Fréttir og greinar

28. október 2015

Verkfalli aflýst

Samninganefndir SFR, SLFÍ og LL skrifuðu undir nýjan kjarasamning við ríkið klukkan fimm í morgun. Verkfalli hefur því verið aflýst. Innihald nýs kjarasamnings verður kynnt félagsmönnum á fundum sem skipulagðir verða víða um land í næstu viku og mun einnig verða aðgengilegur hér á vefnum fljótlega. Nú sitja fulltrúar SFR á 44. þing BSRB, SFR á þar 51 fulltrúa en yfirskrift þess er Öflug almannaþjónusta - betra samfélag.

26. október 2015

Fundur samninganefndar hófst klukkan eitt

Samninganefndir SFR, SLFÍ og LL hafa setið á fundum með samninganefnd ríkisins hjá sáttasemjara alla helgina. Nýr fundur nefndanna hófst nú klukkan eitt.

23. október 2015

Samstöðufundur við Laugardalshöll

Síðdegis í dag (föstudaginn 23. okt.) Samun Bjarni Benediktsson fjármálaráðherra ávarpa landsfund sjálfsstæðismanna í Laugardalshöll. Þar ætlum við að vera líka til að tryggja að hann gleymi okkur ekki í ræðunni sinni. Hittumst fyrir framan Laugardalshöllina kl. 16:00 í dag og látum í okkur heyra!

22. október 2015

Samstöðufundur við stjórnarráðið kl. 9 á föstudagsmorgunn

Kjarasamningsviðræður SFR, SLFÍ og LL við ríkið standa enn yfir og ganga alltof hægt að áliti félaganna. Enn eru á annað þúsund félagsmanna í verkfalli. Knýjum á um lausn deilunnar og mætum á samstöðufund kl. 9 í fyrramálið við stjórnarráðið.

21. október 2015

Hægagangur í viðræðum

Verkfall SFR og SLFÍ hefur nú staðið í tæpa viku. Fyrstu lotu í allsherjarvinnustöðvun er lokið og lögðu um fimm þúsund starfsmenn niður vinnu í fjóra daga. Félagsmenn SFR sem starfa hjá Tollstjóra, Ríkisskattstjóra, sýslumannsembættunum og Landspítala eru áfram í ótímabundnu verkfalli og einnig eru sjúkraliðar sem starfa á dagvöktum á Landspítala, Heilsustofnun Austurlands og Heilsustofnun Suðurnesja í verkfalli á dagvöktum alla virka daga.

Samninganefndir félaganna og samninganefnd ríkisins undir stjórn sáttasemjara hafa fundað alla verkfallsdagana fram á kvöld og reynt að ná samningum. Viðræður hafa verið í gangi og eitthvað þokast í rétta átt, en hægagangurinn er mikill og hafa félögin ýtt á að lausn finnst sem fyrst svo binda megi enda á þessa erfiðu deilu sem hefur nú þegar haft mikil áhrif á samfélagið allt.

19. október 2015

Kröfuganga þriðjudagsmorgunn kl. 9:00

Félagsmenn SFR, sjúkraliðar og lögreglumenn. Fylkjum liði í kröfugöngu og fylgjum eftir kröfum okkar. Leggjum af staði frá Hlemmi kl. 9 í fyrramálið þriðjudaginn 20. október.

Klæðum okkur vel, nú skiptir máli að standa saman.

16. október 2015

Verkfallsbætur

Upplýsingar og eyðublöð vegna verkfallsbóta mun verða sett hér á vefinn fyrir mánaðarmót. Þar munu félagsmenn geta séð allar upplýsingar um greiðslu verkfallsbóta en kappkostað verður að ganga frá greiðslu verkfallsbóta sem fyrst um og eftir mánaðarmótin.

15. október 2015

Samstöðufundur við stjórnarráðið kl. 9:15

Samstöðufundur SFR, SLFÍ og LL við stjórnarráðið í fyrramálið kl. 9:15.