Heim

Fréttir og greinar

Fréttir og greinar

image for {title}

08. febrúar 2019

Páskaúthlutun innanlands

Umsóknarfrestur vegna úthlutunar orlofshúsa um páska er til 3. mars. Dögunum í kringum páska er skipt í þrjú tímabil Með þessu móti tvöfaldast páskatímabilið og fleiri njóta. Páskatímabilinu er úthlutað með sama hætti og áður, þ.e. fyrrum SFR félagar hafa einungis aðgang að húsum SFR. Sameining orlofskerfisins tekur lengri tíma en svo að okkur takist að ljúka henni fyrir páska.

image for {title}

07. febrúar 2019

Leiðrétting á stóru skattatilfærslunni

Sanngjörn dreifing skattbyrðar var yfirskrift mjög áhugaverðs morgununverðarfundar sem Efling stéttarféla stóð fyrir. Stefán Ólafsson og Indriði H. Þorláksson hafa unnið skýrslu fyrir Eflingu stéttarfélag. Þeir kynntu mjög raunhæfar leiðir til þess að leiðrétta stóru skattatilfærsluna sem hefur átt sé stað á síðustu 20 árum án þess að veikja velferðarkerfið.

07. febrúar 2019

Lækkun félagsgjalds

Þann fyrsta febrúar síðast liðinn tóku í gildi breytingar á félagsgjaldi samkvæmt ákvörðun aðalfundar Sameykis. Félagsgjaldið er nú 1%. Sú breyting tók gildi 1.2.2019.

image for {title}

07. febrúar 2019

Borgarstjóra afhent formlegt bréf

Borgarstjóri tók við bréfi úr höndum þeirra Árna Stefáns Jónssonar formanns Sameykis og Garðars Hilmarssonar varaformanns síðdegis í gær en í bréfinu er m.a. formleg tilkynning þess efnis að sameining SFR stéttarfélags og Starfsmannafélags Reykjavíkurborgar sé nú orðin að veruleika. Hið sameinaða félag fer nú með samningsaðild fyrir fyrrum félagsmenn SFR og St.Rv og hefur yfirtekið réttindi og skyldur samkvæmt kjarasamningum stéttarfélaganna við viðsemjendur þeirra og mun framvegis annast kjarasamningsgerð fyrir þeirra hönd.

image for {title}

06. febrúar 2019

Formenn Sameykis hitta forsætisráðherra

Formaður Sameykis Árni Stefán Jónsson og Garðar Hilmarsson varaformaður Sameykis hittu Katrínu Jakobsdóttur forsætisherra og afhentu henni formlega bréf þar sem segir m.a. að sameining SFR stéttarfélag og Starfsmannafélags Reykjavíkurborgar hafi gengið í gegn.

image for {title}

06. febrúar 2019

Fyrsti stjórnarfundur Sameykis

Fyrsti fundur stjórnar Sameykis stéttarfélags í almannaþjónstu var haldinn í gær. Á fundinum var skipað í embætti ritara og skipaðir voru fulltrúar félagsins í nefndir á vegum BSRB. Fjallað var um kjaramál og stöðuna í komandi kjarasamningum, kynnt voru orlofskostir sameinaðs félags fyrir stjórnarmönnum og tekin ákvörðun um orlofskerfi sem á að nota. Formaður orlofsnefndar verður Ólafur Hallgrímsson og Ingunn H. Þorláksdóttir varaformaður fyrra árið og svo skipta þau um hlutverk á seinna árinu.

image for {title}

31. janúar 2019

Laus íbúð á Spáni í apríl

Úthlutun orlofshúss og íbúðar á Spáni fyrir páskana er nú lokið. Laust er 11 daga tímabil í penthouse íbúðinni í Los Arenales de Sol frá 6.-17. apríl og kostar það 75.000 kr og 40 punkta.

image for {title}

31. janúar 2019

Vefsíða Sameykis

Við höfum sett í loftið vefsíðu undir léninu www.sameyki.is. Síðan sjálf er enn í vinnslu en þetta er gert fyrir þá sem vilja finna Sameyki á vefnum. Í gegnum þessa vefsíðu er hægt að velja tengla inn á gömlu síður félaganna og finna ög félagsins. Lénin www.sfr.is og www.strv.is verða að sjálfsögðu enn vel virkandi og spræk alveg þar til við búin að færa allt efni á milli og útbúa nýja síðu fyrir Sameyki.

image for {title}

30. janúar 2019

Viðræðuáætlun við Reykjavíkurborg undirrituð

Formaður og varaformaður Sameykis stéttarfélags í almannaþjónustu skrifuðu undir viðræðuáætlun við Reykjavíkurborg í morgun. Um er að ræða fyrstu formlegu undirritunina í nafni Sameykis en búist er við því að viðræðurnar hefjist fljótlega. Búið er að boða til fyrsta fundar samninganefnda en Garðar Hilmarsson varaformaður Sameykis verður formaður samninganefndar Sameykis í samningum við Reykjavíkurborg.

image for {title}

29. janúar 2019

Með lögum skal félag byggja

Ný lög Sameykis stéttarfélags voru samþykkt síðast liðinn laugardag. Lögin má finna hér að neðan og hvetjum við félagsmenn okkar til þess að kynna sér þau. Helst er að nefna að trúnaðarmannaráð og fulltrúaráð félaganna eins og við þekktum þau taka breytingum á þann veg að trúnaðarmenn á vinnustöðum sem nú gæti orðið allt að 350-400 talsins mynda trúnaðarmannaráð. Það mun funda að lágmarki tvisvar á ári samkvæmt lögunum. Fulltrúaráð er hins vegar skipað stjórn félagsins, formönnum sjóða og 90 fulltrúum sem kosnir eru af trúnaðarmannaráði. Í lögunum eru sérstök ákvæði þar sem þess er gætt að fulltrúarnir komi frá ákveðnum landshlutum og þeir séu einnig fulltrúar þeirra sem heyra undir alla kjarasamninga félagsins. Núverandi trúnaðarmannaráð SFR og fulltrúaráð St.Rv. skal hins vegar starfa áfram þar til kosning um nýja trúnaðarmenn fer fram í maí 2019 og næstkomandi haust verður síðan kosning í fulltrúaráð Sameykis.