Fréttir og greinar

06. september 2013

Stjórn BSRB ályktar

Stjórn BSRB samþykkti á fundi sínum sem nú stendur yfir á Egilsstöðum ályktun varðandi kynbundinn launamun, en nýleg könnun bandalagsins sýndi fram á kynbundinn launamun innan BSRB upp á 11,4%. Í ályktuninni lýsir BSRB yfir vonbrigðum sínum með niðurstöður nýrrar kjarakönnunar og hvetur ríkisstjórnina til að halda áfram því jafnlaunaátaki sem fyrri stjórn hóf. Þar er einnig minnt á það að hlutverk ríkis og sveitarfélagaer að vera leiðandi í baráttunni gegn launamisrétti.

03. september 2013

BSRB birtir niðurstöður launakönnunar

BSRB hefur nú birt niðurstöður úr launakönnun sinni fyrir árið 2013. Á heimasíðu bandalagsins kemur fram að konur hafa 27% lægri laun er karlar, meðal fólks í fullu starfi. Meðallaun kvenna innan BSRB eru 346.724 krónur á mánuði á meðan mánaðarlaun karla eru 474.945 krónur.

02. september 2013

Jólin í orlofshúsi!

Kjarnaskógur003 Í morgun var opnað fyrir leigu á orlofshúsum SFR í desember næstkomandi. Þeir sem vilja dvelja í orlofshúsi einhvern tímann í jólamánuðinum ættu að kíkja inn á orlofsvefinn. Fyrstur kemur fyrstur fær.

28. ágúst 2013

Laust í Köben 10.-18. október

Dagarnir 10.-18. október voru að losna í íbúðinni í Kaupmannahöfn. Íbúðin er í Christianshavn og er þriggja herbergja, björt og falleg á fjórðu hæð í gömlu sjarmerandi húsi.

26. ágúst 2013

Þjónustu- og viðhorfskönnun

Í sumar létu SFR og Starfsmannafélag Reykjavíkurborgar framkvæmda sameiginlega þjónustu- og viðhorfskönnun. Þar sem kannað var mat félagsmanna á þjónustu og viðhorfum þeirra til samstarfs við önnur félög. Framkvæmdin var í höndum Capacent og var úrtakið um tvöþúsund manns, en í úrtakinu voru bæði trúnaðarmenn og fulltrúar auk almennra félagsmanna.

23. ágúst 2013

Hvernig er þinni starfsþróun háttað á haustönn 2013?

Nú eru flestir komnir úr sumarfríi og því ekki úr vegi að minna á eitt mikilvægt verkefni sem allir starfsmenn verða að sinna en það er að huga að starfsþróun sinni. Bæklingar frá símenntunarmiðstöðvum eru byrjaðir að detta inn um póstlúguna og þar á meðal er bæklingur frá Fræðslusetrinu Starfsmennt þar sem má finna fjölbreyttar leiðir til að bæta við sig þekkingu og færni...

20. ágúst 2013

Þegar húmar að ...

Nú síðustu daga sumars eru nokkur orlofshús laus hjá félaginu. Næstu dagar eru til dæmis lausir á Blönduósi, Eiðum og Djúpavogi en þegar september gengur í garð losna hús viðar. Við hvetjum félagsmenn til að kíkja inn á orlofsvefinn og bóka hús fyrir notalega hausthelgi.

15. ágúst 2013

Viltu verða að liði? Raunfærnimat félagsliða

Viltu verða félagsliði og fá starfsreynslu, fyrra nám og vel leyst lífsverkefni metin til framhaldsskólaeininga? Fræðslusetrið Starfsmennt býður upp á raunfærnimat sem metur starfshæfni þína og auðveldar þér að ljúka námi sem félagsliði. Til að komast í raunfærnimatið þarft þú að...

12. ágúst 2013

Afslöppun fyrir haustið

strakar i potti Orlofshús félagsins hafa verð afar vel nýtt í allt sumar en nú þegar líður á ágúst má orðið finna eitthvað laust. Orlofshúsið á Hólum í Hjaltadal er til dæmis laust vikuna 16.-23. ágúst og vikuna þar á eftir má finna laus hús í Vaðnesi, á Eiðum, Blönduósi og í Munaðarnesi. Við hvetjum félagsmenn til að kíkja orlofsvefinn og bóka afslöppun í orlofshúsi áður en haustið svífur að.

07. ágúst 2013

Starfsmennt - námskeið

Út er komið nýtt fréttabréf Fræðslusetursins Starfsmenntar. Í vetur verður að venju boðið upp á fjölbreytt úrval starfstengdra námskeiða sem henta þér bæði persónulega og í starfi. Hér má sjá fyrstu námskeið haustsins sem opin eru öllum og okkar félagsmönnum að kostnaðarlausu.