Fréttir og greinar

26. október 2018

Opinn félagsfundur 1. nóvember

Undanfarnar vikur höfum við heimsótt fjölmarga vinnustaðai víða um land og kynnt fyrir félagsfólki hugmyndir um sameiningu SFR og St.Rv. Þann fyrsta 1. nóvember verður einnig haldinn opinn félagsfundur á Grettisgötu 89 kl. 16:30 um málið. Markmiðið er að ná til sem flestra og fá fólkið okkar til að kynna sér málin, ræða saman og spyrja spurninga og því hvetjum við félagsfólk til að fjölmenna.

23. október 2018

Breytum ekki konum - breytum samfélaginu 24. okt. kl. 14:55

Þann 24. október verður haldin baráttuhátíð í tilefni af því að þá verður 43 ár liðið frá kvennafrídeginum árið 1975. Þann dag lögðu þúsundir íslenskra kvenna niður vinnu til að draga fram mikilvægi vinnuframlags þeirra til efnahagslífs og samfélags. Í ár verður enn og aftur minnt á vinnuframlag kvenna og mikilvægi jafnréttis á vinnumarkaði með sams konar hætti. Við viljum hvetja konur til þess að leggja niður störf kl. 14:55 til þess að safnast saman á baráttufundum sem haldnir verða út um land allt. (Sjá m.a. Kvennafrí 2018 á facebook)

19. október 2018

Sonja Ýr nýr formaður BSRB

Rétt í þessu var tilkynnt um nýjan formann BSRB en tveir frambjóðendur gáfu kost á sér í embætti formanns BSRB. Þetta voru þau Sonja Ýr Þorbergsdóttir núverandi lögfræðingur bandalagsins og Vésteinn Valgarðsson trúnaðarmaður hjá SFR og aðaltrúnaðarmaður á Landspítalanum. Sonja Ýr var kjörin formaður með miklum meirihluta atkvæða.

19. október 2018

Fulltrúar SFR á þingi BSRB

Salir og gangar Hilton hótels Nordica hafa verið iðandi af lífi síðustu daga því um 200 fulltrúar aðildarfélaga BSRB hafa þar setið sitt 45. þing. SFR á þar 48 glæsilega fulltrúa sem allir hafa tekið virkan þátt í málefnastarfi og stefnumótun félagsins. Í stefnuræðu sinni í upphafi þings varð Elínu Björgu Jónsdóttur fráfarandi formanni tíðrætt um félagslegan stöðugleika og hefur sú umræða einkennt starf þingsins.

17. október 2018

Starfsfólk á BSRB þingi

Við ætlum að vera virk á BSRB þinginu og því verður mögulega örlítið hægar svarað í símann milli kl. 10:00 og 12:00 í dag þar sem flestir verða á þingsetningunni. Við biðjum ykkur um að sýna því þolinmæli og hringja kannski aftur síðar eða senda okkur póst á sfr (at) sfr.is

16. október 2018

Hjálpaðu okkur að ná til þín

Þessa dagana er SFR með sérstakt átak í gangi til þess að betrumbæta félagaskrána, þ.e. bæta inn símanúmerum og netföngum þar sem vantar. Þess vegna gætu einhverjir félagsmenn átt von á símtali frá okkar fólki þar sem spurt er um netfang. Okkur langar að biðja ykkur um hjálpa okkur í þessu átaki og fara inn á Mínar síður og bæta þar inn upplýsingum ef vantar, eða hafa samband við skrifstofuna ef þið hafið t.d. nýlega fengið nýtt netfang eða síma (s. 525 8330 eða sfr@sfr.is).

15. október 2018

Sviðamessa LSFR

Sviðamessa Lífeyrisdeildar SFR verður haldin laugardaginn 27. október, kl. 12:00 að Grettisgötu 89, 1. hæð. Boðið verður upp á svið ásamt meðlæti, kaffi og eftirrétt. Húsið opnar kl. 11:30.

14. október 2018

Breytum ekki konum, breytum samfélaginu! Kvennafrí 24. október frá kl. 14:55

Það styttist í kvennafrídaginn eða kvennaverkfallsdaginn 24. október. Konur eru hvattar til að leggja niður vinnu kl. 14:55 miðvikudaginn 24. október og fylkja liði á samstöðufund, kl. 15:30 undir kjörorðinu: Breytum ekki konum, breytum samfélaginu!

12. október 2018

Sneisafullt blað

Blað stéttarfélaganna er komið út og er sneisafullt af efni að venju. Fyrirferðarmestar eru niðurstöður Launakönnunar og Stofnunar ársins auk umfjöllunar um atkvæðagreiðslu um sameiningu sem fara mun fram eftir tæpan mánuð.

11. október 2018

Ný stjórn SLRB

Ný stjórn Sambands lífeyrisþega ríkis og bæja (SLRB) var kjörin á þingi sambandsins í gær. Afar góð mæting var á þingið og var fullt út úr dyrum í sal BSRB við Grettisgötu. Elín Brimdís Einarsdóttir, frá LSFR sem hefur gegnt embætti formanns félagsins frá árinu 2009 gaf ekki kost á sér til áframhaldandi setu en enginn gaf kost á sér í embættið og var nýr formaður því ekki kjörinn.