Fréttir og greinar

19. mars 2014

Samningur SFR við Reykjavíkurborg felldur

Atkvæðagreiðslu um kjarasamning SFR og Reykjavíkurborgar sem undirritaður var 11. mars s.l. lauk á hádegi í dag 19. mars. Atkvæði hafa verið talin og skiptast svo. Á kjörskrá eru 196.  19 greiddu atkvæði eða 9,7%. Já sögðu 4 eða 21%. Nei sögðu 14 eða 74%. 1 atkvæði var autt /ógilt eða 5%. Niðurstaða atkvæðagreiðslunnar er því sú að samningurinn hefur verið felldur með miklum meirihluta.

18. mars 2014

Samningur St.Rv. og Reykjavíkurborgar felldur

Kjarasamningur St.Rv. og Reykjavíkurborgar sem undirritaður var 9. mars síðastliðinn hefur verið felldur með 217 atkvæðum eða 50,6% á móti 208 atkvæðum eða 48,5%. Á kjörskrá voru 3349 en 429 greiddu atkvæði eða 12.8%. Nú stendur yfir atkvæðagreiðsla um kjarasamning SFR við Reykjavíkurborg sem er í raun sams konar samningur og sá sem nú hefur verið felldur. Niðurstöður atkvæðagreiðslunnar um samning SFR og Reykjavíkurborgar munu liggja fyrir síðdegis á morgun miðvikudag.

17. mars 2014

Kaupmannahöfn og Spánn - opnað fyrir bókanir kl. 12

Orlofsmöguleikar í útlöndum í sumar!

Opnað verður fyrir bókanir í Kaupmannahöfn og á Spáni kl. 12 í dag, mánudaginn 17. mars. Yfirleitt er opnað fyrir bókanir kl. 9 en af óviðráðanlegum orsökum er það ekki hægt að þessu sinni.

14. mars 2014

Kynningarfundur um samning SFR og Reykjavíkurborgar

Kynningarfundur og atkvæðagreiðsla um samning SFR við Reykjavíkurborg verður mánudaginn 17. mars kl. 16:30 á Foss hótel Lind Rauðarárstíg 18, 105 Reykjavík (það er á móti BSRB húsinu). Einnig verður hægt að greiða atkvæði um samninginn á skrifstofu SFR, Grettisgötu 89, 4. hæð, frá kl. 9 til 16 þriðjudaginn 18. mars og á miðvikudaginn 19. mars fram til kl 12:00.

13. mars 2014

Stofnun ársins - svarfrestur framlengdur

Svarfrestur vegna könnunarinnar um Stofnun ársins hefur verið framlengdur til 20 mars. SFR hvetur alla félagsmenn sína til að svara könnuninni. Hún er okkur öllum afar mikilvæg og gefur góða mynd af starfsumhverfi stofnana og starfsánægju. Starfsmenn geta notað niðurstöðurnar til að meta eigin vinnustað í samanburði við aðrar stofnanir og fyrirtæki. Þá geta stjórnendur einnig gert sér góða grein fyrir stöðu starfsmannamála í stofnuninni og hvar þeir standa í samanburði við aðra.

13. mars 2014

Fundur vegna fyrirhugaðs verkfalls framhaldsskólakennara

Vegna fyrirhugaðs verkfalls framhaldsskólakennara boðar SFR  til upplýsingafundar fyrir félagsmenn sína sem starfa innan framhaldsskólakerfisins. Á fundinum verður farið yfir stöðu félagsmanna SFR ef til verkfalls kemur.

Fundurinn verður haldinn miðvikudaginn 19. mars kl. 15,  í húsnæði BSRB að Grettisgötu 89, Reykjavík, 1. hæð. Fundurinn verður sendur út í streymi fyrir félagsmenn á landsbyggðinni. Nánari upplýsingar um streymið veitir alma@sfr.is

12. mars 2014

Samið við Reykjavíkurborg

Í gær 11. mars var undirritað samkomulag um breytingu og framlengingu á kjarasamningi SFR við Reykjavíkurborg. Samningurinn felur í sér að laun hækka a.m.k. um 2,8% en að lágmarki um 8.000 kr. Laun undir 241 þús. hækka um 9.750 kr. Verulega var bætt í orlofs- og desemberuppbót  en þær hækka samtals um 32.300 kr.  Jafnframt kemur eingreiðsla upp á 14.600 krónur. 

11. mars 2014

Formaður SFR lýsir yfir undrun sinni vegna ummæla formanns fjárlaganefndar

Félag forstöðumanna ríkisstofnanna og Stofnun stjórnsýslufræða stóðu í morgun fyrir ágætum morgunverðarfundi um áskoranir í ríkisrekstri og meginlínur opinbers rekstrar eftir hrun. Á fundinum fjallaði formaður fjárlaganefndar meðal annars um mikilvægi þess að fækka opinberum stofnunum þar sem um hundrað þeirra væru of litlar, með færri en 30 starfsmenn, og ættu því erfitt með að standa undir þeim skyldum sem þeim er ætlað að sinna.