef Starfsmenntar hefur verið opnað fyrir öll námskeið vorannar og er úrvalið fjölbreytt að vanda. Þverfagleg námskeið, starfstengt nám, farandfyrirlestrar og tölvunámskeið eru meðal þess sem boðið er uppá. Að venju er allt nám félagsmönnum SFR að kostnaðarlausu. Kynntu þér málið.