Fréttir og greinar

21. janúar 2020

Námskeið um lífeyrismál við starfslok

Boðið verður upp á námskeið um lífeyrismál við starfslok fyrir sjóðfélaga Brúar lífeyrissjóðs og Lífeyrissjóðs starfsmanna Reykjavíkurborgar miðvikudaginn 29. janúar næst komandi. Námskeiðið verður haldið í húsakynnum Brúar lífeyrissjóðs að Sigtúni 42.

17. janúar 2020

Af fundafári vikunnar

Kjaraviðræður við ríki, Reykjavíkurborg, Sambands íslenskra sveitarfélaga, Strætó, Orkuveituna og Isavia héldu áfram í vikunni og var árangur fundanna æði misjafn. Ekkert mál er í höfn en sum þeirra mjakast áfram meðan önnur hreyfast ekki. Áfram verður fundað, einhverjir fundir eru áætlaðir um helgina og næsta vika er óðum að fyllast. Það þykir þó fréttnæmt að vinnuhópur um styttingu vinnuvikunnar hjá vaktavinnufólki sem starfað hefur undanfarnar vikur fundar allan daginn í dag og mun funda alla helgina. Í vinnuhópnum eiga sæti fulltrúar viðsemjenda og BSRB auk annarra heildarsamtaka. Þar eru allir sammála um að gera atlögu að því að klára þá umræðu enda hafa samningaviðræður meðal annars strandað á kröfum okkar um styttingu vinnuvikunnar fyrir vaktavinnufólk. Við höfum lagt mikla áherslu á þá kröfu frá upphafi og munum ekki skrifa undir samninga nema vaktavinnufólkið okkar fái sitt.

16. janúar 2020

Vetrarleiga og hagnýtar dagsetningar úthlutana

Vetrarleiga orlofshúsa er nú í fullum gangi. Hægt er að bóka 5 mánuði fram í tímann innanlands en 6 mánuði fyrir Spán. Nema yfir úthlutunartímabil. Fyrsta virka dag í mánuði bætist við nýr mánuður.
Páskar innanlands. Opið verður fyrir umsóknir 20. janúar til 20. febrúar.

14. janúar 2020

Fræðslufundur um lífeyrismál - sjóðfélagar í LSR

Fræðslufundir um lífeyrismál fyrir félagsmenn aðildarfélaga BSRB, þar á meðal Sameyki, sem eru virkir sjóðfélagar í LSR og eru að nálgast starfslok verða haldnir mánudaginn 27. janúar næstkomandi. Nauðsynlegt er að skrá sig fyrir 22. janúar.

13. janúar 2020

Kjarasamningsviðræður alla daga

Í morgun hafa fulltrúar okkar setið samningafundi bæði hjá Reykjavíkurborg og Isavia. Við vonumst til þess að þeir fundir hafi þokað okkur örlítið nær samningum en í vikunni eru fjölmargir fundir áætlaðir með flestum okkar viðsemjendum. Næstu daga munum við reyna til hins ítrasta að ná samkomulagi svo ekki þurfi að koma til aðgerða. Við höfum nú verið samningslaus í næstum 10 mánuði og sumir félagsmanna okkar lengur. Ef við sjáum ekki til lands næstu daga munum við lítum svo á að það sé í höndum viðsemjenda okkar að afstýra verkfallsaðgerðum. Þetta ástand er með öllu óþolandi og því höfum við boðað alla okkar fulltrúa í samninganefndum ríkis, borgar og sveitarfélaga á fund nú síðdegis til að ráða ráðum okkar.

10. janúar 2020

Rætt um mögulegar aðgerðir

Á fundi samningseininga BSRB í dag var m.a. rætt var um hvort og þá hvenær grípa skyldi til aðgerða til að þrýsta á viðsemjendur um gerð kjarasamnings. Kjarasamningar þorra aðildarfélaga BSRB hafa verið lausir frá því í apríl 2019 og viðræður ganga afar hægt.

10. janúar 2020

Baráttan fyrir betri kjörum - vinnustaðafundir

Verið er að skipuleggja vinnustaðafundi á nokkrum stærstu vinnustöðunum þar sem Sameyki á félagsfólk. Markmiðið er að ræða um stöðuna í kjarasamningsviðræðunum og mögulegar aðgerðir framundan. Auk vinnustaðafundanna mun einnig boðið til opins félagsfundar á Grettisgötu 89, sem verður nánar auglýstur síðar. Við hvetjum allt okkar fólk til þess að mæta á fundina og taka þátt í baráttunni fyrir bættum kjörum.

07. janúar 2020

Samningaviðræður í fullum gangi - nú verður reynt til hins ítrasta

Samninganefndir Sameykis eru komnar á fullt aftur eftir stutt jólahlé. Þegar hefur verið fundað með Reykjavíkurborg og fjölmargir fundir eru fyrirhugaðir í vikunni með fleiri viðsemjendum.

02. janúar 2020

Vor í bústað eða páskar á Spáni?

Gleðilegt nýtt ár kæru félagar. Við byrjuðum morguninn á því að opna fyrir bókanir í orlofshúsin okkar innanlands til loka maí. Endilega kíkið inn á orlofsvefinn. Þá er enn hægt að sækja um úthlutun íbúða eða húss á Spáni yfir páskana, eða til og með 5. janúar 2020.

20. desember 2019

Sameyki styrkir gott málefni

Í stað þess að senda hin hefðbundnu jólakort eins og gert var hér áður fyrr ákvað stjórn Sameykis á fundi sínum í vikunni að styrkja gott málefni. Fyrir valinu varð Rauði krossinn, Samhjálp, Hjálparstofnun kirkjunnar og vatnstanka og klósetaðstöðuverkefni UNICEF.