Fréttir og greinar

06. júlí 2020

Teiknum okkar framtíð

Sameyki efndi til teiknimyndasamkeppni fyrir krakka á öllum aldri í tilefni af 1. maí undir yfirskriftinni Framtíðarvinnumarkaðurinn. Samkeppnin mun þó standa í allt sumar.

03. júlí 2020

Við vorum heppin

Í nýafstöðnu neyðarástandi vegna Covid-19 faraldursins stóðu opinberir starfsmenn svo sannarlega vaktina og þurftu margir hverjir að vinna undir miklu álagi. Við sjáum það skýrt á þessum viðsjárverðu tímum hvernig okkar fólk nýtir krafta sína og þekkingu til að halda uppi sterku velferðarkerfi. Um það snúast störfin sannarlega alla daga en það er hins vegar á tímum sem þessum að almenningur sér hversu mikilvæg störfin eru, hversu stórt hlutverk opinberra starfsmanna í að varðveita og halda utan um fólkið í landinu er í raun og veru. Það voru margir sem upplifðu miklar breytingar á sínum störfum meðan á þessu stóð og aukið álag eins og fram hefur komið í könnun BSRB. Í blaði Sameykis sem kom út á dögunum var birt viðtal við nokkra félagsmenn og fengum smá innsýn í það hvernig þeirra störf breyttust og hvernig þeim leið á meðan á neyðarástandinu stóð. Við munum birta þessi viðtöl hér á síðunni næstu daga.

02. júlí 2020

Rafræn félagsskírteini

Við höfum nú látið útbúa rafræn félagsskírteini Sameykis inn á Mínum síðum á vefnum og þar með falla gömlu skírteini SFR og St.Rv. sem einhverjir félagsmenn eiga enn úr gildi. Til þess að skoða félagsskírteinið þarf að fara inn á Mínar síður með rafrænum skilríkjum eða Íslykli og velja þar Mínar upplýsingar. Þar undir birtist félagsskírteini með nafni og kennitölu ásamt dagsetningunni. Dagsetningin er til að tryggja að ekki sé hægt að afrita mynd af skírteininu en hún breytist eftir því hvenær þú opnar skírteinið.

29. júní 2020

Skert starfshlutfall og tekjuskerðing í Covid

Stærstur hluti launafólks sem fór í skert starfshlutfall vegna COVID-19 faraldursins sótti um hlutabætur á móti skertu starfshlutfalli frá Vinnumálastofnun. Þetta kemur fram í könnun á áhrifum heimsfaraldursins á launafólk sem rannsóknarfyrirtækið Maskína vann fyrir BSRB og birt er á vef bandalagsins.

26. júní 2020

Deilunni vísað til sátta

Sameyki hefur vísað deilu félagsins við SFV (Samtök fyrirtækja í velferðarþjónustu) til ríkissáttasemjara og er fyrsti fundur aðila þar í dag. Deilan hefur staðið yfir nú í fimmtán mánuði. Það er von okkar á fundurinn í dag muni gefa okkur tilefni til meiri bjartsýni á að leysa málin en hingað til hefur hvorki gengið né rekið að sögn formanns Sameykis Árna Stefáns

26. júní 2020

Konur frekar heima í skertri þjónustu leikskóla

Rúmlega helmingur launafólks, um 52 prósent, áttu þess kost að vinna fjarvinnu vegna COVID-19 faraldursins samkvæmt könnun rannsóknarfyrirtækisins Maskínu fyrir BSRB sem birt er á vef bandalangsins. Mikill munur var á svörum fólks eftir búsetu. Þannig sögðust 61 til 63 prósent íbúa höfuðborgarsvæðisins hafa átt þess kost að vinna fjarvinnu en tæplega 35 prósent íbúa utan höfuðborgarsvæðisins.

25. júní 2020

Stærðin hefur hjálpað okkur - viðtal við formann Sameykis

Liðinn vetur var með þeim annasamari hjá félaginu. Ný sameinað félag lagði af stað í kjarasamningsgerð stuttu eftir að það leit dagsins ljós og samningaviðræðurnar urðu langar og strangar og lauk ekki fyrr en með verkfallsboðun 8000 félagsmanna ári síðar. Þá er ónefnt ástandið í samfélaginu sem kjarasamningarnir voru undirritaðir í. Stuttu fyrir undirskrift var eins og kunnugt er lýst yfir neyðarástandi í landinu vegna lífshættulegs heimsfaraldurs. Ástandið var svo alvarlegt að forstjóri Landspítala og hans fólk sáu ástæðu til að funda með fulltrúum í undanþágunefndum til þess að tryggja að allir gerðu sér grein fyrir alvarleika málsins, enda eru þeir rúmlega þúsund félagsmenn Sameykis sem starfa á spítalanum mikilvægir í þeirri neyðarþjónustu sem þar fer fram. Félagið tók strax þá afstöðu að veita undanþágur vegna alvarleika málsins en fulltrúar samninganefndanna upplifðu að bitið í verkfallsvopninu væri smátt og smátt að hverfa. Þrátt fyrir að faraldurinn hafi haft margvísleg áhrif á síðustu vikur kjarabaráttunnar, meðal annars þannig að aflýsa þurfti sameiginlegum baráttufundi BSRB félaganna, þá var samstaðan mikil og baráttuandinn sterkur. Loks náðust svo samningar aðfaranótt mánudagsins 9. mars en þá var skrifað undir samning við ríki, Reykjavíkurborg og Samband íslenskra sveitarfélaga. Allir þessir samningar voru síðan samþykktir af félagsmönnum með góðum meirihluta.

24. júní 2020

Af ferðaávísunum

Nú hefur salan á nýju ferðaávísuninni farið vel af stað og margir farnir að nýta sér þau frábæru tilboð sem þar eru. Við biðjum hins vegar afsökunar á því að vefurinn var settur upp afar hratt og eins og gengur hafa nokkrir agnúar verið að koma í ljós. Við höfum í samstarfi við umsjónarmenn orlofsvefsins og ferðaávísunarinnar verið að taka við athugasemdum síðustu daga og reynt að laga jafnóðum. Við biðjum alla sem lenda í einhverjum vandræðum að hafa samband við okkur í síma 5258330 eða gegnum sameyki@sameyki.is

24. júní 2020

Ánægja með LSR

Í nýlegri rannsókn Gallup kemur fram mikil ánægja með LSR hjá sjóðfélögum. Í samanburði við aðra lífeyrissjóði treysta sjóðsfélagar LSR sínum sjóði betur. Þetta á sérstaklega við þegar kemur að trausti til núverandi stjórnenda. Þá eru sjóðfélagar sérlega ánægðir með hversu mjög LSR ber hag sjóðfélaga fyrir brjósti. Einnig var sérstök ánægja með maka, barna- og örorkulífeyrinn.

22. júní 2020

Til hamingju með áfangann! Útskriftarhópur í diplómanámi í opinberri stjórnsýslu

Laugardaginn 20. júní urðu þau tímamót að 23 starfsmenn ríkisins útskrifuðust úr diplómanámi í opinberri stjórnsýslu frá Háskólanum á Bifröst.