Fréttir og greinar

08. maí 2015

Aðalfundur BSRB

Nú stendur yfir aðalfundur BSRB. Fundurinn hófst kl 10 í morgun á ávarpi Elínar Bjargar Jónsdóttur formanns BSRB,. Auk hefðbundinna aðalfundastarfa hélt Vigdís Jónsdóttir framkvæmdastjóri erindi um starf endurhæfingarsjóðisins VIRK og Árni Stefán Jónsson formaður SFR og fyrsti varaformaður BSRB fjallaði um lífeyrissjóðsmál opinberra starfsmanna. Búast má við að fundinum ljúki um kl. 15.

07. maí 2015

Stofnun ársins 2015 - niðurstöður

Rétt í þessu voru kynntar niðurstöður úr könnuninni Stofnun ársins 2015 og Fyrirtæki ársins 2015 í Silfurbergi í Hörpu að viðstöddu fjölmenni.

Stofnanir ársins 2015 eru þrjár, hver í sínum stærðarflokki. Ríkisskattstjóri er sigurvegari í flokki stórra stofnana (50 starfsmenn eða fleiri), Menntaskólinn á Tröllaskaga er stofnun ársins í flokki meðalstórra stofnana (20-49 starfsmenn) og Héraðsdómur Suðurlands bar sigur út býtum annað árið í röð í flokki minni stofnana (starfsmenn eru færri en 20).

Titilinn Hástökkvari ársins 2015 fá þrjár stofnanir að þessu sinni. Þær hækka allar jafn mikið milli ára. Þetta eru Framhaldsskólinn í Austur-Skaftafellssýslu, Framhaldsskólinn í Vestmannaeyjum og Minjastofnun Íslands.

06. maí 2015

Stofnun ársins 2015

Fimmtudaginn 7. maí munum við tilkynna hvaða stofnanir hafa verið valdar Stofnanir ársins, Fyrirmyndarstofnanir og Hástökkvarar árið 2015. Valið byggir á niðurstöðum könnunar meðal félagsmanna SFR og allra starfsmanna stofnananna. Sigurvegurum verður afhent viðurkenning við hátíðlega athöfn þennan dag en niðurstöður verða settar á netið strax að athöfn lokinni sem verður væntanlega um kl. 18:30 þann sama dag.

05. maí 2015

Orlofshús á vefinn

Hús 77 (Copy) úti Nú er öllum úthlutunum orlofshúsa formlega lokið og það sem eftir stendur verður sett á vefinn á morgun miðvikudaginn 6. maí kl 9:00. Í boði verða eingöngu vikuleiguhús og það eru teknir punktar eins og um úthlutun væri að ræða. Ef fólk á ekki punkta þá skiptir það ekki öllu máli því viðkomandi fer þá í mínus punktastöðu sem svo jafnar sig út með tímanum.Til þess að bóka þarf að skrá sig inn á orlofsvefinn og kíkja undir flipann þar sem stendur "Laust", bóka og greiða.

01. maí 2015

maí - metfjöldi í kröfugöngu

Metfjöldi var í 1. maí göngu verkalýðsfélganna í Reykjavík í dag. Þar hélt Árni Stefán Jónsson formaður SFR þrumandi ræðu og mikið fjölmenni var viðstatt ræðuhöldin á Ingólfstorgi sem vart rúmaði mannfjöldann. Hér má lesa ræðu formannsins. Stemmningin var mikil og góð eins og myndirnar hér sýna.

01. maí 2015

Til hamingju með daginn okkar allra kæru félagar

1mai2013 (114) Baráttudagur verkalýðsins verður haldinn hátíðlegur um allt land þann 1. maí.

Fjölbreytt baráttudagskrá hefur verið skipulögð um land allt og hér má finna upplýsingar um hvað er að gerast hvar.

30. apríl 2015

maí og kjarasamningsviðræður

Kjarasamningar SFR við ríki, Reykjavíkurborg, Samband íslenskra sveitarfélaga og SFV (Samtök fyrirtækja í velferðarþjónustu) eru lausir frá og með morgundeginum 1. maí. Kjarasamningsviðræður eru þegar hafnar við ríkið og er SFR í samstarfi við Sjúkraliðafélag Íslands og Landssamband lögreglumanna í þeim viðræðum. Kröfugerðir félaganna hafa verið lagðar fram og nokkrir fundir hafa þegar verið haldni. Þá hafa starfshópur fulltrúa viðsemjenda og félaganna hafist handa við að skoða launaþróun í tengslum við endurnýju launataflanna. Næstu vikur má búast við að fundað verði áfram en viðræður við aðra aðila munu hefjast um leið og þær samningaviðræðum sem nú eru í gangi skýrast.

SFR hvetur alla félagsmenn sína til að fjölmenna í 1. maí göngur um land allt og taka þátt í kjarabaráttunni.

29. apríl 2015

BLAÐ STÉTTARFÉLAGANNA ER KOMIÐ ÚT

Blað stéttarfélaganna er komið sneisafullt af efni. Þar má meðal annars lesa um 1. maí og dagskrá dagsins í Reykjavík. Tveir vinnustaðir eru heimsóttir, en það eru Sýslumaðurinn á höfuðborgarsvæðinu og Höfðatorg. Þá er fjallað um kjaramál og stöðuna við kjaraviðræðum félaganna. Í blaðinu má einnig finna viðtal við Guðrúnu Kristínu Svavarsdóttur en hún hefur undanfarið glímt við krabbamein og hefur miklar skoðanir á kostnaðurþátttöku sjúklinga.

29. apríl 2015

maí 2015 - „Ég mæti - En þú?“

Í gegnum tíðina hefur baráttan fyrir bættum lífskjörum skilað árangri með samstöðu og samtakamætti. Róðurinn hefur oft verið þungur en með öflugri samstöðu og einurð félagsmanna höfum við saman náð árangri skref fyrir skref. Framundan er 1. maí sem er baráttu- og hátíðisdagur okkar launafólks og þá gefst okkur frábært tækifæri til þess að sýna að styrk okkar eru engin takmörk sett. Við viljum því biðja þig að koma og ganga með okkur í 1. maí göngunni í ár undir kjörorðunum JÖFNUÐUR BÝR TIL BETRA SAMFÉLAG!

28. apríl 2015

Kosning trúnaðarmanna

Kosning trúnaðarmanna á vinnustöðum SFR hófst 15. apríl. Mikilvægt er að hafa trúnaðarmenn á öllum vinnustöðum, en í dag er þeir um 250 talsins. Hlutverk þeirra felst m.a. í að gæta hagsmuna félagsmanna SFR á vinnustað, miðla upplýsingum á milli félagsmanna og SFR og gæta þess að kjarasamningar séu virtir. Hlutverkið er bæði fjölbreytt og gefandi og felur í sér tækifæri til að bæta við sig þekkingu og reynslu, jafnt á persónunlegum grunni sem og starfslega. Allir félagsmenn SFR geta boðið sig fram sem trúnaðarmenn. Kosningu á að vera lokið á vinnustöðum eigi síðar en 31. maí.