Fréttir og greinar

03. febrúar 2022

Félagsfundur á Vesturlandi og Vestfjörðum

Rafrænir félagsfundir verða haldnir um allt land og hefjast 8. febrúar n.k. fyrir félaga í Sameyki á Vesturlandi og á Vestfjörðum. Haldið verður áfram með fundina hringinn í kringum landið og endað með tveimur fundum fyrir félagsfólk Sameykis á höfuðborgarsvæðinu og Suðurnesjum 1. og 2. mars.

02. febrúar 2022

Stjórnlaus fjölgun og ofurlaun opinberra starfsmanna fjarstæða

Þórarinn Eyfjörð, formaður Sameykis, skrifar um rangfærslur þær sem Samtök atvinnulífsins hafa haldið fram að opinberir starfsmenn séu á ofurlaunum og leiði launaþróunina í landinu þegar staðreyndin er sú að þeir eru á eftir almenna launamarkaðnum sem nemur um 16,7 prósent.

02. febrúar 2022

Moldviðri þyrlað upp í aðdraganda kjarasamninga

Á síðustu mánuðum hafa birst furðufréttir frá hagsmunasamtökum atvinnurekenda. Þær fréttir hafa verið um ofurlaun opinberra starfsmanna og óeðlilega fjölgun þeirra. Á sama tíma vill svo til að fjármálariddarar hafa lagt fram hugmyndir um að „létta undir með hinu opinbera“, (sjá grein Þórðar Snæs Júlíussonar á Kjarninn.is með fyrirsögninni, Undirbúa sókn fjárfesta í flesta innviði samfélagsins „til að létta undir með hinu opinbera“.) með því að kaupa hagræna og félagslega innviði samfélags okkar eins og til dæmis flutningakerfi landsins, veitur, fjarskiptakerfi, orkuframleiðslu, háskóla, spítala og sjúkrastofnanir. Þeir lofa áhugasömum fjárfestum 6-10% raunávöxtun. Skyldi þetta vera einber tilviljun í aðdraganda kjarasamninga? Varla. Íslenskt launafólk og almenningur kannast við þennan söng. Þetta er sama músíkin og var leikin á öllum rásum árin fyrir hrun, með þeim efnahagslega hryllingi fyrir allan almenning sem við þekkjum allt of vel.

29. janúar 2022

Álagsgreiðslur og stytting vinnuvikunnar á Írlandi

Á vef BSRB segir frá því að starfsfólk sem hefur verið í framlínunni í heimsfaraldrinum á Írlandi fær sérstakar 145 þúsund króna skattfrjálsar álagsgreiðslur auk þess sem vinnuvikan hjá starfsfólki hins opinbera verður stytt í 35 stundir.

28. janúar 2022

Segir sig úr stjórn Sameykis

Stjórn Sameykis stéttarfélags í almannaþjónustu fundaði í dag um stöðu í máli Harðar Oddfríðarsonar stjórnarmanns í Sameyki vegna frétta um atvik sem átt sér stað gagnvart Jódísi Skúladóttur þingkonu Vinstri grænna.

25. janúar 2022

Opið fyrir umsóknir í Kötlu félagsmannasjóð

Í tilkynningu frá Kötlu félagsmannasjóði er opið fyrir umsóknir þeirra sem hófu störf árið 2021 eða störfuðu hluta úr því ári. Vakin skal athygli á því að þeir sem eiga rétt á úthlutun úr sjóðnum eru þeir sem starfa hjá sveitarfélögum utan Reykjavíkurborgar.

25. janúar 2022

Skrifstofu Sameykis lokað á Akranesi

Nú hefur skrifstofu Sameykis við Suðurgötu 62 á Akranesi verið lokað. Dregið hefur úr verkefnum skrifstofunnar á Akranesi smátt og smátt, ekki síst vegna þess að rafrænum lausnum hefur fjölgað á vefnum þar sem hægt er að fræðast og sækja sér gögn og upplýsingar um kjaramál, styrktarsjóði, orlofsmál, fræðslumál, kannanir og fá fréttir úr starfi Sameyki

21. janúar 2022

Réttlæti og jöfn tækifæri fyrir alla

Undanfarin tvö ár höfum við tekist á við heimsfaraldur með gríðarlegum áskorunum fyrir bæði heilsu og efnahag. Efnahagshorfurnar nú eru þó mun bjartari en spár gerðu ráð fyrir en álagið á heilbrigðisstofnanir, félagsþjónustuna, skóla, frístundastarf og fjölskyldur er þrátt fyrir það mikið þessa dagana vegna útbreiðslu faraldursins. Erfiðleikar undangenginna ára hafa líka lagst með mismunandi hætti á íbúa landsins. Þau ríkustu hafa orðið enn ríkari vegna hækkandi eignaverðs en lágtekjufólk hefur borið skarðan hlut frá borði. Eitt af stærstu verkefnum samtaka launafólks á hverjum tíma er að stuðla að auknum jöfnuði. Við berjumst fyrir því að verðmætunum sé skipt með jafnari hætti. Könnun Vörðu – Rannsóknarstofnunar vinnumarkaðarins á stöðu launafólks er liður í því að kortleggja stöðu félaga í aðildarfélögum ASÍ og BSRB, sem eru tæp 70 prósent alls launafólks á íslenskum vinnumarkaði. Niðurstöðurnar geta orðið grundvöllur aðgerða til að bregðast við skorti á efnislegum gæðum og þjónustu.

20. janúar 2022

Páskatímabil innanlands og sumarið á Spáni 2022

Opnað hefur verið fyrir umsóknir á Orlofshúsavef Sameykis, orlof.is/sameyki, innanlands og á Spáni fyrir sumarið 2022. Vegna páskanna innanlands er umsóknartímabilið frá 20. janúar til 20. febrúar. Hægt er að fylla út umsóknir um orlofshús á Orlofshúsavefnum á þessu tímabili. Úthlutað verður 25. febrúar eftir punktakerfi.