Fréttir og greinar

22. júní 2015

Blað stéttarfélaganna á leið í póst

Júní hefti Blaðs stéttarfélaganna er nú á leið í póst til félagsmanna. Í blaðinu eru kynntar niðurstöður könnunarinnar um Stofnun ársins bæði hjá SFR og St.Rv. og fjórir verðlaunavinnustaðir eru heimsóttir, þ.e. Grafarvogssundlaug, Héraðsdómur Suðurlands, Félagsmiðstöðin Frostaskjól og Minjastofnun. Þar er einnig birt umfjöllun um viðverustefnu Reykjavíkurborgar og Guðmundur Hörður fyrrverandi formaður Landverndar ritar afar áhugaverða greið um auðlindir þjóðarinnar og skiptingu arðsins af þeim.

19. júní 2015

júní - Til hamingju með daginn allir jafnréttissinnar

SFR stéttarfélag óskar öllum félagsmönnum og fjölskyldum þeirra til hamingju með 19. júní, en í dag er haldið upp á það að fyrir 100 árum öðluðust konur 40 ára og eldri kosningarétt og kjörgengi til alþingis. Margvísleg hátíðarhöld verða um land allt í dag, en nánar má sjá dagskrána á www.kosningarettur100ara.is

19. júní 2015

Skrifstofa SFR lokuð í dag eftir hádegi í tilefni dagsins

SFR veitir starfsmönnum félagsins tækifæri til að taka þátt í hátíðarhöldunum í tilefni af 100 ára kosningarafmæli kvenna og er skrifstofan því lokuð í dag 19. júní eftir hádegi.

Til hamingju með daginn.

17. júní 2015

Gleðilega þjóðhátíð kæru félagsmenn

SFR stéttarfélag í almannaþjónustu óskar öllum félagsmönnum og fjölskyldum þeirra gleðilegrar þjóðhátíðar.

15. júní 2015

SFR og 19. júní

SFR stéttarfélag í almannaþjónustu hvetur stjórnendur stofnana og fyrirtækja til þess að gefa konum frí frá hádegi þann 19. júní í tilefni 100 ára afmæli kosningaréttar kvenna. Skrifstofa SFR verður því lokuð frá kl. 12 föstudaginn 19. júní.

15. júní 2015

Ályktun BSRB um lög á verkföll

Stjórn BSRB hefur sent frá sér ályktun þar sem lagasetningu stjórnvalda á verkfallsaðgerðir BHM og Félags íslenskra hjúkrunarfræðinga er mótmælt.

Stjórn BSRB bendir á að í samningaviðræðum síðustu vikna hefur samninganefnd ríkisins talið sig bundna af ákvæðum í nýgerðum samningum á almennum markaði. Sú afstaða ríkisins hefur því skert samningsfrelsi BHM og Félags íslenskra hjúkrunarfræðinga. Nú þegar stjórnvöld hafa ákveðið að koma í veg fyrir frekari verkfallsaðgerðir umræddra félaga með lögum hefur samningsstaða BHM og Félags íslenskra hjúkrunarfræðinga versnað enn frekar.

02. júní 2015

Kjaraviðræðum vísað til sáttasemjara

Samninganefndirnar þrjar fyrir utan skrifstofu sat Samninganefnd SFR stéttarfélags í almannaþjónustu, Sjúkraliðafélags Íslands og Landssambands lögreglumanna ákvað á fundi sínum í gær að vísa viðræðum um endurnýjun kjarasamninga SFR, SLFÍ og LL við fjármálaráðherra til ríkissáttasemjara. Samningsaðilar hafa fundað síðan í mars og telja fulltrúar samninganefndar félaganna fullreynt að ná samningi á milli aðila án milligöngu ríkissáttasemjara. Eins og kunnugt er lögðu félögin þrjú fram sameiginlega kröfugerð í mars síðastliðinn, en þau eru stærstu félögin innan BSRB sem semja við ríkið og hópurinn sem samið verður fyrir telur rúmlega 5200 manns.

26. maí 2015

Orlofsuppbót greidd 1. júní

Þar sem kjarasamningar eru nú lausir og ekki hefur enn verið samið mun orlofsuppbótin verða sú sama og í fyrra. Upphæðin er 39.500 kr. fyrir alla hópa SFR félaga og er greidd hlutfallslega miðað við starfshlutfall og starfstíma. Orlofsuppbótin skal greidd út 1. júní ár hvert til þeirra starfsmanna sem eru í starfi til 30. apríl næst á undan.

26. maí 2015

Hvernig búum við til fjölskylduvænna samfélag?

Jafnréttisnefnd BSRB boðar til morgunverðarfundar þriðjudaginn 2. júní nk. kl. 8:30-10:00 undir yfirskriftinni: Hvernig búum við til fjölskylduvænna samfélag?

22. maí 2015

SFR styrkir verkfallssjóð BHM og lýsir yfir stuðningi við verkfallsaðgerðir

Á fjölmennum fundi félagsmanna BHM nú í hádeginu afhenti Árni Stefán Jónsson formaður SFR bandalaginu 15 milljónir króna úr Vinnudeilusjóði félagsins og sýndi með því samstöðu SFR við félagsmenn BHM sem verið hafa í verkfalli undanfarnar vikur. Árni Stefán las upp og afhenti síðan Þórunni Sveinbjarnardóttur formanni BHM bréf þar sem SFR lýsir yfir stuðningi við bandalagið í þeirri harkalegu kjarabaráttu sem nú stendur yfir. Nokkur hundruð félagsmenn BHM voru á fundinum og fögnuðu orðum Árna Stefáns ákaft og Þórunn þakkaði fyrir þann kærkomna peningastuðning sem þarna var veittur og þeim mikla samhug sem honum fylgir.