Fréttir og greinar

17. mars 2022

Stofnanir ársins 2021

Sameyki stéttarfélag í almannaþjónustu tilkynnti um valið á Stofnun ársins 2021 á hátíð sem haldin var í gær en titlana Stofnun ársins og Stofnun ársins – borg og bær hljóta þær stofnanir sem þykja skara fram úr í þeim þáttum sem könnun Sameykis náði yfir að mati starfsmanna þeirra.

16. mars 2022

Málþing um mannauðsmál haldið í dag

Í dag stendur Sameyki fyrir málþingi um mannauðsmál og í framhaldi verður hátíðin Stofnun ársins sett þar sem veittar verðar viðurkenningar þeim stofnunun sem skarað hafa framúr á sviði mannauðsmála. Máþingið ber yfirskriftina Vellíðan og vöxtur í betri vinnutíma og um það fjalla á málþinginu Sóley Kristjánsdóttir sérfræðingur á sviði mannauðsmála, Bára Hildur Jóhannsdóttir verkefnastjóri betri vinnutíma í vaktavinnu, Guðrún Snorradóttir stjórnendaþjálfi og Auðunn Arnórsson MPA.

14. mars 2022

Kjarasamningar Sameykis við ríki og Reykjavíkurborg

Sameyki er búið að gefa út texta úr kjarasamningum við ríkið og Reykjavíkurborg þar sem kjarasamningsgreinar sem voru dottnar úr gildi eða höfðu breyst fyrir 1. maí 2021.

14. mars 2022

Sálrænt öryggi í heimsfaraldri

Nú hafa vinnustaðir verið að kljást við veiruna í tæp tvö ár. Það þýðir að öll höfum við þurft að sveigja okkur og beygja, breyta siðum og venjum, vera langtímum saman einsömul í okkar vinnu eða vera í vinnunni og spritta hendur og bera grímur dagana langa. Ekki síst höfum við þurft að þrauka án náinna tengsla við vinnufélaga, sjá framan í hvort annað og njóta gleðistunda utan vinnunnar. Þetta hefur áhrif á móralinn – það er óhjákvæmilegt.

11. mars 2022

Fundaherferð með félagsfólki í Sameyki lokið

Nú er lokið öflugri félagsfundaherferð Sameykis með félagsfólki um land allt. Fundaherferðin hófst 8. febrúar sl. með félögum í Sameyki á Vesturlandi og Vestfjörðum. Því næst var fundað á Norðurlandi, Austurlandi, Suðurlandi og hringnum svo lokið með tveimur sameiginlegu fundum með félagsfólki á höfuðborgarsvæðinu og Reykjanesi.

08. mars 2022

#MeToo og lægri þröskuldur á hádegisfund

Í tilefni af alþjóðlegum baráttudegi kvenna bjóða ASÍ, BSRB, BHM, Kennarasamband Íslands, Félag íslenskra hjúkrunarfræðinga, Kvenréttindafélag Íslands og Samtök starfsmanna fjármálafyrirtækja SSF til hádegisfundar á Hilton Reykjavík Nordica þann 8. mars kl. 12–13:15. Yfirskrift fundarins er „Er vinnumarkaðurinn vaknaður? #Metoo og lægri þröskuldur”.

07. mars 2022

Færeyingar vilja stytta vinnuvikuna

Færeyingar hyggjast stytta vinnuvikuna í 37 klst. og samkvæmt könnun sem Starvsfelagid lét gera fyrir sig kemur fram mikill vilji launafólks á opinberum vinnumarkaði í Færeyjum að stytta vinnuvikuna um þrjár klukkustundir. Í könnuninni kemur fram að nettókostnaður við að stytta vinnuvikuna í 37 klukkustundir eru 104,4 milljónir danskra króna.

04. mars 2022

Umsóknir um orlofshús Sameykis

Við viljum vekja athygli félagsmanna í Sameyki á því að næstkomandi mánudag 7. mars opnar fyrir umsóknir í orlofshús Sameykis innanlands fyrir sumarið. Umsóknartímabilið stendur til 27. mars og úthlutað verður eftir punktakerfi fimmtudaginn 31. Mars

04. mars 2022

Frádráttur á móti styrkjum frá Sameyki í skattaframtali

Nú er búið að opna fyrir skil á skattframtali og því minnum við félagsmenn sem fengu styrk á árinu 2021 að huga að því hvort heimilt sé að færa kostnað til frádráttar.

03. mars 2022

Félagsfundir fyrir allt landið í næstu viku

Félagsfólk í Sameyki! Verið velkomið á auka félagsfundi sem verða haldnir fyrir félagsfólk á öllu landinu miðvikudaginn 9. mars kl. 15:00-16:00 og föstudaginn 11. mars kl. 8:15-09:15 með Teams fjarfundarbúnaði. Þar með verður slegin botn í þessa fundarlotu sem hófst á nýju ári með fyrsta fundinum sem haldinn var á Vestulandi og Vestfjörðum.