Fréttir og greinar

29. apríl 2015

BLAÐ STÉTTARFÉLAGANNA ER KOMIÐ ÚT

Blað stéttarfélaganna er komið sneisafullt af efni. Þar má meðal annars lesa um 1. maí og dagskrá dagsins í Reykjavík. Tveir vinnustaðir eru heimsóttir, en það eru Sýslumaðurinn á höfuðborgarsvæðinu og Höfðatorg. Þá er fjallað um kjaramál og stöðuna við kjaraviðræðum félaganna. Í blaðinu má einnig finna viðtal við Guðrúnu Kristínu Svavarsdóttur en hún hefur undanfarið glímt við krabbamein og hefur miklar skoðanir á kostnaðurþátttöku sjúklinga.

29. apríl 2015

maí 2015 - „Ég mæti - En þú?“

Í gegnum tíðina hefur baráttan fyrir bættum lífskjörum skilað árangri með samstöðu og samtakamætti. Róðurinn hefur oft verið þungur en með öflugri samstöðu og einurð félagsmanna höfum við saman náð árangri skref fyrir skref. Framundan er 1. maí sem er baráttu- og hátíðisdagur okkar launafólks og þá gefst okkur frábært tækifæri til þess að sýna að styrk okkar eru engin takmörk sett. Við viljum því biðja þig að koma og ganga með okkur í 1. maí göngunni í ár undir kjörorðunum JÖFNUÐUR BÝR TIL BETRA SAMFÉLAG!

28. apríl 2015

Kosning trúnaðarmanna

Kosning trúnaðarmanna á vinnustöðum SFR hófst 15. apríl. Mikilvægt er að hafa trúnaðarmenn á öllum vinnustöðum, en í dag er þeir um 250 talsins. Hlutverk þeirra felst m.a. í að gæta hagsmuna félagsmanna SFR á vinnustað, miðla upplýsingum á milli félagsmanna og SFR og gæta þess að kjarasamningar séu virtir. Hlutverkið er bæði fjölbreytt og gefandi og felur í sér tækifæri til að bæta við sig þekkingu og reynslu, jafnt á persónunlegum grunni sem og starfslega. Allir félagsmenn SFR geta boðið sig fram sem trúnaðarmenn. Kosningu á að vera lokið á vinnustöðum eigi síðar en 31. maí.

28. apríl 2015

Kynningarfundir fyrir sjóðfélaga hjá LSR

Árlega heldur LSR kyningar- og samráðsfund fyrir lífeyrisþega og maka þeirra og er hann 5. maí þetta árið. Þá eru einnig haldnir kynningarfundir fyrir virka sjóðfélaga A- og B-deild LSR og verða þeir haldnir 12. og 13. maí og hægt að velja um fjórar tímasetningar. Sjá nánar um fundina og skráningu hér.

21. apríl 2015

Stéttarfélögin í nútíð og framtíð

Sameiginleg ráðstefna BSRB og ASÍ um hlutverk stéttarfélaga í samfélaginu sem haldin var á Grand hótel í morgun var afar vel sótt. Þar fluttu þau Gylfi Arnbjörnsson forseti ASÍ, Árni Stefán Jónsson formaður SFR og fyrsti varaformaður BSRB og Sigurrós Kristinsdóttir varaformaður Eflingar erindi auk tveggja fulltrúa yngri kynslóðarinnar. Það voru þau Þórdís Viborg frá SFR og Ingólfur Björgvin Jónsson frá ASÍ Ung. Elín Björg Jónsdóttir, formaður BSRB var fundarstjóri og þau Þóra Kristín Ásgeirsdóttir og Helgi Seljan fréttamenn sátu fundinn og komu með viðbrögð við erindum og spurningar sem brunnu á þeim. Ráðstefnan er nú haldin í aðdraganda 1. maí, meðal annars til þess að undirstrika mikilvægi hans fyrir allt launafólk í landinu.

20. apríl 2015

Vilt þú hafa áhrif?

Á tveggja ára fresti kjósa félagsmenn SFR sér trúnaðarmann. Nú er kosning trúnaðarmanna hafin og stendur hún til 31. maí n.k. Allir vinnustaðir þar sem eru fleiri félagsmenn en 5 eiga rétt á að kjósa sér trúnaðarmann. Stórir vinnustaðir eins og Landspítali og ÁTVR þar sem margar deildir eru eða starfsstöðvar eiga einnig rétt á að kjósa sér trúnaðarmann fyrir ...

17. apríl 2015

Trúnaðarmannaráð fundar

Trúnaðarmannaráð fundaði í gær og fór Árni Stefán Jónsson, formaður SFR m.a. yfir stöðuna í kjaraviðræðunum við ríkið sem eru nýhafnar. Eins og kunnugt er hefur félagið verið í samstarfi við Landsamband lögreglumanna og Sjúkraliðafélag Íslands í viðræðunum og hafa samninganefndir félaganna þriggja fundað með viðsemjendum.

14. apríl 2015

Innanríkisráðherra fellst á að funda með SFR um uppsagnir starfsfólks á Samgöngustofu

Í kjölfar þess að SFR gerði alvarlegar athugasemdir við þær aðferðir sem viðhafðar voru við uppsagnir starfsfólks á Samgöngustofu þá hefur innaríkisráðherra fallist á að hitta forsvarsmenn SFR. Á fundinum mun SFR halda á lofti því sjónarmiði að um algjörlega ólöglegar uppsagnir hafi verið að ræða og mun félagið áfram gera kröfu um að uppsagnirnar verði dregnar til baka hið fyrsta.

14. apríl 2015

Hlutverk stéttarfélaga í samfélaginu - Ráðstefna 21. apríl

Í aðdraganda 1. maí 2015 hafa BSRB og ASÍ tekið höndum saman og ákveðið að halda ráðstefnu, þar sem fjallað verður um hlutverk stéttarfélaga í samfélaginu. Á ráðstefnunni verður farið yfir hlutverk og starf stéttarfélaga og gerð tilraun til að skýra eðli starfsemi þeirra og þjónustuskyldur við félagsmenn. Skráning á www.1mai.is.

Fundinum verður streymt. Til að komast inn á streymið fer fólk inn á www.1mai.is í fyrramálið.

10. apríl 2015

SFR mótmælir uppsögnum

SFR stéttarfélag í almannaþjónustu mótmælir harðlega þeim aðferðum sem viðhafðar voru við uppsagnir starfsfólks á Samgöngustofu fyrir skemmstu og gerir þá skýlausu kröfu að uppsagnirnar verði dregnar til baka hið fyrsta. Félagið hefur sent bréf til forstjóra Samgöngustofu með formlegri kröfu þess efnis að uppsagnirnar verði dregnar til baka enda brjóti þær gegn lögum um hópuppsagnir nr. 63 frá árinu 2000, þar sem mælt er fyrir um skýra og fortakslausa samráðsskyldu atvinnurekanda.