Fréttir og greinar

09. desember 2021

Bakar sörur og gætir fanga

Victor hefur starfað sem fangavörður í 20 ár og fyrir þremur árum fór hann að starfa fyrir félagið, fyrst sem ritari og síðar sem formaður. Honum finnst félagið hafa verið í mikilli ládeyðu í tengslum við COVID-19 faraldurinn og að fangaverðir almennt ættu að standa þéttar saman um félagið og nýta það til að gæta að kjaramálum sínum og réttindum almennt.

08. desember 2021

Í fimmtíu ár á sama vinnustaðnum og ekki tilbúin að hætta

Þorbjörg Guðnadóttir Blandon starfar sem deildarstjóri á lánasviði hjá LSR og hefur starfað þar frá því 5. nóvember 1971 ...

07. desember 2021

Gagnrýnir stöðuna um jöfnun launa á milli markaða

Formaður Sameykis segir í leiðaragrein í 4. tbl. tímarits Sameykis: „ Um langa hríð hafa laun opinberra starfsmanna verið töluvert lægri heldur en laun á almennum markaði. Að meðaltali eru þau um 16,7 prósent lægri. Í umræðu áranna hafa ýmsir haldið því fram að það væri réttlátur munur því opinberir starfsmenn væru með svo rík réttindi í lífeyrisgreiðslum. Þegar kæmi að greiðslu lífeyris myndi jafnræði nást í ævitekjum vegna hærri lífeyrisgreiðslna til opinberra starfsmanna.“

07. desember 2021

Jöfnun launa milli markaða

Einn mikilvægasti þáttur í samskiptum manna er traust. Fjölmargir þættir í hinu daglega lífi byggja á því og við hegðum okkur og bregðumst við verkefnum dagsins í ljósi þess hversu vel við treystum samferðafólki okkar. Samskipti aðila á vinnumarkaði lúta sömu lögmálum. Í kjarasamningum og við framkvæmd þeirra verður að ríkja traust. Þannig verða samningsaðilar að geta átt í samskiptum sín á milli og unnið að verkefnum sem tengjast framkvæmd kjarasamninga í þeirri vissu að samningar séu virtir.

06. desember 2021

Það þarf baráttujaxla til að verja réttindin

Síðasta tölublað af tímariti Sameykis á árinu er komið í póst og áætlað er að það berist til félagsmanna í vikunni. Meðal efnis er viðtal við varaformann Sameykis, Ingibjörgu Sif Sigríðardóttur sem segir m.a. að Sameyki sé sterk heild en það þurfi bæði að sækja fram og standa vörð um þau réttindi sem þegar hafa náðst og til þess þurfi baráttujaxla. Ingibjörg Sif segir einnig að fræðsla félagsins sé mikilvægur þáttur í starfi þess og fólk þurfi að vera upplýst um að réttindi launafólks koma ekki af sjálfu sér.

06. desember 2021

STANZ - VERKFALLSVERÐIR!

Í tímriti Sameykis sem er á leið til félagsmann er umfjöllun um heimildamyndina Korter yfir sjö. Þar segir frá verkfallinu 1955 í Reykjavík sem var eitt harðvítugasta verkfall í sögu landsins. Verkalýðsfélögin lögðu áherslu á félagsleg réttindi en pólitískir straumar réðust oft af kalda stríðinu. Reykjavík var sett í herkví, hafnir lokaðar og vegatálmanir settar upp við alla vegi til borgarinnar með skiltum sem á stóð stórum stöfum STANZ - VERKFALLSVERÐIR. Í þessu verkfalli lagði verkalýðshreyfingin grunninn að því velferðarkerfi eins og við þekkjum það í dag.

06. desember 2021

Jákvætt að vinna heima en því getur fylgt einmanaleiki

Breytingar eru að verða á íslenskum vinnumarkaði vegna COVID-19. Félagsfólk Sameykis segir m.a. í viðhorfskönnun að minni streita og stress ásamt betri tímastjórnun fylgi því að vinna heima. Meðal neikvæðra þátta sem fram kom í viðhorfskönnun félagsmanna í Sameyki sem framkvæmd var af Ráðhúsinu fyrir stéttarfélagið má nefna að hreyfingu skorti ásamt einangrun og félagslegu samneyti. Þá kemur fram hjá 36 prósent félagsmanna að einmanaleiki fylgir því að vinna heima.

03. desember 2021

Formaður BSRB svarar áróðri Samtaka atvinnulífins

Formaður BSRB ritar pistil í dag þar sem hún svarar áróðri Samtaka atvinnulífsins sem halda því fram í fjölmiðlum að opinberir stafsmenn leiði launaþróunina á vinnumarkaðnum. Segir hún að Hagsmunasamtök fyrirtækja sem mörg hver greiða gríðarháar arðgreiðslur til eigenda sinna vilja telja okkur trú um að opinberir starfsmenn dragi þróttinn úr íslensku hagkerfi.

03. desember 2021

Áróður hagsmunasamtaka stórfyrirtækja

Hverjir eru þessir óteljandi opinberu starfsmenn sem sitja eins og baggi á íslensku þjóðinni? Að þessu spyrja Samtök atvinnulífsins, þó samtökin orði reyndar spurninguna með aðeins penni hætti. Þau spyrja hvernig standi á því að opinberum starfsmönnum fjölgi meðan launafólki á almennum vinnumarkaði fækki.

03. desember 2021

Lævís þau í leyni liggja

Sigurður Pétursson, sagnfræðingur fjallar um gul stéttarfélög á Íslandi og í sögulegu samhengi. Segir hann í grein sinni í 4. tbl. Sameykis sem fer í póst til félagsmanna eftir helgina að gul verkalýðsfélög séu félög sem eru stofnuð og starfa undir hæl atvinnurekenda, gera aldrei alvarlegan ágreining við eigendur fyrirtækja og afrita samninga annarra verkalýðsfélaga án þess að leggja nokkuð til baráttunnar.