Fréttir og greinar

SFR býður félagsmönnum sínum á Norðurlandi vestra á námskeið, þeim að kostnaðarlausu, í samstarfi við Farskólann. Um er að ræða námskeiðin Matjurtagarðurinn þinn, Siðfræði og samskipti og Spjaldtölva (iPad) fyrir byrjendur og verða þau haldin á Blönduósi, Sauðárkróki og Hvammstanga ef lágmarksskráning næst. Skráning hér.

Umsóknarfrestur til að sækja um orlofshús um páska er til miðnættis á morgun 17. febrúar og úthlutað verður 19. febrúar. Umsóknir eru á orlofsvefnum.

Nú hefur könnunin um val á Stofnun ársins og launakönnun verið send út til allra félagsmanna SFR. Við hvetjum ykkur öll til þess að láta raddir ykkar heyrast. Því fleiri sem svara þessari stærstu vinnumarkaðskönnun landsins því háværari verða raddirnar.

Laust er í eftirfarandi orlofshúsum SFR um helgina; Arnarstapa, Vaðnesi, Húsafelli, Öndverðarnesi og Hólmavík.  Áhugasamir bóka á orlofsvefnum.

Um helgina er laust í einungis þremur húsum félagsins, þ.e. í Húsafelli, Vaðnesi og á Hólmavík. Þeir sem vilja eyða helginni í orlofshúsi ættu því að kíkja inn á orlofsvefinn sem fyrst.

Á vorönn 2015 verður boðið uppá nokkur skemmtileg og fræðandi námskeið hjá Félagsmálaskóla alþýðu. Um er að ræða námskeiðin Samningatækni, Lestur launaseðla, Margfaldaðu möguleikana og Hvíldartímaákvæði - frítökuréttur í vaktavinnu. Skráning fer fram hér á vef Félagsmálaskólans en þar má jafnframt fá allar nánari upplýsingar.

Með Blaði stéttarfélaganna að þessu sinni fylgdi félagsskírteini SFR en það var sent öllum félagsmönnum. Skírteinið gildir í tvö ár og má nota sem afsláttarskírteini. SFR hefur eins og mörg önnur stéttarfélög samið við Frímann um ýmis afsláttarkjör á vörum og þjónustu. Hér neðst á síðunni má sjá hvaða afslætti er boðið upp á.