Fréttir og greinar

15. apríl 2014

Atkvæðagreiðslu um kjarasamning að ljúka

Atkvæðagreiðslu um kjarasamning SFR og ríkisins lýkur kl. 12 á hádegi á morgun miðvikudaginn 16. apríl. Taktu afstöðu og greiddu atkvæði HÉR.

11. apríl 2014

Dómur SFR félaga í vil

Í dag féll dómur í Héraðsdómi Reykjavíkur í máli félagsmanns SFR gegn ÁTVR, starfsmanninum í vil. Forsaga málsins er sú að starfsmanninum hafði verið sagt upp störfum að undangenginni áminningu vegna staðhæfinga um að hann hefði átt þátt í einelti gagnvart samstarfsmanni. Dómurinn kemst að þeirri niðurstöðu að starfsmanninum hafi ekki verið gefinn fullnægjandi og raunhæft tækifæri til að tjá sig um ávirðingar þær sem á hann voru bornar. Með því var brotið gegn lögbundnum andmælarétti hans sem veitir honum rétt til skaðabóta vegna fjártjóns. Starfsmanninum voru því dæmdar 2 milljón í bætur, auk vaxta og 900 þúsunda málskostnaðar.

10. apríl 2014

Kynningarfundur í dag á Grettisgötu 89 og í „beinni“ útsendingu - kjarasamningur SFR og ríkisins

Nú stendur yfir kynning á kjarasamningi SFR og ríkisins og eru fundir haldnir víða. Almennur kynningarfundur verður í dag, fim. 10. apríl, kl. 16:30 á Grettisgötu 89, 1. hæð, og verður hann sendur út í streymi, þannig að hægt er að fylgjast með á netinu.

08. apríl 2014

Verkfallsaðgerðir á Keflavíkurflugvelli

Verkfallsaðgerðum félaga SFR stéttarfélags, Félags flugmálastarfsmanna (FFR) og Landssambands slökkviliðs- og sjúkraflutningamanna (LSS) sem boðaðar höfðu verið snemma í morgun er lokið, en gripið var til þessara aðgerða til að undirstrika kröfur félaganna í sameiginlegum kjaraviðræðum við Isavia. Félögin hafa boðað fleiri sambærilegar aðgerðir næstu vikur ef ekki semst.

07. apríl 2014

SFR félagar hjá Isavia í verkfall

Nú stendur yfir samningafundur SFR, FFR og LSS við Isavia þar sem þess verður freistað að ná samningum áður en verkfall skellur á í nótt. Að sögn Árna Stefáns Jónssonar formanns SFR var hljóðið í mönnum á fundi samninganefndanna síðastliðinn föstudag örlítið betra en undanfarið, en ekki hafi mönnum ekki fundist grundvöllur á því að funda um helgina. Nú klukkan tíu hófst hins vegar samningafundur aðila að nýju þar sem gerð verður lokatilraun til þess að ná saman áður en verkfall hefst og flugumferð stöðvast í nótt.

07. apríl 2014

Fjölmennt páskaeggjabingó

Mikið fjölmenni var á páskaeggjabingói SFR og St.Rv. á laugardaginn, en alls komu tæplega 160 félagsmenn úr báðum félögum á öllum aldri og spiluðu bingó. Fjölmargir fóru heim með páskaegg í verðlaun.

04. apríl 2014

Páskaeggjabingó á morgun

SFR og St.Rv. standa fyrir páskaeggjabingói laugardaginn 5. apríl næstkomandi kl. 14:00, Grettisgötu 89, 1. hæð. Húsið opnar kl. 13:30. Félagsmenn og fjölskyldur þeirra eru hjartanlega velkomin á meðan húsrúm leyfir, en allir aldurshópar geta spilað bingó. Í verðlaun eru páskaegg af öllum stærðum og gerðum. Engin börn fara tómhent heim. Verð fyrir bingóspjald er 400 kr, sem þarf að greiðast í peningum þar sem enginn posi er á staðnum.

03. apríl 2014

Kynningarfundir um land allt

Minnum á að nú standa yfir kynningarfundir um nýundirritaðan kjarasamning SFR og ríkisins um land allt. Kynnið ykkur málið.

01. apríl 2014

Kynntu þér kjarasamninginn – taktu afstöðu!

SFR stéttarfélag í almannaþjónustu skrifaði undir kjarasamning við ríkið þann 27. mars síðastliðinn. Samningurinn gildir frá 1. mars 2014 til 30. apríl 2015 og tekur til tæplega fjögur þúsund félagsmanna SFR. Rafræn atkvæðagreiðsla um samninginn verður 8.-16. apríl næstkomandi.

Haldnir verða tveir opnir kynningarfundir um samninginn í Reykjavík en auk þess verða kynningarfundir um land allt og á nokkrum stofnunum. Fyrsti kynningarfundirnn verður haldinn á morgun miðvikudaginn 2. apríl, kl. 8:20 á Grettisgötu 89, 1. hæð. SFR hvetur alla félagsmenn að kynna sér vel efni samningsins og greiða um hann atkvæði. Nánari upplýsingar um kynningarfundina má sjá hér.

31. mars 2014

Verkfallsaðgerðir starfsmanna Isavia samþykktar

Talning atkvæða um verkfallsaðgerðir starfsmanna hjá Isavia hefur farið fram. Niðurstöður úr atkvæðagreiðslunni er á þann veg að 88% sögðu já, nei sögðu 9%. Auðir og ógildir voru 3%. Á kjörskrá voru 424 og af þeim kusu 365, eða 86%. Af þessu er ljóst að gripið verður til verkfallsaðgerða þann 8. apríl næstkomandi, hafi samningar ekki náðst fyrir þann tíma.