Fréttir og greinar

10. júlí 2013

Munaðarnes - andlitslyfting

Undanfarna mánuði hafa staðað yfir gagngerar endurbætur á húsum SFR í Bjarkarási númer þrjú og fimm í svipuðum anda og gert var við hús félagsins í Vörðuási og Bjarkarási nr. 10 í fyrra. Húsin eru þó í við stærri og verða eftir breytingar um 87 fm og pallurinn 83 fm. Um gagngera endurbyggingu er að ræða og skipt hefur verið um innréttingar, glugga, hurðir, klæðningar o.fl. Búast má við að húsin verði tilbúin til útleigu í byrjun ágúst, en það verður auglýst nánar hér á vefnum þegar að því kemur.

09. júlí 2013

Viðurkenndur bókari, er það nám fyrir þig?

Starfar þú á bókhalds- eða fjármálasviði á þínum vinnustað en hefur ekki lokið formlegu framhaldsnámi á því sviði? Starfsmennt greiðir undirbúningsnámið, fyrir félagsmenn SFR (ath. ekki er greitt fyrir próftökugjaldið), sem farið er í áður en tekið er próf til viðurkenningar bókara á vegum Atvinnuvega- og nýsköpunarráðuneytisins. Námið er boðið í samstarfi við MK og EHÍ. Umsóknarfrestur er til 6. ágúst í MK og í EHÍ.

08. júlí 2013

Fyrstur kemur fyrstur fær - laust í Munaðarnesi

Nú fyrir stundu var að losna eitt hús í Munaðarnesi (Vörðuás) frá 12.-19. júlí. Húsið er í dagleigu og því þarf ekki að bóka alla vikuna heldur bara einstaka daga, ef vill. Kíkið inn á orlofsvefinn - fyrstur kemur fyrstur fær.

04. júlí 2013

Nýr vefur BSRB

BSRBmerkigott BSRB hefur tekið nýjan vef í notkun. Mest af því efni sem var á gamla vefnum er aðgengilegt á þeim nýja en á næstu vikum mun meira af efni verða sett inn á vefinn og frekari endurbætur gerðar á honum. Ef notendum reynist erfitt að nálgast einhverjar ákveðnar upplýsingar er hægt að hafa samband við skrifstofu BSRB í síma 525 8300 eða á netfangið bsrb@bsrb.is.

01. júlí 2013

Blað stéttarfélaganna í prentun

Blað stéttarfélaganna mun berast félagsmönnum síðar í vikunni en það er nú í prentun. Blaðið er fjölbreytt að venju. Þar má m.a. finna ítarlega umfjöllun um niðurstöður könnunarinnar um Stofnun ársins. Þá er farið í heimsókn á nokkra vinnustaði sem stóðu sig vel í könnuninni og reynt að grennslast fyrir um leyndarmálið á bak við árangurinn. Þá ritar Ásgeir Jónsson grein um efnahagshorfurnar og lesendur fá uppskrift af hamborgara úr íslensku hamborgarabókinni svo sitthvað sé nefnt.

01. júlí 2013

Lausar íbúðir í Reykjavík

útimyndir Grandavegi 003 [1600x1200] Orlofshús félagsins og íbúðir hafa verið mjög vel nýtt það sem af er sumri. Nánast er fullbókað í öll hús langt fram í ágúst. En vert er þó að vekja athygli á því að enn eru einhverjar vikur og dagar lausir í íbúðunum í Reykjavík í júlí og ágúst. Sjá nánar á orlofsvefnum.

28. júní 2013

Opnað fyrir sumarhús til október

Mánudaginn 1. júlí kl. níu verður opnað fyrir bókanir í október í orofshús félagsins innanlands og hús erlendis út nóvembermánuð þ.e. til 29. nóv.

27. júní 2013

Könnun á vegum SFR

Nú stendur yfir könnun á vegum SFR þar sem m.a. er spurt um þjónustu félagsins, samstarf við önnur félög og útgáfumál. Um þúsund félagsmenn eru í úrtakinu, en það er Capacent sem vinnur könnunina. Því mega einhverjir félagsmenn búast við því að fá tölvupóst eða símtal frá fulltrúum Capacent, og SFR hvetur þá sem það gera til að taka þeim vel.

24. júní 2013

Jónsmessuferð LSFR um Hvalfjörð og Borgarfjörð

Jónsmessuferð Lífeyrisdeildar SFR var að þessu sinni um Hvalfjörð og Borgarfjörð. Það var 125 manna hópur sem hélt af stað frá Grettisgötu kl. 8 þann 20. júní sl. Stoppað var hjá Hallgrímskirkja við Saurbæ í Hvalfirðinum, söfn skoðuð í Borgarnesi, kíkt á Deildartunguhver, stoppað í Reykholti og Hraunfossar-Barnafossar skoðaðir, stoppað í Húsafelli, þaðan keyrt um Kalmanstungu/Fljótstungu og Geitafjársetrið á Háafelli heimsótt. Endað var með kvöldverði í Munaðarnesi. Haldið var heim á leið í glaðasólskini og kom hópurinn til Reykjavíkur um kl. 21:30.

21. júní 2013

Ályktun frá ráðstefnu aðildarfélaga NSO

Í byrjun sumars eða dagana 3. og 4. júní héldu aðildarfélög NSO - samtaka ríkisstarfsmanna á Norðurlöndunum (Nordiska Statstjänstemanna Organisationens) sína árlegu ráðstefnu. Hún var að þessu sinni í Tromsö og sóttu fulltrúar frá SFR ráðstefnuna heim. Þar var m.a. rætt um stöðu opinbers atvinnumarkaðar á norðurlöndunum og samþykkt ályktun þar sem NSO hvetur norrænar ríkisstjórnir til þess að stuðla að trausti á opinbera geirann og vinna í samvinnu við stéttarfélögin að sterkari og betra vinnuumhverfi.