Fréttir og greinar

28. ágúst 2019

Þokast þó örhægt sé

Samninganefnd BSRB fundaðu með samninganefnd ríkisins í dag og er það mat manna að þar hafi umræður þokast örlítið í rétta átt. Tvö stór mál voru helst til umræðu; vinnutíminn og breytingar á ávinnslu orlofsdaga en eins og fram hefur komið hafa ný lög tekið gildi og samkvæmt þeim má ekki mismuna fólki eftir aldri en fjöldi orlofsdaga hafa hingað til verið tengdir lífaldri.

26. ágúst 2019

Námskeið um lífeyrismál við starfslok

Boðið verður upp á námskeið um lífeyrismál við starfslok fyrir sjóðfélaga Brúar lífeyrissjóðs og Lífeyrissjóðs starfsmanna Reykjavíkurborgar miðvikudaginn 18. september næst komandi. Námskeiðið verður haldið í húsakynnum Brúar lífeyrissjóðs að Sigtúni 42, 2. hæð.

26. ágúst 2019

Tilboð óskast í þrjú sumarhús til brottflutnings

Til sölu eru þrjú sumarhús til brottflutnings. Húsin eru timburhús á einni hæð um 52 fm, hvert hús er stofa, borðstofa, eldhús, baðherbergi og þrjú svefnherbergi ásamt geymslu um 4 fm, palli, verönd og heitum potti. Húsin seljast í því ástandi sem þau eru nú og bjóða má í hvert fyrir sig.

23. ágúst 2019

Við leitum að liðsauka!

Langar þig að vinna að krefjandi verkefnum á skemmtilegum vinnustað? Sameyki óskar eftir að ráða sérfræðing á kjarasvið. Leitað er að öflugum og framsæknum einstaklingi sem hefur áhuga á kjara- og réttindamálum launafólks.

22. ágúst 2019

Viltu vera með?

Auglýst er eftir framboðum til fulltrúaráðs Sameykis. Kosið verður í fulltrúaráð Sameykis á fyrsta fundi trúnaðarmannaráðs sem verður haldinn 11. september 2019. Allir trúnaðarmenn sem hafa áhuga á að taka frekari þátt í starfi Sameykis og mótun stefnu félagsins eru hvattir til að bjóða sig fram í fulltrúaráð, bæði reynslumiklir trúnaðarmenn og nýkjörnir.

20. ágúst 2019

Norræna samningsmódelið og jafnréttismál til umfjöllunar á ráðstefnu í Danmörku

08. ágúst 2019

Kjaraviðræður að komast á fullan skrið

Í vikunni hafa samninganefndir Sameykis og Reykjavíkurborgar nú átt tvo daglanga fundi og viðræður því komnar aftur á fullt skrið eftir sumarleyfi. Sameyki leggur eftir sem áður mikla áherslu á styttingu vinnuvikunnar í kröfum sínum en auk þess er nú einnig verið að ræða aukinn hlut starfsþróunar og launaþáttinn. Enn ber nokkuð mikið á milli aðila en mikil lögð er áhersla á að ljúka samningum fyrir miðjan september. Í næstu viku munu samninganefndir Sameykis og ríkis hittast og þá hefjast kjaraviðræður við fulltrúa ríkisins.

08. ágúst 2019

LOKAÐ FYRIR RAFRÆNAR UMSÓKNIR

Ekki verður hægt að sækja rafrænt um styrki í sjóði Sameykis frá kl. 16 á morgun, fimmtudaginn 9. ágúst og til og með þriðjudeginum 13. ágúst vegna tæknilegra ástæðna. Við erum að ljúka við að sameina félagatöl St.Rv. og SFR og á meðan á því stendur verður ekki hægt að nota styrkjaumsóknir á Mínum síðum. Vinsamlegast hafið samband við skrifstofuna í síma 525 8330.

15. júlí 2019

SFV samþykkir innágreiðslu

Samtök fyrirtækja í velferðaþjónustu hafa skrifað undir yfirlýsingu þess efnis að greiða 105.000 innágreiðslu til starfsmanna þann 1. ágúst líkt og flestir viðsemjendur Sameykis höfðu gert fyrr. Þó er fyrirvari í yfirlýsingu þeirra um að þau fyrirtæki sem eru undir þessum samning hafi bolmagn til að greiða þessa upphæð.

09. júlí 2019

SFV hafnar samkomulagi

Eins og fram hefur komið gekk Sameyki frá samkomulagi um endurskoðaða viðræðuáætlun við stærstu viðsemjendur sína í byrjun mánaðarins. Samkomulagið felur í sér að aðilar stefni á að hafa náð samningum fyrir 15. september næstkomandi og fram að þeim tíma gildi friðarskylda. Þar sem langt er síðan gildistími síðustu kjarasamninga rann sitt skeið, urðu aðilar ásáttir um að innágreiðsla að upphæð 105.000 kr. verði greidd hverjum starfsmanni miðað við fullt starf. Upphæðin greiðist hlutfallslega miðað við starfstíma og starfshlutfall á tímabilinu frá og með 1. apríl 2019 til og með 30. júní 2019. Greiðslan kemur til útborgunar 1. ágúst 2019.