Fréttir og greinar

02. febrúar 2020

Þorrablót lífeyrisdeildar

Lífeyrisdeild Sameykis stendur fyrir Þorrablóti fyrir félagsmenn deildarinnar fimmtudaginn 20. febrúar 2020, kl. 16:00, í Fram heimilinu, Safamýri 25
Boðið verður upp á hefðbundinn þorramat og kaffi á eftir. Söngur og gamanmál. Verð 3.000 kr. á mann.

31. janúar 2020

Heimsókn heilbrigðisritara

Nemendur sem læra til heilbrigðisritara í Fjölbrautaskólanum í Ármúla komu í heimsókn í dag á skrifstofu Sameykis til að fræðast aðeins um hlutverk stéttarfélaga og flækjur vinnumarkaðarins. Það var Kristrún Sigurðardóttir kennari og kennslustjóri heilbrigðisgreina sem kom með þeim. Nemendur úr námi heilbrigðisritara hafa við árlega til okkar og við fögnum hverju tækifæri til þess að koma boðskap stéttarfélaga á framfæri. Takk fyrir skemmtilega heimsókn.

​

31. janúar 2020

Myndir frá baráttufundi

Sannarlega kröftugur baráttufundur í Háskólabíói í gær eins og myndirnar sýna vel. Okkur hafa borist fregnir af því að á milli 80-100 manns hafi verið í Hofi á Akureyri og fleiri víða um landið þar sem streymt var. Þá voru um 3000 manns sem fylgdust með í gegnum streymi á facebook og mbl.is. Takk kærlega fyrir frábæran fund ... en við erum rétt að byrja!

30. janúar 2020

Fjölmennur baráttufundur í Háskólabíó

Nú er nýlokið fjölmennum baráttufundi í háskólabíó en þar var Árni Stefán Jónsson, formaður Sameykis, einn af ræðumönnum. Hér birtum við ávarpið sem hann flutti á fundinum.

30. janúar 2020

Opinberir starfsmenn sýna samstöðuna á baráttufundi

Félagar í BSRB, BHM og Fíh munu fjölmenna á fund í Háskólabíói í dag til að krefjast þess að ríki og sveitarfélög gangi tafarlaust til samninga.

27. janúar 2020

Kjarasamninga strax!

Fjölmennum á baráttufund 30. janúar kl. 17. Nú þurfum við að sýna mátt okkar enda hafa samningar verið lausir í 10 mánuði! Fundurinn er haldinn að frumkvæði félagsmanna í BSRB en með okkur verða einnig félagar í BHM og Félagi íslenskra hjúkrunarfræðinga enda erum við öll orðin langþreytt á samningsleysi og hægagangi viðsemjenda. Fundirnir verða haldnir í Háskólabíói, Hofi, Ísafirði og mögulega víðar en nákvæmari staðsetningar auglýstar síðar. Íslenska velferðarkerfinu haldið uppi af stórum starfshópum þessara samtaka og félaga og við krefjumst þess að við fáum mannsæmandi laun og vinnutíma. Ef samningar nást ekki á næstunni er fátt eitt annað í stöðunni en verkfallsaðgerðir og hafa sum félögin m.a. Sameyki þegar hafið undirbúning.
Við skorum á allt félagsfólk okkar að mæta og fylla Háskólabíóið - nú er kominn tími á að við sýnum mátt okkar!

27. janúar 2020

Blað í pósti

Rjúkandi nýtt blað Sameykis er á leiðinni til félagsmanna í pósti. Blaðið er í þynnra lagi vegna anna við kjarasamninga og vinnufundi, en efnið er engu að síður mikilvægt. Í blaðinu fjalla formennirnir um stöðuna í kjaramálunum og aðgerðir framundan. Þar má einnig finna alla dagskrá Gott að vita námskeiðanna en skráning á þau hefst 3. febrúar næstkomandi kl. 17:00.

24. janúar 2020

Námskeið á Norðurlandi og Vestfjörðum fyrir félagsmenn

Býrð þú á Vestjörðum eða Norðurlandi? Langar þig að læra eitthvað nýtt? Kynntu þér námskeið á vorönn 2020 sem eru félagsmönnum að kostnaðarlausu.

21. janúar 2020

Að rjúfa samstöðu og semja af sér

Í yfirstandandi kjarabaráttu hafa Sameyki stéttarfélag í almannaþjónustu, Félag flugmálastarsmanna ríkisins og Landsamband slökkviliðs- og sjúkraliðsmanna unnið saman að gerð kjarasaminga við Isavia. Slíkt samstarf milli félaganna liggur beint við því þau semja að hluta til um sömu starfsheiti við Isavia.

21. janúar 2020

Námskeið um lífeyrismál við starfslok

Boðið verður upp á námskeið um lífeyrismál við starfslok fyrir sjóðfélaga Brúar lífeyrissjóðs og Lífeyrissjóðs starfsmanna Reykjavíkurborgar miðvikudaginn 29. janúar næst komandi. Námskeiðið verður haldið í húsakynnum Brúar lífeyrissjóðs að Sigtúni 42.