Fréttir og greinar

28. janúar 2013

Ísland vann Icesave

EFTA dómstóllinn hafnaði nú fyrir stundu öllum kröfum Eftirlitsstofnunar EFTA (ESA) í Icesave málinu. Aðallega var tekist á um tvö atriði fyrir EFTA dómstólnum. Þ.e. sú fullyrðing að Ísland hafi brotið tilskipunina um innstæðutryggingar og hins vegar að Ísland hafi brotið jafnræðisreglu EES-samningsins með því að mismuna innstæðueigendum. ESA og Evrópusambandinu var gert að greiða málskostnað. Niðurstaðan er lokaniðurstaða sem ekki er hægt að áfrýja.

24. janúar 2013

Páskaúthlutun

Hér er hægt að sækja um orlofshús SFR um páskana og er umsóknarfrestur til og með 4. febrúar, úthlutað verður 6. febrúar. Vikan innanlands kostar 23.000 kr. og í Kaupmannahöfn 77.000 kr. Páskaúthlutun kostar 40 punkta.

22. janúar 2013

Grein formanns SFR í Morgunblaðinu um kynbundinn launamun

Í Morgunblaðinu í gær birtist grein eftir Árna Stefán Jónsson, formann SFR. Þar fjallar hann um að kjarasamningum á almennum markaði hefur verið flýtt og atvinnurekendur, ríkið og stéttarfélögin reyna að finna leiðir til að leiðrétta kjararýrnun og launaþróunina í landinu. En eitt af því stærsta sem hvílir á næstu kjarasamningsgerð er kynbundinn launamunur.

18. janúar 2013

Karlar eru launahærri í starfsgreinum sem kenndar hafa verið við hefðbundin kvennastörf

Í Fréttablaðinu í dag kemur fram á bls. 12 í fréttskýringu að kynbundinn launamunur er 12% hjá SFR. Þrátt fyrir að dregið hafi úr kynbundnum launamun í kreppunni er hann enn 12% hjá félögum SFR. Karlar eru með 21% hærri laun en konur. Mestur er launamunur hjá SFR á meðal sérhæfðs starfsfólks og tækna, eða 24% körlum í hag.

18. janúar 2013

Vinnustaðaheimsókn hjá Umboðsmanni skuldara

Árni St. Jónsson, formaður SFR, og Alma Lísa Jóhannsdóttir, umboðsmaður trúnaðarmanna, hittu félagsmenn sem starfa hjá Umboðsmanni skuldara í gær. Á fundinum var rætt um kjaramál og þjónustu félagsins þar á meðal orlofsmál, en þetta var fyrsti fundur í fundarröð SFR með félagsmönnum.

16. janúar 2013

Blað stéttarfélaganna komið út

Blað stéttarfélaganna er að koma út og ætti að berast félagsmönnum næstu dag. Meðal efnis í blaðinu að þessu sinni er umfjöllun um launamun kynjanna þar sem m.a. er ítarleg greining eftir ákveðnum starfsheitum. Einnig er dagskrá fyrir Gott að vita námskeiðin birt en skráning á þau hefst 22. jan. kl. 9. Þá er í fyrsta sinn í blaðinu lögfræðihorn sem verður fastur liður í blaðinu og að þessu sinni er fjallað þar um foreldraorlof.

16. janúar 2013

Liðsstyrkur - Nýtt átaksverkefni fyrir atvinnuleitendur

Í frétt á vef BSRB er sagt frá því að nýtt átaksverkefni, Liðsstyrkur, hafi verið formlega kynnt til sögunnar í gær. Markmið verkefnisins er að virkja atvinnuleit-endur, sem hafa fullnýtt eða munu fullnýta rétt sinn innan atvinnuleysis-tryggingakerfisins á árinu 2013, til þátttöku að nýju á vinnumarkaði.

11. janúar 2013

Nýjar úthlutunarreglur Starfsmenntunarsjóðs SFR

Stjórn Starfsmenntunarsjóðs SFR hefur samþykkt nýjar úthlutunarreglur sem gilda frá og með 1. janúar 2013. Stærsta breytingin er að þeir sem eru búnir að vera félagsmenn í 8 ár eða lengur geta nú fengið að hámarki 140.000 kr. á tveggja ára tímabili í stað 120.000 kr. áður. Þá var hækkað upp sú lágmarksgreiðsla ....

08. janúar 2013

Jafnlaunakerfi - kröfur og leiðbeiningar

Í frétt á vef BSRB kemur fram að út er kominn staðallinn ÍST 85 Jafnlaunakerfi - Kröfur og leiðbeiningar. Staðallinn er ætlaður sem grundvöllur fyrir vottunarkerfi að því er varðar launajafnrétti kynja á vinnustöðum. Markmið hans er að auðvelda atvinnurekendum að koma á og viðhalda launajafnrétti kynja á vinnustað sínum. Jafnframt gefst þeim sem uppfylla skilyrði staðalsins möguleiki á að fá vottun þar um.

02. janúar 2013

Framvegis hlýtur gæðavottun fræðsluaðila

Framvegis miðstöð símenntunar hlaut í desember EQM (European Quality Mark) gæðavottun. Með gæðavottun EQM er staðfest að Framvegis stenst evrópskar kröfur um gæði fræðslustarfsemi. Fræðslumiðstöð atvinnulífsins veitir gæðavottunina ...