Fréttir og greinar

15. nóvember 2018

Trúnaðarmenn funda

Trúnaðarmannaráðsfundur SFR stendur nú yfir en þar er meðal annars rætt um niðurstöður atkvæðagreiðslunnar um sameiningu félaganna og næstu skref. Árni Stefán Jónsson sagði frá því að verið væri að vinna að því að búa til lagaramma utan um sameinað félag. Það væru mörg handtökin og þó við vildum helst sjá þetta gerast fyrir kjarasamningana í lok mars þá þyrfti ferlið að taka sinn tíma. Vonast er til þess að hægt verði að halda stofnfund nýs félags í janúar á næsta ári. Fljótlega verður farið af stað með samkeppni um nafn á félagið og mun samkeppnin verða auglýst sérstaklega og óskað eftir þátttöku félagsmanna. Þá var greint frá því að til stendur að halda sameiginlega kjararáðstefnu þann 28. nóvember næstkomandi og munu trúnaðarmenn verða boðaðir þangað.

09. nóvember 2018

Sameining að veruleika

Félagsmenn SFR stéttarfélags og Starfsmannafélags Reykjavíkurborgar samþykktu sameiningu félaganna í allsherjar atkvæðagreiðslu sem lauk rétt í þessu, en meirihluti atkvæða beggja félaga samþykkti sameininguna.

09. nóvember 2018

Atkvæðagreiðslu lýkur kl. 12 í dag

Nú fer hver að verða síðastur til að kjósa. Atkvæðagreiðslunni um sameiningu félaganna lýkur kl. 12 á hádegi í dag. Nú þegar hafa um 37% félagsmanna kosið svo við hvetjum alla þá sem enn eiga eftir að kjósa að fara inn á vefsíðu SFR www.sfr.is og gera það, fyrir kl. 12 í dag. Kjörstjórnir félaganna munu síðan hittast og fara yfir niðurstöður atkvæðagreiðslunnar sem verður kynnt á milli klukkan kl. 13 og 14 í dag.

08. nóvember 2018

30% hafa kosið!

Nú á þriðja degi allsherjar atkvæðagreiðslu um sameiningu SFR og St.Rv. hafa tæplega 30% félagsmanna SFR þegar kosið og margir haft samband við skrifstofu félagsins til þess að fá upplýsingar og leiðbeiningar. Það er frábær þátttaka en betur má ef duga skal.

07. nóvember 2018

Góð þátttaka í allsherjar atkvæðagreiðslu

Nú á öðrum degi allsherjar atkvæðagreiðslu um sameiningu SFR og St.Rv. hafa um 20% félagsmanna SFR þegar kosið og margir haft samband við skrifstofu félagsins til þess að fá upplýsingar og leiðbeiningar. Við hvetjum alla félagsmenn til þess að taka þátt og kjósa. Það skiptir afar miklu máli að þátttakan verði góð og að afgerandi niðurstaða fáist. Þannig fær forysta félaganna skýra leiðsögn um næstu skref.

06. nóvember 2018

Atkvæðagreiðsla um sameiningu er hafin

Atkvæðagreiðsla um sameiningu SFR og Starfsmannafélags Reykjavíkurboragar er hafin og mun hún standa til hádegis á föstudag 9. nóvember. Til þess að kjósa þurfa félagsmenn að velja Mínar síður hér efst á síðunni og skrá þar inn Íslykil eða nota rafræn skilríki.

05. nóvember 2018

Sameinuð stöndum við ...

Undanfarin ár og áratugi hefur verið sterk þróun í átt að sameiningum félaga, fyrirtækja og jafnvel sveitarfélaga. Það er hvorki tilviljun né að ástæðulausu. Það hefur einnig verið stefna BSBR að fækka félagseiningum, stækka þær og styrkja. Þar er ekki vanþörf á. Launafólk kemur til með að þurfa á öllum sínum styrk að halda til að sækja eðlilegar kjarabætur í náinni framtíð.

26. október 2018

Opinn félagsfundur 1. nóvember

Undanfarnar vikur höfum við heimsótt fjölmarga vinnustaðai víða um land og kynnt fyrir félagsfólki hugmyndir um sameiningu SFR og St.Rv. Þann fyrsta 1. nóvember verður einnig haldinn opinn félagsfundur á Grettisgötu 89 kl. 16:30 um málið. Markmiðið er að ná til sem flestra og fá fólkið okkar til að kynna sér málin, ræða saman og spyrja spurninga og því hvetjum við félagsfólk til að fjölmenna.

23. október 2018

Breytum ekki konum - breytum samfélaginu 24. okt. kl. 14:55

Þann 24. október verður haldin baráttuhátíð í tilefni af því að þá verður 43 ár liðið frá kvennafrídeginum árið 1975. Þann dag lögðu þúsundir íslenskra kvenna niður vinnu til að draga fram mikilvægi vinnuframlags þeirra til efnahagslífs og samfélags. Í ár verður enn og aftur minnt á vinnuframlag kvenna og mikilvægi jafnréttis á vinnumarkaði með sams konar hætti. Við viljum hvetja konur til þess að leggja niður störf kl. 14:55 til þess að safnast saman á baráttufundum sem haldnir verða út um land allt. (Sjá m.a. Kvennafrí 2018 á facebook)

19. október 2018

Sonja Ýr nýr formaður BSRB

Rétt í þessu var tilkynnt um nýjan formann BSRB en tveir frambjóðendur gáfu kost á sér í embætti formanns BSRB. Þetta voru þau Sonja Ýr Þorbergsdóttir núverandi lögfræðingur bandalagsins og Vésteinn Valgarðsson trúnaðarmaður hjá SFR og aðaltrúnaðarmaður á Landspítalanum. Sonja Ýr var kjörin formaður með miklum meirihluta atkvæða.