Atkvæðaseðill vegna fyrirhugaðra verkfallsaðgerða verður sendur til félagsmanna SFR sem starfa hjá ríkinu, á morgun, þriðjudaginn 22. september. Félagsmenn fá upplýsingar um framkvæmd rafrænnar atkvæðagreiðslu senda á lögheimili sitt. Félagsmenn sem eru með rétt netfang skráð hjá SFR fá gögnin einnig send í tölvupósti. Rafræna kosningin hefst þriðjudaginn 22. september og stendur til hádegis þriðjudaginn 29. september.

Kosið verður um verkfallsaðgerðir sem hefjast munu 15. okt. Byrjað verður á allsherjarverkfall og því síðan fylgt eftir með aðgerðum á ákveðnum stofnunum. Allar upplýsingar um fyrirhugað verkfall og atkvæðagreiðsluna má finna hér.

Mikilvægt að allir félagsmenn noti atkvæði sitt, verkföllin munu hafa víðtæk áhrif á alla vinnustaði ríkisins s.s. Landspítala, sýslumannsembættin, heilsugæsluna, tollstjóra, ÁTVR, Háskóla Íslands, Vinnumálastofnun, Tryggingastofnun og Sjúkratryggingar Íslands auk 170 annarra stofnana.