Heim

Fréttir og greinar

Fréttir og greinar

23. nóvember 2015

Nýr samningur við RARIK

Gengið hefur verið frá samningi við RARIK en gildistími hans er 1. mars 2015 til 31. desember 2018. Samninginn má skoða hér.

20. nóvember 2015

Kjarasamningur við Samband íslenskra sveitarfélaga undirritaður

IMG_1118Rétt í þessu undirrituðu fulltrúar SFR, St.Rv. og bæjarstarfsmannafélaganna innan BSRB kjarasamning við Samband íslenskra sveitarfélaga. Samningurinn er á svipuðum nótum og þeir samningar sem gerðir hafa verið á opinberum vinnumarkaði undanfarið og tekur mið af því rammasamkomulagi sem aðilar vinnumarkaðarins gerðu í október síðast liðinn. Gildistími samningsins er frá 1. maí 2015 til 31. mars 2019 og verður kynntur félagsmönnum strax eftir helgi. Hér má nálgast samninginn.

20. nóvember 2015

4G í Munaðarnesi

Nýlega voru settir upp svokallaðir 4G routerar í öll hús í Munaðarnesi. Leiðbeiningar um það hvernig dvalargestir bera sig að við að kaupa áskrift verða í húsunum.

 

18. nóvember 2015

Kynningarfundur um kjarasamning SFR og Reykjavíkurborgar

Kynningarfundur um kjarasamning SFR og Reykjavíkurborgar verður haldinn að Grettisgötu 89, 1. hæð mánudaginn 23. nóvember kl 16:00. Félagsfólk SFR sem starfar hjá Reykjavíkurborg er hvatt til að koma og kynna sér efni samningsins.

18. nóvember 2015

Nýr samningur SFR og Reykjavíkurborgar

20151118_142720-1Nýr kjarasamningur milli SFR og Reykjavíkurborgar var undirritaður rétt í þessu í húsnæði sáttasemjara. Samningurinn gildir frá 1. maí 2015 til lok mars 2019 og er á svipuðum nótum og kjarasamningur Starfsmannafélags Reykjavíkurborgar og borgarinnar sem undirritaður var í síðustu viku. Næstu daga verður innihald samningsins kynnt og að því loknu fer hann í atkvæðagreiðslu.

18. nóvember 2015

Kjaraviðræður í fullum gangi

Kjarasamningsviðræður á milli samningsaðila eru enn í fullum gangi, en SFR gerir kjarasamning við alls 8 aðila. Einungis tveir samningar eru í höfn, þ.e. samningur við Ríki og Isavia en viðræður við aðra aðila eru komnar vel af stað. Í gær funduðu samninganefndir SFR og fulltrúar Samtaka fyrirtækja í velferðarþjónustu vegna kjaraviðræðna. Á þessari stundu situr samninganefnd SFR á fundi með samninganefnd Reykjavíkurborgar og síðar í dag verður fundað með samninganefnd RARIK. Hægt þokast í þessum viðræðum öllum en fram á veginn þó.

17. nóvember 2015

SFR 76 ára

SFRlogo_midjad minnaSFR stéttarfélag var stofnað 17. nóvember á því herrans ári 1939 og fagnar því 76 ára afmæli sínu í dag. Á 75 ára afmælinu í fyrra efndum við til kjararáðstefnu. Í ár verða engin veisluhöld en full ástæða engu að síður til að brosa til samstarfsfólksins og fagna þannig þessum góðu árum sem félagið hefur dafnað og vaxið. Eins og einhverjir vita þá voru stofnfélagarnir SFR einunigs 142 talsins og störfuðu þeir á 20 ríkisstofnunum í bænum. Fyrir þá sem eru áhugasamir um söguna má lesa hér aðeins meira.

17. nóvember 2015

Grunnnám trúnaðarmanna

IMG_0601 (Copy)Nú stendur yfir grunnnámskeið fyrir trúnaðarmenn SFR og St.Rv. þar sem þátttakendur læra m.a. að lesa sig í gegnum kjarasamningana og lögð eru fyrir dæmi sem þeir þurfa að leysa. Grunnnámskeiðið er haldið af SFR og St.Rv. og ætlað nýjum trúnaðarmönnum.

16. nóvember 2015

Kjarasamningur SFR og ríkis samþykktur

Kjarasamningur SFR og ríkisins sem undirritaður var 28. október síðastliðinn hefur verið samþykktur með yfirgnæfandi meirihluta. Atkvæðagreiðslu lauk nú um hádegið. Já sögðu 92,36% eða 2213. Nei sögðu 139 eða 5,8%. Alls greiddu 2396 atkvæði um samninginn eða rúmlega 60%.

 

10. nóvember 2015

Sjúkraliðar samþykkja kjarasamning

Samningur Sjúkraliðafélags Íslands og ríkisins hefur verið samþykktur með 96,25% atkvæða. Þátttaka í atkvæðagreiðslunni var 59,9%. Enn stendur yfir atkvæðagreiðsla um samning SFR og ríkisins og eru félagsmenn SFR sem enn eiga eftir að kjósa hvattir til þess að gera það.