Heim

Fréttir og greinar

Fréttir og greinar

image for {title}

20. september 2024

Svolítið eins og hellisbúar

Diana Skotsenko er fædd í Tallinn í Eistlandi. Hún ferðaðist hingað til lands með vinkonu sinni þegar hún var átján ára. Planið var að koma í sumarvinnu en svo æxluðust hlutirnir þannig að hún varð ástfangin eins og gengur og hefur búið á Íslandi síðan, í 24 ár. Diana starfar sem stuðningsfulltrúi og félagsliði hjá Reykjavíkurborg. Hún segist elska að ferðast um heiminn og nýtir hvert tækifæri sem gefst til að ferðast.

image for {title}

20. september 2024

Inngilding til efstu metorða

Joachim Chimezie Obika kom hingað til lands til að starfa á íslenskum vinnumarkaði. Hann segir að honum líði vel hér á landi og blandist samfélaginu ágætlega þrátt fyrir tungumálaörðugleika. Hann er menntaður lífefnafræðingur frá opinbera tækniháskólanum í Owerra í Nígeríu og útskrifaðist þaðan árið 2012.

image for {title}

19. september 2024

Krossgátan í Tímariti Sameykis vinsæl

Krossgátan og Sudoku þrautin er með föstum liðum í Tímariti Sameykis. Jafnan berast á annað hundrað lausnir frá félagsfólki sem freista gæfunnar. Dregið er út nafn með rafrænum hætti (lukkuhjóli) úr öllum innsendum svörum við gátunni.

image for {title}

19. september 2024

Sameyki og RÚV undirrita kjarasamning

Samninganefndir RÚV og Sameykis gengu frá fjögurra ára kjarasamningi í gær 18. september 2024. Gildistími samningsins er frá 1. mars 2024 til 1. febrúar 2028.

image for {title}

17. september 2024

Staða innflytjenda á íslenskum vinnumarkaði

Efnahags- og framfarastofnunin (OECD) framkvæmdi nýverið úttekt á stöðu innflytjenda á íslenskum vinnumarkaði. Er þetta fyrsta heildstæða megindlega rannsóknin á stöðu innflytjenda í íslensku samfélagi og í henni má finna töluvert af áður óséðum niðurstöðum. Hluti gagnanna sem stofnunin nýtti sér var fenginn frá Vörðu – Rannsóknastofnun vinnumarkaðarins, en kannanir Vörðu njóta þeirrar sérstöðu að ná einstaklega vel til innflytjenda.

image for {title}

17. september 2024

Mikilvægi inngildingar á vinnumarkaði í nútímasamfélagi

Töluvert er fjallað um útlendingamál í íslensku samfélagi og inngildingu þess stóra hóps á vinnumarkaðnum. Hingað til lands kemur útlent vinnuafl m.a. til að hjálpa við að reka opinbera þjónustu; í heilbrigðiskerfinu, menntastofnunum, heilsugæslu, samgöngum, öldrunarheimilum, þjónustu við fatlaða o.fl. Að auki starfa þúsundir fólks af útlendum uppruna á almennum vinnumarkaði í fjölbreyttum þjónustustörfum, í byggingariðnaði og að stórum hluta við ferðaþjónustu. Það blasir við að hér á landi er útlent vinnuafl nauðsynlegt til að halda við innviðum og halda uppi þjónustustigi á opinberum og almennum vinnumarkaði. Þjóðin eldist hraðar og það kallar á aukna þjónustu og öfluga innviði.

image for {title}

17. september 2024

Öll erum við eins þó við séum ólík

Ósk Hoi Ning Chow er fædd á Íslandi. Hún á íslenskan föður og kínverska móður. Hún segir að alla sína grunnskólagöngu hafi hún mátt þola einelti. Hún segist alltaf hafa kviðið fyrir matarhléum í grunnskólanum því börnin gerðu grín að matnum hennar sem foreldrar hennar útbjuggu handa henni í skólann. Hún segir að inngilding á vinnumarkaðnum og í samfélaginu þurfi að eiga sér meðvitað stað. Við séum þrátt fyrir allt öll eins þó við séum ólík.

image for {title}

17. september 2024

Finnur ekki fyrir útilokun hér

Maria Felisa Delgado Torralba er fædd og uppalin á Spáni en kom til Íslands að vinna fyrir um tveimur árum síðan. Hún dvaldi fyrst um sinn í Vestmannaeyjum og fór síðan til Reykjavíkur eftir að vinir hennar hvöttu hana til að fá starf sem hæfði menntun hennar betur.

image for {title}

17. september 2024

Inngildur Íslendingur – eða ekki?

Orðið inngilding er nýyrði í íslensku sem hefur vakið athygli og fólki hefur fundist það hljóma framandi. Í stuttu máli sagt þýðir orðið inngilding – að tilheyra án aðgreiningar og er fjallað um það annars staðar hér í tímaritinu. Í tilfelli samsetningar félagsfólks í Sameyki af ólíkum uppruna og kyni skiptir skilningur á hugtakinu inngilding á vinnumarkaðnum miklu máli. Ljóst er að félagsfólk í Sameyki af útlendu bergi brotið er vel á annað þúsund talsins og starfar það hjá ríki og hjá Reykjavíkurborg að stærstum hluta. Það hefur fjölbreyttan bakgrunn heimalandsins og því mun fjölga vegna aukinna þarfa þjóðarinnar á opinberri grunnþjónustu. Þá er þjóðin að breytast og fjölbreytileiki samfélagsins með.

image for {title}

17. september 2024

„Inngilding fagnar fjölbreytileikanum“

Miriam Petra Ómarsdóttir Awad er sérfræðingur á mennta- og menningarsviði hjá Rannís og er inngildingarfulltrúi Landsskrifstofu Erasmus+. Hún segir að orðið inngilding sé mjög gott vegna þess að það sé gagnsætt orð, og þýði að fólk sé viðurkennt eins og það er innan ákveðins hóps, hvort sem það er lítill hópur, vinnustaður eða samfélagið í heild.