Í gær 11. mars var undirritað samkomulag um breytingu og framlengingu á kjarasamningi SFR við Reykjavíkurborg. Samningurinn felur í sér að laun hækka a.m.k. um 2,8% en að lágmarki um 8.000 kr. Laun undir 241 þús. hækka um 9.750 kr. Verulega var bætt í orlofs- og desemberuppbót  en þær hækka samtals um 32.300 kr.  Jafnframt kemur eingreiðsla upp á 14.600 krónur. 

Helstu atriði samningsins eru:

• Samningurinn gildir frá 1. febrúar til 30. apríl 2015
• Eingreiðsla kr.  14.600 miðað við fullt starf
• Launataxtar upp að kr. 241.000 hækka um kr.  9.750.-  sem er rúmlega 4% hækkun.
• Launataxtar frá 241.000 kr. upp að 285.000 kr. hækka um kr. 8.000.-  sem er um 2,9-3,3% hækkun.
• Almenn launahækkun fyrir laun 285 þúsund og hærri er 2,8%
• Desemberuppbót hækkar um kr. 21.500 og verður fyrir árið 2014  kr. 79.500
• Orlofsuppbót hækkar um kr. 10.800 og verður fyrir árið 2014  kr. 39.500 .-
• Framlag í starfsmenntasjóð hækkar um 0,1%
• Endurskoðun á starfsmati

Jafnframt var gengið frá viðræðuáætlun um eftirfarandi atriði:

• Endurskoðun stafsmatskerfisins verði lokið fyrir 1. nóvember.
• Mat á viðbótarlaunakerfi (eða núverandi hæfnismatskerfi) skal liggja fyrir í lok september 2014.
• Ný launatafla og tengingar við starfsmat- útfærsla verður kynnt fyrir lok september 2014.
• Viðræður um launaliði nýs samnings skulu hefjast í febrúar 2015.

Samningurinn verður kynntur félagsmönnum á mán. 17. mars kl. 16:30, en hann nær til þeirra 200 félagsmanna SFR sem starfa að málefnum fatlaðra. Kynningarfundur verður auglýstur nánar síðar.

Hér má nálgast samninginn.