Fréttir og greinar

14. janúar 2016

Lífeyrissjóðsmál í brennidepli

Fyrsti fundur trúnaðarmannaráðs SFR var haldinn í gær. Á fundinum kynnti Jóhanna Þórdórsdóttir fræðslustjóri SFR fjölmarga fræðslumöguleika fyrir trúnaðarmenn og hvatti þá til þess að nýta sér þá. Þá fjölluðu þau Árni Stefán Jónsson formaður SFR og Elín Björg Jónsdóttir formaður BSRB um stöðuna í lífeyrismálum. Eins og kunnugt er þá hafa staðið yfir viðræður á milli aðila vinnumarkaðar og stjórnvalda um jöfnun lífeyrisréttinda um nokkurt skeið. Sú vinna er nú í fullum gangi og kynntu þau Árni og Elín þær hugmyndir sem nú eru til umræðu.

05. janúar 2016

Nám um Vaktavinnu og lýðheilsu

Fræðslusetrið Starfsmennt auglýsir námsleiðina Vaktavinna og lýðheilsa. Námið er ætlað stjórnendum sem skipuleggja vaktir og starfsfólki sem gengur vaktir. Þar sem álitamálin eru mörg er gert ráð fyrir að starfsmenn og stjórnendur sitji sömu námskeið, til að kynnast ólíkum sjónarmiðum og auka gagnkvæman skilning.

Aðilar á vinnumarkaði vilja með þessu námi tryggja að þeir stjórnendur sem skipuleggja vinnu á vöktum og starfsmenn sem ganga vaktir eigi þess kost að sækja námskeið í gerð vaktskráa sem taka mið af líkamsklukku og heilsuvernd.

05. janúar 2016

Auðvelt að tengjast í orlofshúsum SFR

SFR hefur í samstarfi við Vodafone netvætt bæði íbúðir félagsins á Akureyri og í Reykjavík og einnig orlofshúsin í Munaðarnesi, Húsafelli, Skorradal, Kjarnabyggð og Hólasetri. Bráðlega verður einnig hægt að tengjast á Arnarstapa og Vaðnesi í vor, þegar framkvæmdum þar lýkur.

31. desember 2015

Breytingar á úthlutunarreglum Styrktar- og sjúkrasjóðs SFR

Nú um áramótin verða nokkrar breytingar á úthlutunarreglum Styrktar- og sjúkrasjóðs SFR. Meginbreytingarnar eru að tannlæknastyrkur hækkar í 100.000 kr. úr 80.000 kr., líkamsræktarstyrkur hækkar í 23.000 kr. úr 20.000 kr., þá verður greitt 2.500 fyrir hverja heimsókn til sjúkraþjálfara í stað 2.000 kr. áður. Einnig hækkar styrkur vegna áhættumatsskoðunar hjá Hjartavernd í 20.000 kr. úr 17.000 kr. ...

28. desember 2015

Breytingar á úthlutunarreglum Starfsmenntunarsjóðs SFR

Stjórn Starfsmenntunarsjóðs SFR hefur gert breytingar á úthlutunarreglum sjóðsins og taka þær gildi 1. janúar 2016. Meginbreytingarnar eru að nú eiga félagsmenn rétt á að sækja um styrk þegar þeir hafa verið samfellt í 6 mánuði í félaginu, áður þurfti að hafa 12 mánuði samtals á bak við sig. Einnig er styrkur vegna fræðslu og kynnisferða erlendis hækkaður í 100.000 kr. úr 80.000 kr. ...

18. desember 2015

Kjarasamingur SFR og SFV samþykktur

Kjarasamningur SFR og Samtaka fyrirtækja í velferðarþjónustu (SFV) var samþykktur í atkvæðagreiðslu sem lauk nú um hádegið. Kosningaþátttaka var tæplega 53% og sögðu 95,7% þeirra já við nýjum samningi.

16. desember 2015

Skrifstofan lokar kl. 15 í dag

Skrifstofa SFR lokar klukkan þrjú í dag.

15. desember 2015

NSO fundur haldinn í Færeyjum

Formaður og framkvæmdastjóri SFR taka nú þátt í fundi NSO (Nordiska statstjänstemannaorganisationen) sem haldinn er í Færeyjum. Á fundinum er farið yfir þau mál sem helst brenna á systurfélögum SFR á Norðurlöndunum. Fjallað er um efnahagsástand, kjarasamninga, aðgerðir stjórnvalda og þær stóru áskorandir sem eru að mæta stéttarfélögunum í náinni framtíð.

11. desember 2015

Breyttar starfsreglur Styrktar- og sjúkrasjóðs SFR

Vakin er athygli á því að nú mega kvittanir eða aðgerðadagsetningar ekki vera eldri en eins árs gamlar, undantekning er þó tannlæknakvittanir, sjá úthlutunarreglur hér.

Frestur til að sækja um og skila inn gögnum fyrir árið 2015: Til þess að geta fengið styrk vegna ársins 2015 er nú nauðsynlegt að sækja um og skila inn gögnum í síðasta lagi mánudaginn 21. desember. Allar umsóknir og gögn sem berast eftir þennan tíma munu undantekningalaust falla á rétt ársins 2016.

10. desember 2015

Jólafundur trúnaðarmannaráðs

Jólafundur trúnaðarmannaráðs SFR var haldinn í gær. Árni Stefán Jónsson formaður fór yfir stöðuna í kjaramálum, en félagið hefur nú lokið við samninga við flesta viðsemjendur. Samningar SFR og Sambandsins eru í atkvæðagreiðslu og í dag hefst kynning á samningi SFR og SFV. Enn er þó ósamið við Fríhöfnina og Matís. Fundurinn í gær var á jólalegum nótum, rithöfundarnir Einar Már Guðmundsson og Auður Jónsdóttir lásu upp úr nýútgefnum bókum sínum og Ingrid Kuhlman fjallaði um núvitund sem undirstöðu lífshamingjunnar. Hún lauk sínu erindi með slökunaræfingu sem féll í afar góðan jarðveg hjá fundargestum sem hafa átt annríkt í kjaraviðræðunum að undanförnu.