Fréttir og greinar

19. júní 2014

SFR fulltrúar í norrænu tengslaneti

Fulltrúar norðurlandanna í norrænu tengslaneti funduðu í BSRB húsinu í dag. Tengslanetið samanstendur af fulltrúum frá SFR, HK/STAT í Danmörku, ST í Svíþjóð og Starvsmannafelaginu í Færeyjum. Samstarfið hefur staðið yfir nú í rúmt ár en á vettvangi tengslanetanna er meðal annars unnið að málum sem snúa að menntun og aukinni færni starfsmanna, en auk þess er sérstaklega beint sjónum að ungum félagsmönnum og stöðu þeirra gagnvart stéttarfélögum á norðurlöndunum. Farið er yfir sameiginlega drætti í starfi félaganna í þessum málaflokkum og reynt að nýta þekkingu og reynslu hvers annars.

16. júní 2014

SFR á jafnréttisráðstefnu Nordisk Forum 2014 í Malmö

Dagana 12. - 15. júní var haldin jafnréttisráðstefna Nordisk Forum í Malmö, en 27 fulltrúar úr hópi trúnaðarmanna og starfsmanna SFR sóttu hana. Á ráðstefnunni voru um 10.000 manns frá öllum Norðurlöndunum en einnig fleiri löndum. Yfirskrift ráðstefnunnar var New action - skilaboðin voru sterk, - við skulum meta þaðsem áunnist hefur en þörfin á að finna nýjar leiðir, tæki og tól í jafnréttisbaráttunni er mikil. Dagskráin var afar fjölbreytt og hlýddu fulltrúar SFR m.a. á fyrirlestra og umræður um launajafnrétti, valdaskiptingu heimsins, jafnréttismál á vinnumarkaði og umhverfismál út frá feminískum sjónarhóli svo eitthvað sé nefnt.

10. júní 2014

Fulltrúar SFR ræða opinbera stjórnsýslu á NSO ráðstefnu

Á ráðstefnu NSO í Svíþjóð eru stéttarfélög opinberra starfsmanna á Norðurlöndunum saman komin til þess að ræða góða opinbera stjórnsýslu og verðmæti hennar. Finnski sérfræðingurinn dr. Hanna Kuusela fjallaði þar meðal annars um um ráðgjafalýðræðið og hvernig og hvort það gerir ríkið óskilvirkt og hvort það dragi úr þekkingu innan stjórnsýslunnar.

06. júní 2014

Gönguklúbbur Lífeyrisdeildar SFR á Stokkseyri

Gönguklúbbur Lífeyrisdeildar SFR lauk gönguvetrinum með því að fara í heimsókn á Stokkseyri. Þar var tekið á móti hópnum með kurt og pí af tveimur göngufélögum sem eru svo lánsamir að eiga þar hús við ströndina. Fyrst sýndu þeir göngufélögum húsin sín sem voru ævintýri líkust, svo var farið niður í fjöruna og gengið meðfram fjörukambinum að veitingahúsinu Við fjöruborðið og þaðan eftir götunni tilbaka og áhugaverðir staðir skoðaðir á leiðinni.

05. júní 2014

Kjarasamningur SFV samþykktur

Félagsmenn SFR  og Sjúkraliðafélags Íslands sem starfa hjá fyrirtækum í Samtökum fyrirtækja í velferðarþjónustu hafa samþykkt nýjan kjarasamning sem félögin gerðu við Samtök fyrirtækja í velferðarþjónustu.

Kjarasamningurinn var samþykktur með rúmlega 92% greiddra atkvæða. Alls voru 576 á kjörskrá en af þeim kusu 356. Kjörsókn var rétt tæplega 62%.

 

31. maí 2014

Laxveiðileyfi til sölu í Norðurá fyrir gesti í Munaðarnesi

Félagsmönnum sem gista í Munaðarnesi á komandi sumri býðst að kaupa laxveiðileyfi í Norðurá og hafa til þess forgang til og með 2. júní. Eftir það opnast salan á alla félagsmenn BSRB. Hálfur dagur kostar kr. 3.500 og eru seldar tvær stangir á svæðið og er leyft að veiða á allt agn. Veiði hefst 9. júní og hefur ROM annan hvern dag til umráða/sölu á mót Eflingu stéttarfélagi. Veitt er frá 7.00 – 13.00 og/eða frá 16.00-22.00. 

28. maí 2014

Kynningarfundir fyrir sjóðfélaga LSR

Árlega eru haldnir kynningarfundir fyrir virka sjóðfélaga í  A- og B-deild LSR sem vilja fræðast um lífeyrismál; um uppbyggingu réttindakerfisins iðgjaldaskil, lífeyristökualdur og áætlaðar lífeyrisgreiðslur. Sjóðfélagar skrá sig fyrirfram á fundina. Hægt er að velja um tvær dagsetningar; þann 3. júní eða 4. júní. Fundir eru haldnir bæði að morgni til eða síðdegis: 8:30 – 10:00 eða 16:30 – 18:00. Nauðsynlegt er að skrá sig í síma 510-6100 eða ...