Fréttir og greinar

15. maí 2014

Kjarasamningur SFR, FFR og LSS við ISAVIA samþykktur

Niðurstöður úr atkvæðagreiðslu um kjarasamning SFR, FFR og LSS við Isavía liggur nú fyrir en samningurinn var samþykktur með miklum meirihluta atkvæða. Alls tóku 240 eða 72,95%félagsmanna þessara félaga þátt í kosningunni, Já sögðu 81% en Nei sögðu 24,62%. Auð atkvæði voru 2,43%.

14. maí 2014

Samningafundi var frestað hjá ríkissáttasemjara nú kl. 17.30, án árangurs.

Klukkan átta í fyrramálið fara trúnaðarmenn Sjúkraliðafélagsins og trúnaðarmenn SFR ásamt öðrum félagsmönnum í verkfallsvörslu. Hver hópur fer sama vinnustað og síðastliðinn mánudag. Heimsóknin gengur út á að líta við á vettvangi og tryggja að ekki sé verið að fremja nein verkfallsbrot og láta vinnustaðinn vita að við tökum verkfallið mjög alvarlega. Við gerum ráð fyrir að allir trúnaðarmenn okkar taki þátt í þessari heimsókn á vinnustaðina, en að aðrir félagsmenn komi einnig á vettvang til sýna stuðning og fylgja með því baráttu okkar eftir.  

14. maí 2014

SFR og SFV á samningafundi - búast má frekar við verkfalli á morgun

Nú klukkan þrjú hófst samninganefndafundur SFR og SFV hjá Sáttasemjara. Þar ræðst hvort starfsmenn sem starfa hjá fyrirtækjum í SFV fari í verkfall í annað sinn í fyrramálið. Formaður SFR, Árni Stefán Jónsson sagðist ekki mjög bjartsýnn fyrir fundinn þó auðvitað vonaði hann að þar myndi myndi þokast eitthvað í samkomulagsátt og að ekki þyrfti að koma til verkfalls.En eins og staðan er í dag þá er betra að reikna með að til verkfalls komi og eru trúnaðarmenn SFR og Sjúkraliðafélagsins ásamt öðrum félagsmönnum í verkfallsvörslu í startholunum. Félagsmenn SFR sem starfa hjá fyrirtækjum í Samtökum fyrirtækja í velferðarþjónustu eru því beðnir um að fylgjast vel með fréttum í kvöld.

14. maí 2014

Rafræn atkvæðagreiðsla um samning SFR og Reykjavíkurborgar lýkur á morgun

SFR félagar sem starfa hjá Reykjavíkurborg. Rafrænni atkvæðagreiðslu um kjarasamning lýkur á morgun fimmtudag 15. maí kl. 11. Upplýsingar um samning á heimasíðu SFR, kynnum okkur málin og tökum afstöðu.

12. maí 2014

Verkfallsvarsla hófst með fjölmennum fundi

Í morgun hófst verkfall félagsmanna SFR og SLFÍ sem starfa hjá fyrirtækjum sem eru í Samtökum fyrirtækja í velferðarþjónustu. Dagurinn hófst á afar vel sóttum opnum fundi á fyrstu hæðinni á Grettisgötunni en þar verður verkfallsmiðstöð í dag. Formenn félaganna hvöttu fundarfólk áður en það lagði af stað í hópum út á vinnustaðina í verkfallsvörslu.

11. maí 2014

Verkfall hefst á morgun

Síðustu samningafundir voru föstudaginn 9. maí og sunnudaginn 11. maí, þar sem reynt var til þrautar að ná samningum en án árangurs. Verkfall hefst því mánudaginn 12. maí kl. 08.00 til 16.00 hjá félagsmönnum SLFÍ og SFR - stéttarfélagi í almannaþjónustu, sem starfa hjá stofnununum innan Samtaka fyrirtækja í velferðarþjónustu.

Fyrirtæki og stofnanir innan SFV sem reknar eru fyrir opinbert fé og verkfallið nær til eru: Ás Hveragerði, Dalbær, Eir, Grund, Hlévangur, HNLFÍ, Hornbrekka, Hrafnista Reykjavík, Hrafnista Hafnarfirði, Hrafnista í Kópavogi, Hrafnista Reykjanesi, Kumbaravogur, Lundur, Mörk, SÁÁ, Sjálfsbjargarheimilið, Skjól, Skógarbær, Sóltún og Sunnuhlíð.

 

08. maí 2014

Kjarasamningur SFR við RARIK samþykktur

Kjarasamningur SFR og RARIK var samþykktur í dag með 71,43% greiddra atkvæða. Alls greiddu 28 atkvæði en 34 voru á kjörskrá. 71,43% þeirra sem tóku þátt sögðu Já, en 28,57% sögðu Nei.