Fréttir og greinar

13. desember 2013

NSO formanna- og framkvæmdastjórafundur í Stokkhólmi

Árlegur desemberfundur NSO er nú haldinn í Stokkhólmi. Á fundinum er rætt um stöðuna á vinnumarkaði og þá krafta sem eru ríkjandi í rekstri almannaþjónustunnar. Formenn aðildarfélaganna og framkvæmdastjórar hafa í gær og í dag farið yfir stöðuna í hverju landi fyrir sig, en verkefni félagana eru að mörgu leyti með svipuðum hætti. Ríkisfjármál og fjárlög næstu ára eru ofarlega í hugum fundarmanna. Staðreyndin er sú að það er ekki bara niðurskurður á Íslandi heldur eru öll Norðurlöndin meira og minna í aðgerðum sem snúa að endurskipulagningu ríkisstofnana og niðurskurði í ríkisfjármálum.

12. desember 2013

Þrautseigir göngugarpar SFR

Lífeyrisdeild SFR er líklega einn virkasti hópur lífeyrisþega sem fyrirfinnst. Auk þess að standa reglulega fyrir uppákomum svo sem jólakaffi og Þorrablói, þá hittist hluti hópsins vikulega og gengur saman. Gangan er á hverjum miðvikudagsmorgni kl. 10:30. Ýmist í gengið í Vesturbæ, Fossvoginum, um svæði Árbæjarsafns eða í Laugardalnum. Það var einmitt þar sem fulltrúar skrifstofunnar hittu hópinn og færðu honum heitt súkkulaði og jólasmákökur sem hópurinn gæddi sér á í húsnæði Kaffi Flóru.

10. desember 2013

Sameiginlegar samninganefndir SFR, FFR og LSS

Sameiginlegar samninganefndir SFR stéttarfélags, Félags flugmálastarfsmanna (FFR) og Landssambands slökkviliðs- og sjúkraflutningamanna (LSS), funduðu í dag í fyrsta sinn með fulltrúum Isavía hjá ríkissáttasemjara.

09. desember 2013

Jólaball SFR og St.Rv. - miðasala hafin

Jólaskemmtun félagsmanna SFR stéttarfélags og Starfsmannafélags Reykjavíkurborgar verður haldin miðvikudaginn 18. desember kl. 17:00 Gullhömrum, Þjóðhildarstíg 2, Reykjavík.

09. desember 2013

Jólaball SFR og St.Rv. - miðasala hafin

Jólaball SFR stéttarfélags og Starfsmannafélags Reykjavíkurborgar verður haldið miðvikudaginn 18. desember kl. 17:00 Gullhömrum, Þjóðhildarstíg 2, Reykjavík.

Boðið verður upp á glæsilegar veitingar, dansað í kringum jólatréð og auðvitað koma jólasveinar í heimsókn með glaðning handa börnunum. Miðar verða seldir á skrifstofu félaganna, Grettisgötu 89 frá 2. - 18. desember, opið frá kl. 09:00-16:00.

Miðaverð 700 kr.

04. desember 2013

Jólaundirbúningurinn hjá SFR félögum í fullum gangi

Félagsmenn SFR hafa verið duglegir í jólaundirbúningi undanfarið. Á vegum Gott að vita var boðið upp á námskeið í konfektgerð, þá nýttu nokkir áhugasamir félagsmenn sér árlegt námskeið félagsins í jólaföndri sem haldið var í Reykjavík. Í ár var einnig boðið upp á jólaföndursnámskeið á Blönduósi í samstarfi við Farskólann og jólakortagerð á Akureyri í samstarf við stéttarfélagið Kjöl og Símey.

27. nóvember 2013

Aðventukvöld 5. desember

Aðventukvöld SFR og St.Rv. verður haldið fimmtudaginn 5. desember, kl. 20:00 að Grettisgötu 89, 1. hæð.

Boðið verður upp á sannkallaða aðventustemmingu með heitu súkkulaði og smákökum undir ljúfum upplestri úr nokkrum nýjum jólabókum.

 

25. nóvember 2013

Jólaball SFR og St.Rv.

Jólaball SFR stéttarfélags og Starfsmannafélags Reykjavíkurborgar verður haldið miðvikudaginn 18. desember kl. 17:00 Gullhömrum, Þjóðhildarstíg 2, Reykjavík.