Fréttir og greinar

20. maí 2021

Raunfærnimat hjá Vinnumálastofnun - hæfni starfsfólks gerð sýnileg

Í gær lauk formlega tilraunarverkefninu raunfærnimat á móti starfi sérhæfðs þjónustufulltrúa hjá Vinnumálastofnun (VMST). Útskriftin fór fram við hátíðlega athöfn í húsnæði VMST á Skagaströnd að viðstöddum Unni Sverrisdóttur forstjóra VMST og Vilmari Péturssyni mannauðsstjóra VMST, ásamt Lilju Rós Óskarsdóttur frá Fræðslumiðstöð atvinnulífsins, Guðfinnu Harðardóttur og Sólborgu Öldu Pétursdóttur frá Fræðslusetrinu Starfsmennt og Jóhönnu Þórdórsdóttur frá Sameyki stéttarfélagi í almannaþjónustu.

20. maí 2021

Aðalfundur Lífeyrisdeildar Sameykis haldinn 10. júní

Aðalfundur Lífeyrisdeildar Sameykis verður haldinn fimmtudaginn 10. júní kl. 14 að Grettisgötu 89, á 1. hæð. Vegna COVID-19 faraldursins var ekki unnt að halda aðalfund hjá Lífeyrisdeild Sameykis á síðasta ári og gaman verður að geta haldið aðalfundinn þó boðunin á fundinn er seinni en lög gera ráð fyrir.

19. maí 2021

BSRB lýsir yfir stuðningi við konur sem hafa stigið fram í nýrri bylgju #metoo frásagna

Á aðalfundi BSRB sem haldinn var í gær 18. maí var samþykkt ályktun sem lýsir yfir stuðningi við konur sem stigið hafa fram í nýrri bylgju #metoo frásagna með sögur af ofbeldi og áreitni, en einnig þær konur sem ekki hafa stigið fram opinberlega með sínar sögur.

19. maí 2021

Niðurskurður er ekki valkostur

Sérfræðingahópur verkalýðshreyfingarinnar vegna efnahagslegra áhrifa COVID-faraldursins varar við neikvæðum afleiðingum niðurskurðar og samdráttar á velferð og lýðheilsu og bendir á að ekki hafi verið gert nóg til að koma til móts við þá sem verst hafa orðið úti vegna efnahagskreppunnar sem faraldurinn hefur framkallað.

12. maí 2021

Ungt fólk og vinnumarkaðurinn

Félagsmálaskóli alþýðu býður ungu fólki sem er að stíga sín fyrstu skref á vinnumarkaði að taka þátt í vefnámskeiði sem ber yfirskriftina Ungt fólk og vinnumarkaðurinn - Hvað þarf ég að vita. Námskeiðið er haldið 19. maí og stendur yfir í tvær klukkustundir frá kl. 16:00 til 18:00.

07. maí 2021

Segja opinbera starfsmenn á eftir í launaþróun milli markaða

Þórarinn Eyfjörð formaður Sameykis og Sonja Ýr Þorbergsdóttir formaður BSRB hafi bæði skrifað greinar í fölmiðla sem fjalla um launaþróun opinberra starfsmanna og birtust í gær og í dag. Sonja Ýr skrifar grein sem birtist á Kjarnanum í dag þar en hún segir að það séu ekki opinberir starfsmenn sem leiða launaþróunina heldur hafi það verið Lífskjarasamningurinn sem lagði grunninn í undangenginni kjarasamningslotu.

06. maí 2021

Félagsfólk Sameykis í sterkari stöðu samkvæmt könnun Vörðu

Sameyki vill vekja athygli félagsfólks á skýrslu sem Varða rannsóknastofnun vinnumarkaðarins gerði um stöðu launafólks á Íslandi. Um er að ræða niðurstöður spurningakönnunar meðal aðildarfélaga ASÍ og BSRB.

05. maí 2021

Hjólað í vinnuna hefst í dag

Verkefnið Hjólað í vinnuna hófst í dag og fer fram frá 5. - 25. maí. Þátttökudagar í verkefninu eru alls þrettán talsins. Hægt er að skrá sig til leiks þar til verkefnið klárast 25. maí og skrá sína hreyfingu aftur í tímann. Þó er mælt með því að þátttakendur skrái sig strax til leiks.

04. maí 2021

Samfélagslegur ávinningur betri vinnutíma í vaktavinnu!

Þann 1. maí næstkomandi verður stigið eitt stærsta skref í breytingum á vinnutíma vaktavinnufólks í hálfa öld. Vinnuvika starfsfólks í vaktavinnu, í fullu starfi hjá opinberum launagreiðendum, mun styttast um 4 klst. á viku að lágmarki.

03. maí 2021

Náttúruauðlindir í þjóðareign

Það er óviðunandi að stjórnvöld, Alþingi og ríkisstjórn, láti það viðgangast lengur að þjóðin sé rænd réttmætri eign sinni fyrir allra augum án þess að nokkuð sé aðhafst.