Fréttir og greinar

23. mars 2017

Aðalfundur SFR

Aðalfundur SFR var haldinn 23. mars og var fjölmennur að venju. Dagskráin var með hefðbundnu sniði og byrjaði Árni Stefán Jónsson á því að flytja skýrslu stjórnar og rakti þar helstu baráttumál og viðburði ársins 2016. Í máli hans kom meðal annars fram að Saga SFR hefur verið gefin út og mun útgáfunni fagnað á næstkomandi trúnaðarmannafundi. Þórarinn Eyfjörð gerði grein fyrir reikningum félagsins. Að því loknu voru bæði skýrsla og reikningar samþykktir samhljóða.

23. mars 2017

Aðalfundur SFR í streymi kl. 17:00

Aðalfundur SFR hefst kl. 17:00 á Grettisgötu 89. Félagsmenn eru hvattir til þess að mæta en þeir sem ekki komast geta fylgst með fundinum í streymi á netslóðinni: straumur.bsrb.is

22. mars 2017

Orlofsblað SFR er komið út

Orlofsblað SFR er komið út og er í pósti á leið til félagsmanna. Í blaðinu má finna ítarlegar upplýsingar um alla orlofskosti sem félagið býður félagsmönnum sínum upp á, auk fjölda mynda af orlofshúsum. Þar má einnig finna leiðbeiningar um hvernig á að bóka hús, sækja um sumarúthlutun og hvernig orlofspunktakerfið virkar svo eitthvað sé nefnt. Opnað hefur verið fyrir umsóknir á orlofsvef SFR og fresturinn til þess að sækja um orlofshús er til og með 18. apríl næstkomandi.

22. mars 2017

Siðasti dagur stjórnarkosningar

Frestur til þess að kjósa í stjórnarkjöri SFR rennur út kl. 17:00 í dag, félagsmenn hafa fengið bréf með lykilkóða til þess að kjósa rafrænt. Við hvetjum alla félagsmenn til þess að nýta sér kosningarétt sinn og hafa áhrif.

20. mars 2017

Laus hús um og í kringum páska

Nú er úthlutun fyrir páskavikuna búin en enn eru einhver hús laus m.a. á Akureyri og í Munaðarnesi. Áhugasömum er bent á að kíkja inn á orlofsvef SFR og bóka hús þar.

17. mars 2017

Starfsfólk Sýslumannsembættisins á höfuðborgarsvæðinu er ósátt við mishá laun í sömu störfum

Í frétt á vef RÚV í dag kemur fram að hjá sameinuðu embætti sýslumanns höfuðborgarsvæðisins séu launakjör starfsfólks sem gegnir sömu störfunum ólík. Rætt er við formann SFR, Árna Stefán Jónsson, sem fundaði með starfsfólkinu síðastliðinn mánudag, þar sem hann segir „að eftir sameiningu hafi SFR beitt sér töluvert fyrir meiri fjármögnun frá ríkinu“.

12. mars 2017

Rafræn kosning til stjórnar

Rafræn kosning til stjórnar SFR hefst í dag kl. 17. Í ljós kom á föstudaginn að mistök áttu sér stað við pökkun kjörgagna og því voru áður útgefin aðgangasorð gerð ógild og gefin út ný. Nýtt lykilorð er sent í tölvupósti til þeirra ...

10. mars 2017

Rafræn kosning til stjórnar SFR hefst 12.03 kl. 17

Aðalfundur SFR – stéttarfélags í almannaþjónustu, verður haldinn þann 23. mars næstkomandi og í aðdraganda hans fer fram kosning til stjórnar félagsins.

08. mars 2017

mars Alþjóðlegur baráttudagur kvenna

Í dag er alþjóðlegur baráttudagur kvenna. SFR minnir á að í tilefni dagsins standa BSRB ásamt fleiri heildarsamtökum fyrir hádegisverðarfundi á Grand Hótel undir yfirskriftinni Öll störf eru kvennastörf og SFR stendur ásamt fleirum félagasamtökum að viðburði í Iðnó þar sem yfirskriftin er Konur gegn afturför. Við hvetjum þá félagsmenn sem geta til að koma og hlýða áhugaverð erindi og leggja jafnréttisbaráttunni lið.

07. mars 2017

Stjórnarkjör í SFR stéttarfélagi

Fresturinn til framboðs vegna formanns- og stjórnarkjörs SFR er runninn út. Árni Stefán Jónsson núverandi formaður SFR gefur áfram kost á sér og ekki bárust önnur framboð í formannssætið. Árni er því sjálfkjörinn sem formaður SFR til næstu þriggja ára. Ellefu manns buðu sig fram til stjórnar SFR og er undurbúningur allsherjaratkvæðagreiðslu hafinn.