Fréttir og greinar

27. apríl 2016

maí er á sunnudaginn

1. maí er á sunnudaginn. Þann dag þurfum við launafólk að standa saman. Sjáumst í kröfugöngu um land allt.

27. apríl 2016

Krossgátuaðdáendur

Þeir krossgátuaðdáendur Blaðs stéttarfélaganna sem hyggjast senda inn lausn gátunnar hafa rekið sig á að netfangið sem gefið er upp virkar ekki. Einhver bilun virðist vera þar í kerfinu og er fólk beðið um að senda lausnina þess í stað á krossgata@bsrb.is.

26. apríl 2016

Opnað fyrir orlofshús SFR í dagleigu

Af palli í 11 [1600x1200] Á morgun miðvikudaginn 27. apríl kl. 9 opnar fyrir bókanir á orlofshúsum SFR í dagleigu í sumar (næstu þrjá mánuði). Þau hús sem eru í dagleigu eru; eitt hús á Eiðum, eitt hús í Vaðnesi og eitt hús í Munaðarnesi. Auk þess eru íbúðir SFR á Grandavegi og Sóltúni í Reykjavík í dagleigu og íbúðir SFR í Skálatúni og Hamratúni á Akureyri einnig. Bóka þarf rafrænt á orlofsvef SFR.

25. apríl 2016

Trúnaðarmenn funda

Nú er nýlokið fundi trúnaðarmanna SFR. Á fundinum hélt Indriði H. Þorkláksson hagfræðingur afar áhugavert erindi um skattaskjól og áhrif þess á samfélagið. Góður rómur var gerður að orðum Indriða enda málefnið afar áhugavert og erindi hans skýrt. Að því loknu snéru trúnaðarmenn sér að vinnu við undirbúning stofnanasamningsgerð næsta vetrar og krufu meðal annars nýgerða kjarasamninga. Í lok fundar verður farið yfir dagskrá 1. maí og hlutverk trúnaðarmanna þar auk annarra mála. Í morgun var einnig fræðslumorgunn trúnaðarmanna þar sem Ingrid Kuhlman hélt erindi fyrir trúnaðarmenn.

21. apríl 2016

Gleðilegt sumar

SFR óskar félagsmönnum um land allt gleðilegs sumars og þakkar góða samstöðu í vetur.

20. apríl 2016

maí Blað stéttarfélaganna á leiðinni

1. maí Blað stéttarfélaganna er nú í prentun og mun berast félagsmönnum fljótlega eftir helgi. Í blaðinu er m.a. fjallað um ný frumvörp um fæðingarorlof og húsnæðismál og viðtal við Ólaf Melsted sem vann nýlega mál gegn Seltjarnarnesbæ. Umfjöllun um nýafstaðna aðalfundi félaganna og 1. maí er einnig á sínum stað en félagsmenn eru hvattir til þess að fjölmenna í 1. maí gögnur um land allt.

19. apríl 2016

Úthlutun orlofshúsa lokið

Úthlutun orlofshúsa í sumar hefur nú farið fram og þeir sem fengu hús hafa til miðnættis 22. apríl til þess að ganga frá greiðslu. Þeir sem sóttu um en fengu ekki úthlutað eru á biðlista sem er úthlutað af jafnóðum og eitthvað losnar. Ef fólk hefur að einhverjum ástæðum ekki fengið bréf um hvort það hafi fengið úthlutun má sjá það inn orlofsvefnum, merkt „ógreidd úthlutun“ þar sem umsóknin var áður.

Þann 27. apríl verður síðan opnað fyrir dagleiguhús og þá gildir reglan fyrstur kemur fyrstur fær. Þá verð þrír mánuðir settir á netið í einu lagi og geta félagsmenn þá bókað sig sjálfir eins og í vetrarleigu. Hver sólarhringur kostar 5 punkta.

12. apríl 2016

Frestur til að sækja um orlofshús í sumar rennur út á morgun.

útimynd 12 (2) Fresturinn til að sækja um orlofshús í sumar rennur út á miðnætti á morgun 13. apríl. Umsóknir eru rafrænar á Orlofsvefnum.

31. mars 2016

Skorað á heilbrigðisráðherra að löggilda starfsheiti Félagsliða

Tuttugu og tvö stéttarfélög um allt land á almenna markaðnum og hjá hinu opinbera hafa skorað á heilbrigðisráðherra að löggilda starfsheitið félagsliði. Félagsliðar hafa barist fyrir því að verða löggilt heilbrigðisstétt um árabil en lítið hefur gengið. Löggilding félagsliða er ekki bara mikilvæg fyrir framgang stéttarinnar heldur ekki síst fyrir gæði þjónustu við þann vaxandi hóp sem þarf á aðstoð að halda.