Fréttir og greinar

29. mars 2019

Fjölmennur framhaldsaðalfundur Sameykis

Framhaldsaðalfundur Sameykis fór fram í gær og var afar vel sóttur. Á fundinum voru m.a. lagðir fram ársreikningar St.Rv. og SFR og ársskýrslur félaganna. Þá fór Árni Stefán formaður Sameykis yfir verkefni hið sameinaðs félags þessa fyrstu daga þess. En Vinna við sameiningu orlofskerfis og hönnun merkis og útlits á félagið hafa verið tímafrek verkefni en auk þess eru samingaviðræður við stærstu viðsemjendur komnar af stað þó hægt sé. Þá eru viðræður við Orkuveituna og Isavia einnig að skríða af stað. Sameyki mun gera 18 kjarasamninga

26. mars 2019

Þitt álit skiptir máli … og svo eru vinningar!

Einungs örfáir dagar eru eftir af könnuninni um Stofnun ársins og mikilvægt að við fáum sem flesta til þess að taka þátt. Félagsmenn Sameykis ættu allir að vera búnir að fá könnunina í tölvupósti, ef ekki hafið samband við solveig@sameyki.is sem allra fyrst.

26. mars 2019

Framhaldsaðalfundur Sameykis

Fimmtudaginn 28. mars kl. 17 verður framhaldsaðalfundur Sameykis stéttarfélags í almannaþjónustu. Fundurinn verðu haldinn að Grettisgötu 89, 1 hæð. Á dagskrá verður skýsla stjórnar um starfssemi á síðasta ári. Lagðir fram endurskoðaðir reikningar síðasta árs. Kosinn löggiltur endurskoðandi ásamt tveim skoðunarmönnum og tveim til vara. Fjárhagsáætlun næsta árs lögð fram til samþykktar. Ályktanir aðalfundar afgreiddar og önnur mál.

25. mars 2019

Trúnaðarmenn og fulltrúar

Fundur trúnaðarmanna- og fulltrúa Sameykis var haldinn í Gullhömrum í lok síðustu viku. Á fundinum kynnti Jón Sigurðsson fv. skólastjóri á Bifröst skýrslu samstarfshóps um félagsleg undirboð og brotastarfsemi á vinnumarkaði sem hann var í forsvari fyrir. Garðar Hilmarsson varaformaður fór yfir stöðuna í kjaramálunum og hjá honum kom fram að viðræður eru hafnar við alla stærstu viðsemjendur Sameykis.

22. mars 2019

Nýja merkið okkar

Sameyki hefur eignast nýtt merki. Það var auglýsingastofan Brandenburg sem hjálpaði okkur að finna hið eina rétta. Í því má sjá S-in úr gömlu félögunum og keðjuna sem táknar samstöðuna. Merkið er teiknað með sameiningu í huga. Það táknar styrk fjöldans og endurspeglar samstarf ólíkra starfsstétta. Myndheimurinn er sóttur í keðjur sem mynda traust hald, samstöðu og styrk.

22. mars 2019

NÝR ORLOFSVEFUR

Orlofskerfi SFR og St.Rv. hefur nú verið sameinað og þess vegna höfum við lokað gamla Orlofsvef SFR og í staðinn þarf að velja tengil beint inn á Orlofsvef St.Rv. sem við höfum sett eftst á síðuna (sjá myndi). Svona verður þetta þar til við höfum fengið nýja vefsíðu en kerfið ætti að vera einfalt og þægilegt fyrir alla í notkun.

18. mars 2019

Baráttan gegn einkavæðingu áberandi á alþjóðavettvangi

Sterkasta birtingarmynd samfélagsábyrgðar fyrirtækja er að þau greiði sinn réttláta hlut af sköttum.

12. mars 2019

Opið fyrir umsóknir um orlofshús á Spáni í sumar

Sameyki á nú þrjár eignir á Spáni. Eitt 150 fermetra parhús við Samara í Quesada, Penthouse íbúð við Los Arenales ströndina og síðan eina íbúð á fyrstu hæð í sama húsi.

12. mars 2019

Eitt orlofskerfi fyrir alla félagsmenn Sameykis í vinnslu

Nú er unnið að því að setja upp eitt orlofskerfi fyrir íbúðir, orlofshús, gjafabréf og fleira þannig að allir félagsmenn Sameykis hafi aðgang að öllum orlofseignum fyrrum SFR og St.Rv. Orlofskerfið sem varð fyrir valinu heitir Frímann og er það sama og St.Rv. var með fyrir sameiningu.

11. mars 2019

Málþing um nýja persónuverndarlöggjöf

Föstudaginn 15. mars kl. 13-16 standa Háskólinn á Bifröst og Fræðslusetrið Starfsmennt sameiginlega að málþingi um nýja persónuverndarlöggjöf sem tók gildi í júlí sl.