Fréttir og greinar

09. júní 2020

Verðlaunafé í minningu Halldórs félaga okkar

09. júní 2020

Haustlitaferð í stað sumarferðar

Vegna Covid-19 faraldursins verður ekki farin sumarferð á vegum Lífeyrisdeildar Sameykis. Þess í stað hefur verið ákveðið að skipuleggja haustlitaferð á Þingvelli í september ef allt gengur að óskum. Dagsetning og tilhögun ferðarinnar verður auglýst þegar nær dregur.

09. júní 2020

Á hlaupum í heimsfaraldri

Rúmlega helmingur opinberra starfsmanna upplifði aukið álag í starfi í vegna COVID-19 faraldursins samkvæmt könnun sem unnin var af rannsóknarfyrirtækinu Maskínu fyrir BSRB. Álagið jókst einnig á almenna markaðinum þar sem rúmur þriðjungur upplifði aukið álag. Þátttakendur í könnuninni voru spurðir hvort álag í starfi hafi aukist, minnkað eða staðið í stað. Þegar heildin er skoðuð sögðust um fjórir af hverjum tíu, um 41 prósent, að álagið hafi aukist vegna faraldursins. Hjá um þriðjungi hafði álagið staðið í stað en hjá um 26 prósentum hafði álagið minnkað.

08. júní 2020

Lokað fyrir umsóknir um orlofsávísanir

Margir nýttu sér framlengt tilboð okkar um orlofsávísun og er nú búið að loka fyrir umsóknir. Mun fleiri umsóknir bárust en búist var við og er enn verið að vinna úr þeim. Þá er rétt að vekja athygli á því að síðar í mánuðinum munum við koma með ný tilboð um hótelgistingar inn á orlofsvefinn. Við munum auglýsa það vel þegar það er tilbúið.

08. júní 2020

Afgreiðsla styrkja yfir sumartímann

Nú eru sumarleyfi starfsfólks Sameykis hafin og má gera ráð fyrir einhverjum töfum á afgreiðslu fræðslustyrkja og styrkja úr styrktar- og sjúkrasjóði.

05. júní 2020

Ert þú meðal hinna heppnu?

Þeir sem tóku þátt í könnuninni um Stofnun ársins lentu sjálfkrafa í happdrættispotti. Alls voru 12 vinningar dregnir úr innsendum svörum. Í vinning eru m.a. 60 þúsund króna gjafabréf frá Icelandalir, helgardvöl í orlofshúsum félagsins, vikudvöl í orlofshúsum félagsins á Spáni og miðar á Airwaves tónlistarhátíðina í haust (þeir miðar verða að sjálfsögðu færðir á milli ára ef vera skyldi að ekki yrði að hátíðinni í ár vegna Corona faraldursins).

27. maí 2020

Kjarasamningur við Klettabæ samþykktur

Kjarasamningur Sameykis og Klettabæjar var samþykktur í atkvæðagreiðslu sem lauk fyrir stundu. Samningurinn var samþykktur með 95% atkvæða en 5% sögðu nei. Kosningaþátttaka var tæp 24%.

27. maí 2020

Stjórn Sameykis fordæmir uppsagnir hjá Seltjarnarnesbæ

Stjórn Sameykis fordæmir uppsagnir starfsmanna í mötuneytum Seltjarnarnesbæjar. Starfsfólk mötuneytanna hjá Seltjarnarnesbæ hefur í áraraðir sinnt leik- og grunnskólabörnum bæjarins af alúð og metnaði. Verðmætið í reynslu þeirra og tengslum við samfélagið er haft að engu þegar öllum starfsmannahópnum er sagt upp og einkaaðila falið verkið með þeim orðum að nú þurfi að spara.

26. maí 2020

Orlofsuppbót greidd um mánaðarmót

Næstkomandi mánaðarmót eiga félagsmenn sem eru í starfi allt orlofsárið þ.e. 1. maí til 30. apríl. að fá greidda orlofsuppbót. Hafi viðkomandi verið í hlutastarfi eða starfað hluta ársins fær hann greidda orlofsuppbót í samræmi við starfshlutfall eða starfstíma. Hafi starfsmaður látið af störfum á orlofsárinu vegna aldurs eða eftir a.m.k. 3ja mánaða (13 vikna) samfellt starfs á orlofsárinu skal hann fá greidda orlofsuppbót hlutfallslega miðað við unninn tíma og starfshlutfall. Sama gildir ef starfsmaður var frá störfum vegna veikinda eftir að greiðsluskyldu vinnuveitanda lýkur eða vegna fæðingarorlofs allt að 6 mánuðum.

22. maí 2020

Niðurstöðum Stofnunar ársins frestað

Vegna þeirrar sérkennilegu stöðu sem verið hefur undanfarna mánuði þá hefur stjórn Sameykis ákveðið að tilkynna ekki sigurvegara í Stofnun ársins könnuninni fyrr en 14. október. Stofnanir munu fá til sín sínar eigin niðurstöður til að vinna með en ekki samanburðinn við aðra sem þátt tóku og heldur ekki upplýsingar um í hvaða sæti þær lentu. Því verður haldið leyndu til 14, október en þá munum við boða til verðlaunahátíðar eins og venja er og blása til málþings af sama tilefni. Tölur úr happdrættinu verða hins vegar birtar í lok maí.