Heim

Fréttir og greinar

Fréttir og greinar

12. maí 2014

Kjarasamningur SFR og Fríhafnar undirritaður 9. maí

Á föstudaginn 9. maí skrifuðu SFR og Fríhöfnin undir nýjan kjarasamning sem gildir til 31. desember 2015. Haldnir verða tveir kynningarfundir í kaffistofu Fríhafnarinnar, þir. 13. maí kl. 13 og mið. 14. maí kl. 13. Atkvæðagreiðsla um samninginn verður á staðnum og hefst á fundi loknum. Þeir sem ekki verða á fundunum geta sótt kjörseðil til trúnaðarmanna SFR en hægt verður að greiða atkvæði fram til kl. 12 þann 19. maí.

12. maí 2014

Verkfallsvarsla hófst með fjölmennum fundi

IMG_6475 (Copy)Í morgun hófst verkfall félagsmanna SFR og SLFÍ sem starfa hjá fyrirtækjum sem eru í Samtökum fyrirtækja í velferðarþjónustu. Dagurinn hófst á afar vel sóttum opnum fundi á fyrstu hæðinni á Grettisgötunni en þar verður verkfallsmiðstöð í dag. Formenn félaganna hvöttu fundarfólk áður en það lagði af stað í hópum út á vinnustaðina í verkfallsvörslu.

12. maí 2014

Rafræn atkvæðagreiðsla um kjarasamning SFR og Reykjavíkurborgar hafin

Rafræn atkvæðagreiðsla um samning SFR og Reykjavíkurborgar hefst kl. 12 þann 12. maí og lýkur kl. 11 þann 16. maí 2014. Nýr samningur var undirritaður 7. maí og hann má nálgast hér. Kynningu á kjarasamningnum er hægt að nálgast hér. Afar mikilvæt er að sem flestir nýti rétt sinn til að greiða atkvæði. Góð þátttaka skiptir öllu máli!

11. maí 2014

Verkfall hefst á morgun

Síðustu samningafundir voru föstudaginn 9. maí og sunnudaginn 11. maí, þar sem reynt var til þrautar að ná samningum en án árangurs. Verkfall hefst því mánudaginn 12. maí kl. 08.00 til 16.00 hjá félagsmönnum SLFÍ og SFR - stéttarfélagi í almannaþjónustu, sem starfa hjá stofnununum innan Samtaka fyrirtækja í velferðarþjónustu.

Fyrirtæki og stofnanir innan SFV sem reknar eru fyrir opinbert fé og verkfallið nær til eru: Ás Hveragerði, Dalbær, Eir, Grund, Hlévangur, HNLFÍ, Hornbrekka, Hrafnista Reykjavík, Hrafnista Hafnarfirði, Hrafnista í Kópavogi, Hrafnista Reykjanesi, Kumbaravogur, Lundur, Mörk, SÁÁ, Sjálfsbjargarheimilið, Skjól, Skógarbær, Sóltún og Sunnuhlíð.

 

08. maí 2014

Kjarasamningur SFR við RARIK samþykktur

SFRlogo_midjad minnaKjarasamningur SFR og RARIK var samþykktur í dag með 71,43% greiddra atkvæða. Alls greiddu 28 atkvæði en 34 voru á kjörskrá. 71,43% þeirra sem tóku þátt sögðu Já, en 28,57% sögðu Nei.

08. maí 2014

Kjarasamingur við Reykjavíkurborg undirritaður

WP_20140507_20_04_12_ProÍ gærkvöldi tókust samningar við Reykjavíkurborg en kjarasamningur SFR og borgarinnar nær til um 200 félagsmanna. Kynning á samningi og fyrirkomulagi atkvæðagreiðslu verður auglýst fljótlega.  Hér má sjá samninginn.

07. maí 2014

Stefnir í boðað verkfall - Opinn fundur 12. maí kl. 9

SFR stéttarfélag og Sjúkraliðafélag Íslands hafa sameiginlega átt í kjaraviðræðum við SFV en fundað hefur verið stíft síðustu daga. Lítið hefur þokast í samningsátt og flest mál eru enn óútkljáð. Því stefnir að óbreyttu í boðað verkfall næsta mánudag þann 12. maí. Þá munu allir félagsmenn SFR og sjúkraliðar hjá SFV leggja niður störf á tímabilinu frá kl. 8.00 til kl. 16.00. Verkfallsmiðstöð verður að Grettisgötu 89, 1. hæð.

Þær stofnanirsem eru aðilar að Samtökum fyrirtækja í velferðarþjónustu eru: Ás, Dalbær, Eir, Garðvangur, Grund, Hlévangur, HNLFÍ, Hornbrekka, Hrafnista Reykjavík, Hrafnista Hafnarfirði, Hrafnista Kópavogi, Hrafnista Reykjanesi, Kumbaravogur, Lundur, Mörk, SÁÁ, Sjálfsbjargarheimilið, Skjól, Skógarbær, Sóltún , Krabbameinsfélagið og Sunnuhlíð/Vigdísarholt.

02. maí 2014

Fjölmenni í kröfugöngu og á útifundi á 1. maí

1. maí 2014 SFRYfirskrift 1. maí að þessu sinni var samfélag fyrir alla en hér á vef BSRB er hægt að nálgast ræðu Elínar Bjargar Jónsdóttur, formanns BSRB, á 1. maí. Í ræðunni sagði hún m.a.: „Okkur tókst að byggja upp samfélag þar sem jöfnuður fólksins var settur framar öllu – kerfi sem veitti fólki jafnari tækifæri, óháð efnahag, fjölskylduaðstæðum og  búsetu. Eins og sakir standa erum við að þróast frá þessari samfélagsgerð yfir í samfélag aukinnar misskiptingar og ójafnaðar. Grunngildum okkar er ógnað og það munum við ekki sætta okkur við.“ Fleiri myndir hér.

01. maí 2014

  1. MAÍ - BARÁTTUKVEÐJUR Í TILEFNI DAGSINS

1 mai Eg maeti en thu byggjum saman betra samfelag

30. apríl 2014

Samningur við Isavia undirritaður

WP_20140429_23_21_11_Pro (Copy)Skrifað var undir kjarasamning SFR, FFR og LSS við ISAVIA rétt fyrir miðnætti í gærkvöld, en nokkrum klukkustundum áður hafði fyrirhuguðu verkfalli verið frestað til 22. maí. Nýr kjarasamningur mun gilda til þriggja ára en hann kveður á um 2,8% launahækkun á þessu ári og 4% hækkun á öðru og þriðja ári samningsins. Ný kjarasamningur verður kynntur félagsmönnum í næstu viku og atkvæðagreiðslu um hann lýkur á hádegi 15. maí næstkomandi.