Heim

Fréttir og greinar

Fréttir og greinar

image for {title}

03. desember 2021

Formaður BSRB svarar áróðri Samtaka atvinnulífins

Formaður BSRB ritar pistil í dag þar sem hún svarar áróðri Samtaka atvinnulífsins sem halda því fram í fjölmiðlum að opinberir stafsmenn leiði launaþróunina á vinnumarkaðnum. Segir hún að Hagsmunasamtök fyrirtækja sem mörg hver greiða gríðarháar arðgreiðslur til eigenda sinna vilja telja okkur trú um að opinberir starfsmenn dragi þróttinn úr íslensku hagkerfi.

image for {title}

03. desember 2021

Áróður hagsmunasamtaka stórfyrirtækja

Hverjir eru þessir óteljandi opinberu starfsmenn sem sitja eins og baggi á íslensku þjóðinni? Að þessu spyrja Samtök atvinnulífsins, þó samtökin orði reyndar spurninguna með aðeins penni hætti. Þau spyrja hvernig standi á því að opinberum starfsmönnum fjölgi meðan launafólki á almennum vinnumarkaði fækki.

image for {title}

03. desember 2021

Lævís þau í leyni liggja

Sigurður Pétursson, sagnfræðingur fjallar um gul stéttarfélög á Íslandi og í sögulegu samhengi. Segir hann í grein sinni í 4. tbl. Sameykis sem fer í póst til félagsmanna eftir helgina að gul verkalýðsfélög séu félög sem eru stofnuð og starfa undir hæl atvinnurekenda, gera aldrei alvarlegan ágreining við eigendur fyrirtækja og afrita samninga annarra verkalýðsfélaga án þess að leggja nokkuð til baráttunnar.

image for {title}

02. desember 2021

Giggarar á vinnumarkaði

Í tímariti Sameykis sem borið verður út til félagsmanna eftir helgi er fjallað um giggara á íslenskum vinnumarkaði. Árelía Eydís Guðmundsdóttir dósent við Háskóla Íslands og Herdís Pála Pálsdóttir framkvæmdastjóri rekstrarsviðs og mannauðsstjóri hjá Deloitte á Íslandi sendu nýverið frá sér bókina Völundarhús tækifæranna. Þar fjalla þær um byltingu svonefndra giggara á vinnumarkaði eins og nú er í tísku að kalla verktaka. Í greininni er fjallað um þá hættu sem skapast fyrir verktaka sem starfa inn á stofnunum ríkis og sveitarfélaga án þess að greiða í sameiginlega sjóði launafólks hafi ekki nein réttindi á við vinnufélaga sem eru í ráðningarsambandi við vinnustaðinn.

image for {title}

02. desember 2021

Lífeyrir og hið opinbera

Gylfi Magnússon, prófessor við Háskóla Íslands fjallar um í grein sinni, B eða ekki B: Lífeyrir og hið opinbera, í nýjasta tímariti Sameykis um lífeyriskerfi opinberra starfsmanna. „Lífeyriskerfi opinberra starfsmanna á sér langa sögu og er mun eldra að stofni til en kerfið á almenna vinnumarkaðinum. LSR er rétt ríflega 100 ára, stofnaður í nóvember 1919. Hann hét í fyrstu Lífeyrissjóður embættismanna og eins og nafnið gefur til kynna þjónaði hann þá eingöngu þeim sem töldust embættismenn, þ.e. æðstu stjórnendum ríkisins. Þeir höfðu raunar haft nokkur eftirlaunaréttindi áður, sem þá voru greidd beint úr ríkissjóði. Ekkjur embættismanna höfðu einnig rétt á lífeyri.

image for {title}

01. desember 2021

Byrja að vinna klukkan fimm alla morgna

Braghildur S. Little Matthíasdóttir er formaður Félags heilbrigðisritara og starfar sem slíkur hjá LSH á sviði sem heitir sjúkra- og skjalaskrá. Hún er í viðtali í tímariti Sameykis sem fer í póst til félagsfólks mánudaginn nk. Félag heilbrigðisritara er fagfélag heilbrigðisritara og var stofnað árið 2005 að frumkvæði Guðríðar Guðbjörnsdóttur. Þar kynnumst við aðeins formanni félagsins og forvitnumst um ævi hennar og störf heilbrigðisritarans og áform fagfélagsins.

image for {title}

01. desember 2021

Bakar sörur og gætir fanga

Victor Gunnarsson er formaður Fangavarðafélags Íslands. Við spjöllum við hann í nýjasta tímariti Sameyki sem fer í póst til félagsfólks á mánudaginn kemur.

image for {title}

01. desember 2021

Verður aldrei samþykkt að þrengja að verkfallsréttinum

Sameyki er stærsta stéttarfélagið innan BSBR með um tólf þúsund félaga. Bandalagið sendi frá sér tilkynningu vegna stjórnarsáttmálans þar sem fram kemur að beittasta vopn launafólks fyrir betri kjörum er verkfallsrétturinn og Sameyki tekur undir með BSRB að það muni aldrei samþykkja að þrengt verði að honum. Einnig kemur fram í tilkynningu BSRB að það sé reiðubúið að taka þátt í samtali við nýja ríkisstjórn um skipulag vinnumarkaðarins og fyrirkomulagi kjarasamningsgerðar. Þá kallar BSRB m.a. eftir því í tilkynningunni að ríkisstjórnin standi vörð um opinbera heilbrigðiskerfið.

image for {title}

30. nóvember 2021

Skoðanakönnun Vörðu um stöðu launafólks á Íslandi

Sameyki hvetur alla félagsmenn til að taka þátt í könnun Vörðu um stöðu launafólks á Íslandi. Afar mikilvægt er að fá sjónarmið sem flestra til að niðurstöðurnar nýtist sem best við að móta og styðja við kröfur verkalýðshreyfingarinnar.

image for {title}

29. nóvember 2021

Umsóknir í Styrktarsjóði fyrir árið 2021

Allar umsóknir fyrir árið 2021 í Styrktar- og sjúkrasjóð Sameykis og Styrktarsjóð BSRB þurfa að berast í síðasta lagi 15. desember til að hægt sé að afgreiða þær fyrir áramótin. Ekki er hægt að ábyrgjast að umsóknir sem berast síðar falli inn á almanaksárið 2021.