Fréttir og greinar

04. júlí 2017

Lokað vegna jarðarfarar

Skrifstofa SFR verður lokuð eftir hádegi í dag, þriðjudaginn 4. júlí vegna jarðarfarar Sigríðar Kristinsdóttur fyrrverandi formanns félagsins.

30. júní 2017

Launahækkun samkvæmt stofnanasamningum

Félagsmenn sem falla undir kjarasamning SFR og ríkisins fengu að lágmarki 4,5% kjarasamningsbundna launahækkun frá og með 1. júní 2017. Samhliða þessari hækkun tóku gildi nýir stofnanasamningar þar sem röðun í nýja launatöflu er útfærð. Gamla taflan með lífaldursþrepum var lögð af og ný launatafla með 2,5% bili milli flokka og þrepa var tekin upp. Í nýju launatöflunni eru 8 álagsþrep þar sem metnir eru þættir eins og starfsaldur, álag, sérstök verkefni o.s.frv.

26. júní 2017

Vel heppnuð Jónsmessuferð LSFR

Jónsmessuferð Lífeyrisdeildar SFR var farin í síðustu viku og fóru alls um 130 félagar úr deildinni í ferðina. Farið var á þremur rútum og heimsótti hópurinn meðal annars Íslenska bæinn í Gaulverjahreppi, Þjóðveldisbæinn, Hjálparfoss og Gjána. Að lokum var snæddur kvöldverður í Ingólfsskála

13. júní 2017

Ráðstefnulok NSO

Rétt í þessu lauk afar áhugaverðri og árangursríkri ráðstefnu NSO sem haldin hefur verið á Siglufirði undanfarna tvo daga. Ráðstefnur NSO eru árlegar og var umfjöllunarefnið að þessu sinni vinnumarkaður framtíðarinnar. Fulltrúar stjórnar SFR sátu ráðstefnuna ásamt nokkrum starfsmönnum og tókst hún í alla staði mjög vel. SFR hefur gegnt formennsku í NSO undanfarið ár en í lok ráðstefnunnar afhenti Árni Stefán Jónsson formaður SFR Jan Erik Rassmussen framkvæmdastjóra HK í Danmörku keflið og mun Danmörk gegna formennsku næsta árið.

12. júní 2017

Kjarasamningur samþykktur

Samkomulag um framlengingu kjarasamning SFR og Samtaka atvinnulífsins vegna Isavia ohf. sem undirritaðað var 1. júní 2017 hefur verið samþykkt með 79,10% atkvæða.

12. júní 2017

NSO ráðstefna á Siglufirði

Nú stendur yfir árleg ráðstefna NSO (Nordiska statstjanestemanna organisationen) en Ísland hefur veitt samtökunum foryrstu síðastliðið ár. Árni Stefán Jónsson formaður SFR setti ráðstefnu NSO sem nú er haldin á Siglufirði og í ávarpi sínu fjallaði hann m.a. um efnahagslegar upp- og niðursveiflur og hvernig vertíðarfólkið Íslendingar bregst við þeim. En umfjöllunarefni ráðstefnunnar er einmitt framtíðin og vinnumarkaðurinn með sérstaka áherslu á opinbera markaðinn.

08. júní 2017

Kosning um kjarasamning

Rafræn kosning um kjarasamning SFR og Isavia stendur nú yfir og hafa félagsmenn okkar hjá Isavia nú fengið sendan rafrænan atkvæðaseðil og kynningarefni. Kosningin stendur yfir til kl. 10:00 þann 12. júní næstkomandi.

02. júní 2017

Nýr samningur við Isavia

Í gærkvöld var skrifað undir samning SFR og Isavia. Eins og fram hefur komið var fyrri samningur felldur þann 25. apríl síðastliðinn og deilunni vísað til ríkissáttasemjara 12. maí. Á öðrum fundi samninganefndnanna með ríkissáttasemjara í gær náðist óvænt samkomulag sem skrifað var undir. Samningurinn felur í sér meiri hækkun og segist Árni Stefán Jónsson formaður SFR vongóður um að hann verði samþykktur. Nýr kjarasamningur verður kynntur á fundum með félagsmönnum fljótlega eftir helgi, þar verður hægt að kjósa um samninginn en kosning verður einnig rafæn.

31. maí 2017

Ójafnræði í dagvistunarúrræðum

Mikill munur er á þeim dagvistunarúrræðum sem foreldrar njóta milli sveitarfélaga og ekki ríkir jafnræði í þjónustu við börn að loknu fæðingarorlofi. Könnun BSRB sýnir að börn á Íslandi eru að jafnaði um 20 mánaða gömul þegar þau komast inn á leikskóla en samanlagt fæðingarorlof beggja foreldra er níu mánuðir. Nefnd BSRB um fjölskylduvænna samfélag aflaði upplýsinga um stöðu dagvistunarmála að loknu fæðingarorlofi hjá sveitarfélögunum í landinu og hefur nú gefið út skýrslu með helstu niðurstöðum. Markmiðið var að varpa ljósi á hvaða stuðning hið opinbera veitir, enda ítrekað verið bent á þau vandamál sem leiða af því bili sem er á milli fæðingarorlofs foreldra og þess aldurs þegar börnum er tryggt leikskólapláss.

30. maí 2017

Hvítasunnuhelgin í orlofshúsi

Orlofshús SFR eru alla jafnan leigð út í vikuleigu yfir sumarið nema þau hús sem sérstaklega eru merkt sem dagleiguhús. Nú hefur hins vegar verið opnað fyrir helgarleigu á þeim húsum sem laus eru um næstu helgi Hvítasunnuhelgina og hvetjum við áhugasama félagsmenn að kíkja inn á orlofsvef félagsins í gegnum Mínar síður.