Fréttir og greinar

10. september 2014

Harðari áherslur í fjárlagafrumvarpi ríkisstjórnarinnar

Fjárlagafrumvarp ríkisstjórnarinnar var kynnt í gær en þar koma fram helstu áherslur stjórnarinnar fyrir næsta ár. Árni Stefán Jónsson formaður SFR stéttarfélags í almannaþjónustu, er meðal þeirra sem eru ekki hrifnir af því sem þar birtist.

„Hér er augljóslega á ferðinni frumvarp sem boðar nýjar og harðari áherslur. Litla manninum og þeim sem minna mega sín er hér hreinlega ýtt til hliðar m.a. með niðurskurði til Vinnumálastofnunar og ekki síst með hækkunum á virðisaukaskatti á mat- og nauðsynjavöru,“ segir Árni Stefán Jónsson formaður SFR stéttarfélag í almannaþjónustu um fjárlagafrumvarp ríkisstjórnarinnar sem kynnt var í gær.

10. september 2014

Fjárlagafrumvarpið – stefna stjórnvalda um skipulagsbreytingar og umbætur í ríkisrekstri

Alma Lísa Jóhannsdóttir, ráðgjafi hjá SFR skrifar:

Fjármálaráðherra Bjarni Benediktsson sagði í fréttum Ríkisútvarpsins í morgun að Ísland væri ekki að færast frá Norðurlöndunum þrátt fyrir að hlutur samneyslunnar af vergri þjóðarframleiðslu fari undir þau mörk sem þekkist á hinum Norðurlöndunum. Þá kom einnig fram að fjármálaráðherra telur þjónustustig og gæði þjónustunnar á Íslandi vera eins og best getur.

Engu að síður boðar fjárlagafrumvarpið stórfelldar breytingar. Verkefni stjórnvalda breytast svo sannarlega. Leiðin sem hér er valin til þess að leysa þær áskoranir sem bíða okkar er kerfisbreyting. Fjármálaráðherra vill láta einkamarkaðinn sjá um velferðar- og heilbrigðisþjónustuna.

08. september 2014

Leikur á fésbók SFR

Nú er farinn af stað leikur á fésbók síðu SFR þar sem félagsmönnum og öðrum áhugasömum gefst kostur á að líka við og deila síðunni. Markmiðið er auðvitað fyrst og fremst að auka umferð um síðuna og bæta þannig upplýsingamiðlun okkar enn frekar.

05. september 2014

Atkvæðagreiðsla um kjarasamning Áss - frestur til 11. sep.

Þessa viku hefur staðið yfir atkvæðagreiðsla um nýjan kjarasamning SFR og Ás styrktarfélags. Þátttaka hefur verið mjög dræm og því hefur verið ákveðið af framlengja atkvæðagreiðsluna fram til kl. 11:00 fimmtudaginn 11. sept.

Nýr kynningarfundur um samninginn verður haldinn í Lyngási mánudaginn 8. september kl. 15:15. Við hvetjum ykkur til að koma á fundinn og til að að nýta ykkur atkvæðisréttnn en mjög mikilvægt er að ná góðri kosningu svo hún verði örugglega gild. Atkvæðagreiðslan er rafræn og því er smellt hér og sett inn lykilorð sem félagsmenn fengu sent í bréfapósti.

04. september 2014

Fjölbreytt námskeiðsflóra haustsins hjá Starfsmennt

Í nýju veffréttabréfi Fræðslusetursins Starfsmenntar er námskeiðsflóra haustsins kynnt en hún er að venju fjölbreytt og flestir ættu að finna þar eitthvað fróðlegt sem nýtist í starfi. Boðið er upp á löng og stutt námskeið um allt land og búnir til heilu stofnanaskólarnir í samstarfi við stjórnendur og starfsfólk. Þjónustan miðar að því að gera vinnustaðinn betri með markvissri starfstengdri símenntun og ráðgjöf um eflingu mannauðs. Hér má sjá nýjustu auglýsingu Starfsmenntar um hvaða starfshæfni er lögð áhersla á, með hvaða starfsgreinum er unnið og hvernig stofnanaskólar eru hannaðir.

03. september 2014

Fræðslufundur vegna starfsloka

BSRB heldur fræðslufund vegna starfsloka 23. sep. 2014 kl. 13:30-16:30 í húsnæði BSRB Grettisgötu 89, 1. hæð. Á fundinn mæta m.a. fulltrúar frá Lífeyrissjóði starfsmanna ríkisins og Lífeyrissjóði starfsmanna sveitarfélaga auk fulltrúa frá Tryggingastofnun en nánari dagskrá verður auglýst síðar. Skráning á netfangið: johanna@bsrb.is og í síma 525 8306, en fundurinn er opinn öllum félagsmönnum aðildarfélaga innan BSRB sem eru að nálgast starfslok eða eru nýlega hættir störfum.

01. september 2014

Atkvæðagreiðsla um kjarasamning Ás - frestur framlengdur

Búið er að framlengja frest til kl. 11 fim. 4. sept. til að greiða atkvæði um kjarasamning SFR og Áss. Við hvetjum félagsmenn SFR hjá Ás til að kynna sér efni kjarasamningsins hér og greiða atkvæði sem fyrst. Atkvæðagreiðslan er rafræn og því er smellt hér og sett inn lykilorð sem félagsmenn fengu sent í bréfapósti.

27. ágúst 2014

Nýr og glæsilegur sparkvöllur í Munaðarnesi

Nýr og glæsilegur sparkvöllur var tekinn í notkun í Munaðarnesi í sumar til afnota fyrir gesti sumarhúsanna. Völlurinn er með gervigrasi og er staðsettur rétt við þjónustumiðstöðina við hlið mini golfvallarins.

Miklar endurbætur hafa nýlega verið gerðar á flestum húsum SFR í Munaðarnesi. Hús SFR í Bjarkarási og Vörðuási eru nýuppgerð og hafa fengið einróma lof hjá félagsmönnum. Seinnipart september verða síðan tvö hús við Stekkjarhól tekin í notkun og þegar hefur verið hafist handa við að endurbyggja tvö til viðbótar við Stekkjarhólinn. Það er síðasti áfanginn í endurbyggingunni og að honum loknum hafa öll hús SFR fengið andlitslyftingu svo um munar.

21. ágúst 2014

Kjarasamningur SFR og Ás styrktarfélags - Kynningarfundur og atkvæagreiðsla

Kynningarfundur um kjarasamning SFR og Ás styrktarfélags sem skrifað var undir 3. júlí sl. verður haldinn í Bjarkarási Stjörnugróf 9 á mánudaginn 25. ágúst kl 16:30.

18. ágúst 2014

Greiðslur starfsmenntunar- og starfsþróunarstyrkja

Samþykktar umsóknir um starfsmenntun/starfsþróun, þar sem fullnægjandi gögnum hefur verið skilað, verða greiddar út á morgun 19. ágúst. Næsti fundur stjórnar Starfsmenntunarsjóðs verður mánudaginn 15. september.