Fréttir og greinar

17. ágúst 2015

Fréttir af samningamálum

Fulltrúar úr viðræðu- og samninganefndum SFR, Sjúkraliðafélags Íslands og Landssambands lögreglumanna hittust á fundi í dag. Þar var m.a. farið yfir úrskurð Gerðardóms í málum BHM og Félags ísl. hjúkrunarfræðinga sem birtur var á föstudag.

12. ágúst 2015

Stefnubreyting við sameiningu stofnana

Í grein í Fréttablaðinu í dag skrifar Alma Lísa Jóhannsdóttir, ráðgjafi hjá SFR, um sameiningar stofnana. „Ef litið er til þeirrar aðferðafræði sem notuð hefur verið við sameiningu stofnana á undanförnum árum má sjá að nú hefur átt sér stað stefnubreyting. Hún birtist með þeim hætti að stjórnvöld telja nú mikilvægt, jafnvel nauðsynlegt, að segja öllu starfsfólki upp við sameiningar stofnana.“

20. júlí 2015

Vinnukvíði eftir sumarorlof?

Alma Lísa Jóhannsdóttir ráðgjafi hjá SFR kemur úr sumarfríi:

Fjögurra vikna sumarfríi er lokið. Liðnar vikur hafa snúist um samveru með fjölskyldu og vinum, afslöppun og ævintýri. Fyrir utan skrifstofugluggann skín sólin eins og svikari. Grámi hversdagsins fyllir hugann og þú finnur fyrir smá depurð og kvíða. Orkan ætti að vera á hápunkti en er jafn fjarverandi og rigningarskýin fyrir utan gluggann. Skjalabunkinn á borðinu hefur náð nýjum hæðum og stresshrukkurnar eru við það að myndast þrátt fyrir afbragðs kaffibolla í upphafi dags. Fyrsti vinnudagur eftir frí.

13. júlí 2015

Blað stéttarfélagana á leið í póst

06. júlí 2015

Nokkrir dagar lausir í Reykjavík og Hrísey

Á næstu vikum eru örfáir dagar lausir í íbúðum félagsins í Reykjavík og einnig eru dagarnir 7.-9. júlí lausir í Hrísey. Áhugasamir félagsmenn gangið frá bókunum á orlofsvefnum.

03. júlí 2015

Laust orlofshús í Munaðarnesi

Vegna sérstakra aðstæðna var að losna orlofshús í Munaðarnesi dagana 6.-10. júlí. Áhugasamir félagsmenn vinsamlegast kíkið inn á orlofsvefinn okkar á www.sfr.is, þar er hægt að ganga frá bókunum.

02. júlí 2015

Nokkrir dagar lausir

Í næstu viku eru nokkrir dagar lausir í húsi sem félagið leigir í Hrísey og einnig í annarri íbúð félagsins á Akureyri. Þá eru nokkrir dagar lausir í íbúðinni á Grandavegi í Reykjavík. Áhugasamir félagsmenn vinsamlegast kíkið inn á orlofsvefinn okkar þar sem hægt er að ganga frá bókunum.

29. júní 2015

Jónsmessuferð LSFR

Hin árlega Jónsmessuferð lífeyrisdeildar SFR var farin í síðustu viku og þótti takast með afbrigðum vel. Í ferðinni var suðurlandið skoðað vel og vandlega, komið við í Húsinu og Laugabúð á Eyrarbakka, Veiðisafninu á Stokkseyri, Skógum og Vík í Mýrdal.

29. júní 2015

Kjarasamningsviðræður

Á fundi samninganefnda SFR, LL og SLFÍ með samninganefnd ríkisins hjá sáttasemjara á föstudag var ákveðið í samráði við ríkissáttasemjara að fresta frekari fundum fram til 4. ágúst. Þá verður viðræðum haldið áfram en samningar munu þó gilda frá og með 1. maí.

24. júní 2015

Laust í orlofshús

Að venju eru orlofshús félagsins vel nýtt á þessum árstíma, en örfá hús eru þó laus á allra næstu dögum. Hér er um að ræða t.d. hús á Illugastöðum vikuna 26. júní - 3 júlí og Hrísey dagana 28. júní - 2. júlí. Auk þess sem íbúðin okkar í Kaupmannahöfn er laus til 30. júní. Áhugasamir kíki beint inn á orlofsvefinn til að fá nánari upplýsingar og bóka.