Fréttir og greinar

12. janúar 2015

Trúnaðarmannanámskeið

Trúnaðarmannanámskeið BSRB og Félagsmálaskóla alþýðu heldur áfram í upphafi næsta mánaðar. Byrjað verður að kenna fyrsta námskeið á 1. þrepi Trúnaðarmannanámsins þann 2. febrúar nk. Kennt verður í þrjá daga frá 2. til 4. febrúar á milli kl. 9-15:45.

09. janúar 2015

Úthlutunarreglur styrktar og sjúkrasjóðs endurskoðaðar

Úthlutunarreglur Styrktar og sjúkrasjóðs SFR voru endurskoðaðar núna um áramótin. Helstu breytingarnar eru þær að sjúkraþjálfun og nudd hækkar upp í 2.000 kr. skiptið í stað 1.500 kr. og núna er hægt að sækja um styrk vegna linsukaupa. Þá var fjöldi daga sem styrktur er á Heilsustofnun NFLÍ fjölgað upp í 28, var áður 20...

07. janúar 2015

Námskeið í stjórnsýslurétti fyrir starfsmenn ríkisstofnana

Sex vikna námskeið í stjórnsýslurétti verður haldið 26. janúar til 4. mars. Í ellefta skiptið bjóða forsætisráðuneytið og Reykjavíkurborg í samvinnu við Stofnun stjórnsýslufræða og stjórnmála upp á sex vikna námskeið um stjórnsýslulögin og stjórnsýslurétt fyrir þá starfsmenn ríkisins og starfsmenn sveitarfélaga, sem koma að meðferð mála og undirbúningi ákvarðana í stjórnsýslunni.

30. desember 2014

Breytingar á úthlutunarreglum starfsmenntunarsjóðs

Stjórn Starfsmenntunarsjóðs SFR hefur gert breytingar á úthlutunarreglum sjóðsins og taka þær gildi 1. janúar 2015. Meginbreytingarnar eru að núna þarf 5 ára félagsaðild í stað 8 ára aðildar til að eiga rétt á kr. 140.000 á tveggja ára tímabili. Einnig er núna hægt að fá 100% kostnaðar greitt í stað 80%, nema þegar um er að ræða lífsleikninámskeið, þá gildir áfram 50% reglan. Námskeið til starfsréttinda án beinnar tengingar við starf hækkar í kr. 100.000 úr kr. 60.000. Þá bætist við heimild til að sækja um ferðastyrk að hámarki kr. 30.000 vegna náms sem ekki er hægt að sækja í heimabyggð.

23. desember 2014

Opnunartími skrifstofunnar yfir jól og áramót

Stjórn og starfsfólk SFR óskar félagsmönnum og öllum landsmönnum gleðilegra jóla. Skrifstofa SFR verður opin á venjulegum tíma kl 9:00-16:00 á milli jóla og nýárs, en lokað verður að morgni aðfangadags og gamlársdags.

22. desember 2014

Heildarkerfi starfsendurhæfingar í hættu

Í frétt á vef VIRK er sagt frá því að stjórn VIRK - Starfsendurhæfingarsjóðs hafi sent Eygló Harðardóttur, félags- og húsnæðismálaráðherra, bréf þar sem kemur fram að afgreiðsla fjárlaga 2015 hafi staðfest ásetning ríkisstjórnarinnar að standa ekki við lög og samninga við aðila vinnumarkaðarins um uppbyggingu starfsendurhæfingar og fjármögnun á VIRK og verði til þess að eitt heildarkefi atvinnutengdrar starfsendurhæfingar verði ekki lengur fyrir hendi.

15. desember 2014

Vel heppnað jólaball SFR og St.Rv.

IMG_8610 (Copy) Á laugardag var haldið afar fjölmennt og vel heppnað jólaball SFR og St.Rv. í Gullhömrum. Jólaballið sóttu rúmlega 400 manns, börn og fullorðinir. Þangað komu þrír jólasveinar og dönsuðu kringum jólatréð við mikla hrifningu barnanna.

Myndirnar tala sínu máli.

09. desember 2014

Jólin, jólin koma brátt... og vorönnin hjá Starfsmennt líka

jól 2780587_smennt_jol_2008_180x140_pix Í nýútkomnu fréttabréfi Starfsmenntar kemur fram að nú á næstu vikum er kjörið að huga að námi á nýju ári og skoða hvað verður í boði hjá Fræðslusetrinu Starfsmennt á vorönninni. Skráningarsíður fyrir öll námskeið hafa verið settar upp og ekkert því til fyrirstöðu að skoða úrvalið og skrá sig. Setrið er einnig í samstarfi við nokkra skóla um hagnýtar námsleiðir sem efla fagmennsku og möguleika á spennandi starfsþróun. Þeir sem vilja nýta sér það þurfa að hafa hraðar hendur þar sem umsóknarfrestur rennur yfirleitt út nokkru fyrir jól.

04. desember 2014

SFR styrkir gott málefni

Stjórn SFR ákvað á fundi sínum nýverið að í stað þess að senda jólakort þá myndi félagið styrkja góð málefni, en þessi háttur var einnig hafður á í fyrra. Fulltrúar Samhjálpar og Hjálparstarfs kirkjunnar, þeir Bjarni Gíslason og Vörður Leví Traustasson komu af þessu tilefni og tóku við styrkjum frá félaginu, það var Árni Stefán Jónsson formaður SFR sem afhenti styrkina.

03. desember 2014

Jólafundur trúnaðarmanna

Jólafundur trúnaðarmanna var haldinn í vikunni og að venju var slegið á örlítið léttari strengi en venjulega. Þar hélt séra Bjarni Karlsson erindi um það hvað væri kynferðislega aðlaðandi, en hann hefur nám í kynlífssiðfræði að baki. Í erindi sínu fjallaði hann meðal annars um ýmsa þá þætti í menningu okkar sem gera karla stressaða og konur uppgefnar og gaf góð ráð til að létta á stressinu.